logo

иқтисод

ОБУ ОБРАСОНӢ. БЕМАСЪУЛИЯТӢ МОРО ТО КУҶО МЕБАРАД?

Ҷумҳурии Тоҷикистон дорои 753 ҳазору 929 гектар замини обӣ  мебошад, ки соли ҷорӣ идораҳои давлатии беҳдошти замин ва обёрии шаҳру ноҳияҳо бо 4826 нафар истифодабаранда барои обёрии 542 ҳазору 909 гектар шартнома бастанд. Қитъаҳои боқӣ тариқи обёрии худҷорӣ шодоб гардонда мешаванд. Тӯли ҳашт моҳи сипаригардида дар ҷумҳурӣ нақшаи ҷамъоварии  ҳаққи хизмати обрасонӣ иҷро нашуда бошад ҳам, нисбат ба ҳамин давраи соли гузашта 3 миллиону 641 ҳазор сомонӣ зиёд ба буҷет ворид шудааст.
Тибқи шартномаҳо обистифодабарандагон мебоист як қисми маблағи ҳаққи хизмати обрасониро пешпардохт менамуданд, аммо он дар рӯйи коғаз монда, баъди гузашти солҳо низ хоҷагидорон қарзашонро намепардозанд. Аз ин рӯ, қарзи хоҷагиҳои деҳқонӣ дар назди идораҳои давлатии беҳдошти замин ва обёрии шаҳру ноҳияҳо то 1 сентябри  соли 2017, бо дарназардошти қарзҳои солҳои гузашта 107,2 миллион сомониро ташкил медиҳад. Ин ҳолат вазъи молиявии Агентии беҳдошти замин ва обёрии ҷумҳуриро хеле ногувор намудааст.
Кормандони агентӣ, бо вуҷуди ҳама мушкилот, барои беҳтар намудани ҳолати мелиоративии заминҳои кишоварзӣ кӯшиши зиёд ба харҷ медиҳанд. Зеро ин тадбир яке аз омилҳои асосии баланд бардоштани истеҳсоли маҳсулоти кишоварзӣ буда, дар ин замина барои паст намудани сатҳи камбизоатӣ мусоидат менамояд.
Аз ҳисоби солҳои пешин масоҳати заминҳои ҳолати мелиоративиашон бад 39 ҳазору 580 гектарро ташкил медиҳад, ки нисбат ба ҳамин давраи соли пешин 5690 гектар кам аст.
Шафоат Назифов, сардори раёсати ҳавзавии беҳдошти замин ва обёрии агентӣ мегӯяд:
- Анҷом додани корҳои    мелиоративӣ    ҳолати   заминҳоро    беҳтар мегардонад, аммо бо сабаби аз тарафи роҳбарони хоҷагиҳои деҳқонӣ риоя накардани усулҳои агротехникӣ, технологияи обмонӣ, сари вақт тоза накардани заҳбуру заҳкашҳои дохилихоҷагӣ, дар ҳолати ғайритехникӣ нигоҳ доштани чоҳҳои амудии хушккунанда ва пойгоҳҳои мелиоративӣ, барои обёрӣ истифода бурдани обҳои заҳбуру заҳкашҳо ин тадбир вазъи мелиоративии заминҳоро беҳ намегардонад.
Ҳамчунин, солҳои охир ҳолати пойгоҳҳои обкашии кишвар нигаронкунанда боқӣ мондаанд. Алҳол тавассути 388 пойгоҳи обкашӣ ва 505 чоҳи амудӣ 289,1 ҳазор гектари замин обшор мегардад. Тавре зикр гардид, 4 иншооти обёрикунанда асосан солҳои шастуми асри гузашта сохта шуда, муҳлати истифодаи онҳо то  4 давра гузаштааст.  Барои ба пуррагӣ иваз намудани дастгоҳҳои обкашӣ, муҳаррикҳои барқӣ  ва бо оби обёрӣ таъмин намудани заминҳои кишоварзӣ 1274 дастгоҳи обкашӣ, муҳаррикҳои барқӣ ва 620,2  ҳазор метр лӯлаҳои баландфишорро иваз кардан лозим меояд.
Бояд тазаккур дод, ки баробари таъмиру навсозии пойгоҳҳои обкашӣ, ҳамчунин, иваз намудани  онҳо бо таҷҳизоти каммасрафи муосир пеш омадааст. Соли 2015 аз ҷониби ширкати муштараки Чину Тоҷикистон “Ҷунтай - Хатлон Синсилу” барои пойгоҳҳои обкашии вилояти Хатлон 32 маҷмӯъ таҷҳизоти муосир ворид гашт, ки дар силсилапойгоҳҳои мавзеи Ғаровутии ноҳияи Дӯстӣ ва Қубодиён васл шуд. Дар натиҷа самаранокии дастгоҳҳои обкашӣ ба миқдори 8,1 м3/сония афзуда, истифодаи неруи барқ дар як соат 310 кВт коҳиш ёфтааст.
Як мушкили рӯ ба рӯ омада он аст, ки ҳолати иқтисодии хоҷагиҳои кишоварзӣ ва қобилияти пардохтпазирии онҳо паст буда, солона ба ҳисоби миёна то 60 дарсадро ташкил медиҳад. Дар ин ҳолат агентӣ бо дастгирии Ҳукумати ҷумҳурӣ, ки ҳадафаш таъмини амнияти озуқавории кишвар аст, вазифаҳои дар наздаш гузоштаро ба ҷо оварда метавонад, - гуфт дар хотима Шафоат Назифов.
Мирзои ФИРӮЗ, «Ҷумҳурият»


Баёни ақида (0)    Санаи нашр: 25.09.2017    №: 201    Мутолиа карданд: 327

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед