logo

иқтисод

САНОАТ. БА ИСТЕҲСОЛИ ВАТАНӢ АВЛАВИЯТ НАМЕДИҲЕМ, ЧАРО?

Тибқи маълумоти оморӣ, дар доираи иҷрои дастуру супоришҳои Роҳбари давлат корхонаҳои ватанӣ ҳаҷми истеҳсоли либосҳои мактабиро сол то сол зиёд намуда истодаанд. Дар соли нави хониш аксари корхонаҳои дӯзандагии ватанӣ дар ҳамкорӣ бо мақомоти иҷроияи маҳаллии ҳокимияти давлатии шаҳру ноҳияҳои кишвар намоиш - фурӯши либоси мактабӣ доир кардаанд. Барои зиёд намудани истеҳсол ва беҳтар гардидани сифати дӯхти либосҳои мактабӣ саҳми корхонаҳои азим, аз ҷумла «ИИ Нассоҷии тоҷик» - и шаҳри Душанбе, назаррас аст.
Вале аҷиб ин аст, ки барои ниёзҳоямон ҳатто ҷӯробро аз Чину Туркия ворид мекунем, дар ҳоле, ки абрешиму пахтаи аълосифат дар кишвари мо тавлид мешавад.
Анвар Қурбонов, раиси Шӯрои директорони ҶДММ «ИИ Нассоҷии тоҷик» гуфт, ки дар корхона аз соли 2011 инҷониб маҳсулоти гуногуни саноатӣ истеҳсол карда мешавад. Либосҳои мактабии корхона дар байни хонандагон мавқеъ пайдо намуда, аксарияти хонандагони шаҳри Душанбе ва дигар ноҳияҳои ҷумҳурӣ аз он харидорӣ менамоянд. Дар 8 моҳи соли равон корхона ба маблағи қариб 11 миллион сомонӣ либосҳои мактабӣ истеҳсол кардааст, ки нисбат ба ҳамин давраи соли гузашта 23,7 дарсад зиёд мебошад.
Бино ба маълумоти Хуш-маҳмад Ҷонмаҳмадов, директори генералии «ИИ Нассоҷии тоҷик», роҳбарияти корхона мунтазам барои навсозии технологияи коркарди нахи пахта ва истеҳсоли матоъҳои хушсифати ба рақобат тобовар саъйу кӯшиш менамояд. Бо ин мақсад барои истеҳсолоти ресандагӣ ва бофандагии ҶСП «Бофанда» ба маблағи 11,8 миллион доллари ИМА сармоягузорӣ карда шуд. Ҳоло ин корхона бо дастгоҳҳои технологии замонавӣ муҷаҳҳаз мебошад ва пурсамар фаъолият дорад. Дар истеҳсолоти ресандагии ин фабрика хати технологии ҳозиразамони истеҳ-соли ширкати «Риттер» ва дар истеҳсолоти бофандагии он дастгоҳҳои пуриқтидори бофандагии тамғаи «Пиканол» насб карда шудаанд.  Дар фабрикаи «рангомезӣ» - и корхона матоъҳои барашон то 2 метр рангубор ва гулпартоӣ карда мешаванд. Бо ин роҳ номгӯи маҳсулоти истеҳсолшаванда зиёд, сифати маҳсулот ба талаботи бозори ҷаҳонӣ ҷавобгӯ гардид.
Аз аввали соли ҷорӣ беш аз 1,8 миллион метри мураббаъ матоъҳои пахтагин истеҳсол ва асосан ба хориҷи кишвар содирот шудааст. Ҳадафи асосии ҳайати кормандони техникии корхона вобаста ба талаботи бозор афзун намудани истеҳсоли маҳсулоти пахтагин, такмил додани истеҳсолот ва беҳтар намудани сифати маҳсулот мебошад. Маҳсулоти корхона рақобатпазир буда, дар дохил ва хориҷи кишвар харидорони худро пайдо намудааст.
«ИИ Нассоҷии Тоҷик» яке аз корхонаҳои калон, муҷаҳҳаз бо техникаи ҳозиразамони коркарди нахи пахта то маҳсулоти ниҳоӣ - маҳсулоти дӯзандагӣ буда, иқтидори истеҳсолии солонаи он коркарди 7 ҳазор тонна нахи пахтаро дар бар мегирад. Сол то сол коргоҳҳои корхона васеъ ва аз нав таҷҳизонда мешавад. Корхона матоъҳои пахтагин, риштаи пахтагин, матоъҳои нобофта, ватин, бинт ва дигар маҳсулоти тиббӣ, маҳсулоти дӯзандагӣ истеҳсол менамояд. Дар ҳайати иттиҳодия се фабрикаи ресандагӣ, се фаб-рикаи бофандагӣ, фабрикаи рангомезӣ, фабрикаи бинтбарорӣ ва истеҳсолоти дӯзандагӣ фаъолият доранд.
Шаҳбоз АБРОР, «Ҷумҳурият»


Баёни ақида (0)    Санаи нашр: 26.09.2017    №: 202    Мутолиа карданд: 447

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед