logo

ҳуқуқ

НАШЪАҶАЛЛОБӢ. БОЗДОШТИ ЗАНЕ, КИ МЕХОСТ МАВОДИ МУХАДДИР ИНТИҚОЛ ДИҲАД

Дар доираи чорабинии оперативӣ-ҷустуҷӯӣ 22 сентябри соли равон, дар даромадгоҳи шаҳри Хоруғ, шаҳрванд Мамадназарова София Саидшоевна, зодаи ноҳияи Рӯшон, истиқоматкунандаи деҳаи Вогзи Ҷамоати деҳоти Қозидеҳи ноҳияи Ишкошим боздошт гардид. Номбурда мехост тавассути автомашинаи кироя як килограмм маводи мухаддири навъи ҳашишро аз ноҳияи Ишкошим ба шаҳри Хоруғ интиқол диҳад.
Дар ин бора ба «Ҷумҳурият» аз маркази робитаҳои ҷамъиятии Раёсати Кумитаи давлатии амнияти миллии Ҷумҳурии Тоҷикистон дар Вилояти Мухтори Кӯҳистони Бадахшон хабар доданд. Ба иттилои манбаъ, ҳангоми таҳқиқи пешакии ҷиноят С. Мамадназарова нишондод пешниҳод кардааст, ки маводи мухаддирро ба ӯ шавҳараш Замон Миравазбеков, истиқоматкунандаи деҳаи Вогзи Ҷамоати деҳоти Қозидеҳи ноҳияи Ишкошим додааст. Мувофиқи маслиҳати пешакӣ С. Мамадназарова мебоист ин миқдор маводи нашъаоварро ба маркази вилоят бурда, ба сокинони шаҳри Хоруғ Отамшо Ниёзбеков ва Кавсар Асаншоев мерасонд.
Дар асоси нишондоди С. Мамадназарова кормандони Раёсати Кумитаи давлатии амнияти миллии Ҷумҳурии Тоҷикистон дар ВМКБ шаҳрвандон З. Миравазбеков ва О. Ниёзбековро барои даст доштан ба ин амали ҷинояткорона боздошт намуданд. Тавре аз баёноти номбурдагон бармеояд, онҳо маводи мухаддирро аз Гулбек ном шаҳрванди Ҷумҳурии Исломии Афғонистон дастрас кардаанд. Маводи нашъаовар дар асоси дастури Кавсар Асаншоев, бо маслиҳати пешакӣ, аз ҷониби Гулбек интиқол дода шудааст.
Тибқи маълумоти расмии Раёсати Кумитаи давлатии амнияти миллии Ҷумҳурии Тоҷикистон дар Вилояти Мухтори Кӯҳистони Бадахшон шаҳрванд Кавсар Асаншоев аъзои гурӯҳи муташаккили ҷиноятии шаҳри Хоруғ буда, пештар барои содир кардани ҷиноят-даст доштан дар гардиши ғайриқонунии маводи мухаддир ба ҷавобгарии ҷиноятӣ кашида шудааст.
Ба иттилои манбаъ, танҳо дар давоми ду соли охир дар қаламрави ВМКБ 106 нафар дар натиҷаи суиистифода аз маводи мухаддир ба ҳалокат расидааст, ки 46 нафараш сокини шаҳри Хоруғ мебошад. Дар робита ба ин, таъкид мешавад, ки Раёсати Кумитаи давлатии амнияти миллии Ҷумҳурии Тоҷикистон дар ВМКБ дар ҳамбастагӣ бо дигар сохторҳои қудратии вилоят тамоми чораҳоро баҳри муборизаи беамон ба муқобили гурӯҳҳои муташаккили ҷиноятӣ, ки ба қочоқи маводи мухаддир ва дигар аъмоли ҷинояткорона даст доранд, амалӣ хоҳад кард.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 26.09.2017    №: 202    Мутолиа карданд: 515

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед