logo

иҷтимоиёт

ТАНЗИМ ВА БЕҲБУДИ ЗИНДАГӢ

Тибқи маълумоти расмӣ, давоми даҳ соли татбиқи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» беш аз як миллиону чорсад ҳазор маърака ба қайд гирифта шуда,  зимни гузарондани онҳо зиёда аз 18 миллиард сомонӣ сарфа гардид. Чунон ки иттилоъ дода мешавад, маблағҳои сарфашуда ба афзоиши даромади буҷети оилаҳо мусоидат намуд. Чанде қабл ба қонун тағйироту иловаҳо ворид гардиданд. Тибқи онҳо, минбаъд  маъракаҳои номгузорӣ, гаҳворабандон, чиллагурезон, мӯйсаргирони тифл ва дигар маъракаҳои ба таваллуди кӯдак вобаста, инчунин тамоми маросими дафну азодорӣ бе забҳи чорво ва бе додани таом гузаронда мешаванд. Дар иртибот ба ин мавзӯъ, чанд тан аз сокинони мамлакат ба хабарнигори рӯзнома андешаҳои хешро иброз доштанд.
Фариштамоҳ Каримова,
сокини шаҳри Душанбе:
- Чанд сол қабл баъзе нафарон ба хотири бодабдаба гузарондани  базми арӯсиву домодӣ, хатнасур ва маросими азодорӣ маблағи зиёд сарф мекарданд. Ҳатто кор то ҷое расид, ки баъзеҳо дар ҳолати надоштани маблағ барои барпо кардани чунин маъракаҳо қарз мегирифтанд. Аммо хушбахтона, бо қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» роҳи исрофкориву хурофотпарастӣ гирифта шуд. Мақсад аз тағйироту иловаҳое, ки чанде пеш ба қонун ворид шуданд, тақвият бахшидани ин раванд мебошад. Бо итминон метавон гуфт, ки  аз ин ба баъд  сатҳи некуаҳволии мардум беш аз пеш баландтар хоҳад гардид.
Ҳошим Салимов,
сокини ноҳияи Рӯдакӣ
- Мутаассифона, то қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» мардум ҳангоми гузарондани маъракаҳо ба зоҳирпарастиву худнамоӣ даст зада, ба харҷи беҳуда роҳ медоданд. Қабули ин қонун мусоидат намуд, ки мардум тадриҷан аз  анъанаҳои куҳнашудаю зараровар дур шаванд ва рӯ ба сарфаву сариштакорӣ оранд. Боиси хурсандист, ки чанде пеш ба ин санади тақдирсоз тағийроту иловаҳо ворид гаштанд, ки ҳадафи онҳо боз ҳам беҳбуд бахшидани зиндагии сокинони мамлакат мебошад. Зеро минбаъд мардум  метавонанд аз ҳисоби маблағҳои  сарфашуда  дар бонкҳо ба номи фарзандонашон  суратҳисоб кушода, зиндагии шоистаи онҳоро таъмин созанд.
Қурбон Раҳимов,
сокини шаҳри Қӯрғонтеппа:
- Ҷои баҳс нест, ки ворид гаштани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» барои боз ҳам беҳбуд бахшидани рӯзгори халқ равона шудааст. Дар баробари ин, ҳадаф барҳам додани расму анъанаҳое мебошанд, ки ба дини  мубини ислом ҳеҷ иртиботе надоранд, зеро тайи солҳои дароз  мардуми мо аз ноогоҳӣ ба исрофкориҳои зиёд роҳ медоданд. Ҳоло бошад, вазъ хеле беҳтар шудааст, ки ин ҳама аз шарофати қабули чунин қонуни башардӯстона мебошад.  
Нигина РАҲМОН, «Ҷумҳурият»


Баёни ақида (0)    Санаи нашр: 26.09.2017    №: 202    Мутолиа карданд: 533

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед