logo

фарҳанг

МИЛЛАТЕ, КИ КИТОБ МЕХОНАД...

Директори Китобхонаи миллии Тоҷикистон Абдусалом Мирализода гуфт, ки таблиғи китобу китобхона бояд ҳамарӯзӣ бошад, зеро ҷомеаи кишвар набояд ба буҳрони маънавӣ  гирифтор шавад. Дурии мардум аз китоб таъсири амиқ ба ахлоқи ҷомеа дорад.

- Ба назари ман, муҳимтарин масъалае, ки ба китоб ва китобхона иртибот дорад, ин баргардондани хонанда ба мутолиа аст. Бар асари рӯйдодҳои маълуми солҳои аввали истиқлолият, буҳронҳои ҷаҳониву минтақавии иқтисодӣ мардум аз китобу китобхона дур шуданд. Ҳукумати Ҷумҳурии Тоҷикистон барномаҳои қобили мулоҳизаеро рӯйи даст дорад, ки ба рушди илму маърифат равона гардидааст. Худи бунёди ҳамин китобхонаи боазамат, ки назираш дар минтақа вуҷуд надорад, баёнгари ин нукта аст, ки Ҳукумати мо ва  пеш аз ҳама Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба китоб таваҷҷуҳи аввалиндараҷа медиҳанд. Ин китобхона ҳама шароитҳоро барои ҷалби хонанда дорад ва толорҳои мукаммалу муҷаҳҳази он метавонанд ниёзҳои хонандаро бароварда созанд. Садҳо ҳазор адад китоб дорад, садҳо китобҳо дар шакли электронӣ омода шудаанд, ки хонанда метавонад онро дар толорҳои китобҳои электронӣ мутолиа намояд.
Имрӯз ҳам китобхонаҳо беҳтарин макони мутолиа барои донишомӯзонанд. Бойгонии китобхонаҳоро намешавад ба китобҳои электронӣ қиёс кард.
Китобхонаҳо бояд тавони онро дошта бошанд, ки эҳтиёҷоти мизоҷонашонро бароварда созанд. Китобхонаи миллӣ солона даҳҳо ҳазор сомониро сарфи он мекунад, ки китоби нав харад, аз мардум китобҳоеро харидорӣ кунад, ки дар бойгонӣ надорад. Даҳҳо нусха дастнавис, нусхаҳои қаламӣ ва чопи сангии асрҳои куҳан, ки харидорӣ шудаанд, гувоҳи онанд, ки эҳтиёҷ ба китобҳои қадим зиёд аст. Инҳо китобҳое мебошанд, ки ҳоло электронӣ нашудаанд.
Аз ҷониби дигар мутахассисон ҳам бояд ҷӯё бошанд. Дигар шеваҳои қадимии хизматрасонӣ ба кор намераванд. Имрӯз китобдор наметавонад китобдори ҳаддиақал даҳ соли пеш бошад. Бояд донишҳои худро пайваста такмил диҳад ва барои ҳамин Китобхонаи миллӣ маркази такмили ихтисос дорад, ки пайваста дар мавриди боло бардоштани донишҳои китобдорон ва ошноии онҳо бо шеваҳои нави кори китобдорӣ кор мекунад. Ҳоло омӯзиши барномаи Таснифоти даҳгонаи универсалӣ шурӯъ шудааст, курсҳои компютерӣ ва ғайра роҳандозӣ гардидаанд, ки тозатарин ва навтарин шеваҳои корбурди китобҳо мутобиқ ба мизони замон омӯзонда мешавад, барномаҳои ҷолибу муосири кор бо китобҳо мавриди омӯзиш қарор мегиранд. Ва мо ният дорем ин равишро минбаъд низ густариш диҳем, то китобдор  дониши ҷавобгӯи талаботи замонро дошта бошад. Ахиран 25 нафар корманди китобхона бо ширкат дар дарсҳои “Таснифоти даҳгонаи универсалӣ” мутобиқ ба тақсимоти даҳгона омӯзиши рақамҳои таснифотӣ илмҳои табиӣ, риёзӣ, ахтаршиносӣ, геодезия, физика, кимиё, маъданшиносӣ, геологияро омӯхтанд. Дар бораи илмҳои геологӣ ва геофизикӣ, полеантология, илмҳои биологӣ, ботаника, зоология маълумоти муфассал дарёфт карданд. Ин танҳо як давраи омӯзишист, ки маркази такмили ихтисос роҳандозӣ намудааст. 
Мо саъю талош меварзем, ки ҷомеаи мо, махсусан насли ҷавон китобхон бошад, зеро маҳз ҷомеаи китобхон метавонад дар рушду такомули доимӣ бошад. Миллати китобхон соҳибмаърифату соҳибнусрат аст. Миллати бомаърифат ватандӯст ва бунёдкор мебошад. Мо бояд миллатро ба мутолиаи самаранок баргардонем. Ин ҳадафи асосии Китобхонаи миллии Тоҷикистон аст. Барои ин аз ҳамаи имкониятҳо истифода мебарем.
Китобхона ҳоло танҳо ҷойе нест, ки дар он китоб хонанд. Даҳҳо номгӯ маҳфилҳо амал мекунанд, ки ҳар шуъба ва ҳар толор вобаста ба вижагии худ роҳандозӣ менамояд. Маҳфилҳои эҷодӣ дорад, ки эҷодкорони ҷавону наврас истеъдоди худро месанҷанд ва онҳоро устодони варзида раҳнамоӣ мекунанд. Кӯдакон маҳфили созандагӣ доранд. Теъдоде аз ин маҳфилҳо аз тариқи телевизиони “Баҳористон” намоиш дода мешаванд.
Дарсҳои омӯзишии забонҳои русӣ, олмонӣ, инглисӣ, чинӣ, арабӣ амал мекунанд, ки хатмкунандагонаш соҳиби шаҳодатнома мешаванд. Хулоса, хеле гуфтаниҳое ҳастанд, ки намешавад дар як суҳбати кӯтоҳ аз он ҳама гуфт. Аз ин рӯ, аз хонандагон даъват мекунем, ки узви китобхона бошанд, то ин ҳамаро бо чашмони худ бинанд.
Мусоҳибон Абдулқодири РАҲИМ,
Бобоҷони ШАФЕЪ


Баёни ақида (0)    Санаи нашр: 26.09.2017    №: 202    Мутолиа карданд: 382

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед