logo

иқтисод

НОРАК. АВЛАВИЯТ БА КАСБОМӮЗИИ ДЕҲОТИЁН

Бозори меҳнат дар раванди босуръати ҷаҳонишавӣ сайқал додани донишу маҳорат ва такмили ихтисоси корҷӯёнро тақозо менамояд. Шаҳрванди соҳибкасбу боҳунар дар ҳама ҷо роҳи зиндагиашро пайдо карда, бомуваффақ соҳиби даромади беминнат мегардад.
Дар шаҳри Норак филиали корхонаи воҳиди давлатии «Маркази касбомӯзӣ» - и шаҳри Душанбе фаъолият мекунад, ки дар он хоҳишмандон бо сайқал додани дониш ва қобилияти корӣ соҳиби шуғли доимӣ мешаванд. Марказ омӯзишро аз рӯйи ихтисосҳои қолинбофии дастӣ, бофанда, дӯзанда, қаннод, қуроқдӯз, зардӯз, муҳосиб бо донистани кор дар компютер, кафшергари барқӣ, челонгар, барқчӣ, адрасбоф ва гулдӯз ба роҳ мондааст. 
Шуъбаи Агентии меҳнат ва шуғли аҳолӣ дар шаҳри Норак бо маркази мазкур ҳамкории зич дорад. Дар асоси шартномаи тарафайн шаҳрвандони корҷӯйи дар қайди шуъбаи агентӣ буда ба омӯзиш фаро гирифта, бо кор таъмин карда мешаванд. Муҳлати таҳсил вобаста ба ихтисос аз ду то се моҳ идома меёбад. Ба касбомӯзон барои ҳар моҳи таҳсил ба маблағи 50 сомонӣ идрорпулӣ муқаррар шудааст.
Шаҳрвандоне, ки шаҳодатномаи тахассусӣ надошта, дар ташкилоту корхонаҳои шаҳр ва берун аз он кору фаъолият мекунанд, низ ба воситаи маркази мазкур баъди касбомӯзӣ соҳиби шаҳодатнома мегарданд.
Дар шаҳри Норак бештар аҳолии деҳаҳои дурдаст ба касбомӯзӣ ниёз дорад. Бинобар зиёд будани талаботи аҳолии деҳот ба  ҳунарҳои мардумӣ, тасмим гирифтем, дар ҳудуди деҳоти Дуконӣ ва Пули Сангин синфхонаҳои муҷаҳҳаз бо таҷҳизоти муосир кушода, занону духтарони хонашинро ба касбомӯзӣ фаро гирем, - иброз дошт Суҳроб Набиев, сардори шуъбаи Агентии меҳнат ва шуғли аҳолии шаҳри Норак.
Айни замон таъминоти филиали КВД «Маркази касбомӯзии шаҳри Душанбе» дар шаҳри Норак аз ҷиҳати моддӣ - техникӣ ба талаботи бозори меҳнат, ки дар шаҳр заруранд, ҷавобгӯ бошад ҳам, бинои марказ ба таъмири асосӣ ниёз дорад. Синфхонаҳои таълимӣ аз рӯйи ихтисос бо таҷҳизот ва дуконҳои адрасбофию қолинбофӣ таъминанд, вале ба талаботи имрӯза ҷавобгӯ нестанд. 
Навсозии бинои маркази касбомӯзӣ бо дастгирии Вазорати меҳнат, муҳоҷират ва шуғли аҳолии Ҷумҳурии Тоҷикистон тибқи лоиҳаи «Тақвияти таҳсилоти касбӣ - техникӣ ва омӯзиш» - и Бонки осиёии рушд ба нақша гирифта, иловатан боз чор синфхонаи касбомӯзӣ аз рӯйи ихтисосҳои дӯзандагӣ, ороиши мӯй, кафшергари барқӣ ва барқчӣ бо таҷҳизоти замонавӣ ҷиҳозонда мешавад. Татбиқи лоиҳа аз аввали соли нави 2018 оғоз меёбад.
Қобили қайд аст, ки дар шаҳри Норак моҳии марти соли 2016 бинои нави замонавии «Маркази таълимии касбомӯзӣ» мавриди истифода қарор дода шуд, ки синфхонаҳои таълимии касбии он аз рӯйи ихтисосҳои қолинбофии дастӣ, атласу адрасбофӣ, қаннодӣ, ороиши мӯй, муҳосиб бо донистани кор дар компютер, ошпаз, гулдӯз, зардӯз, кафшергари барқию газӣ, барқчӣ, фурӯшанда бо тамоми таҷҳизотҳои замонавӣ ҷиҳозонда шудаанд.
Ҳам дар КВД «Маркази касбомӯзӣ»  ва ҳам «Маркази таълимӣ – касбомӯзӣ»,  таълим аз рӯйи стандартҳои сифати таълим, барномаҳои «Мусоидат ба шуғли аҳолӣ дар шаҳри Норак барои солҳои 2016 – 2017» ва «Паст намудани сатҳи камбизоатӣ дар Ҷумҳурии Тоҷикистон»  ба роҳ монда шудааст. Касбомӯзон ба ғайр аз барномаи касби интихобкардаашон боз аз фанҳои ҳуқуқ, забони русӣ ва ҳифзи меҳнат таълим мегиранд. Соли гузашта 235 нафар шаҳрвандон, аз ҷумла занону духтарони хонашин ва 498 нафар тариқи худмаблағгузорӣ соҳиби касбу ихтисосҳои ба талаботи бозори меҳнат ҷавобгӯ гардида, ба ташкилоту корхонаҳо ва кори хонагӣ равон карда шуданд. Ин нишондиҳанда дар ҳашт моҳи соли 2017 мутаносибан 180 нафар ва тариқи касбомӯзии худмаблағгузор 277 нафарро ташкил медиҳад.
Қисми бештари касбомӯзони хатмкарда аз рӯйи ихтисосҳои кафшергари барқию газӣ, челонгар, барқчӣ дар иншооти муҳими аср, - сохтмони Неругоҳи барқи обии Роғун фаъолият карда истодаанд.
О. ВАФОБЕК, «Ҷумҳурият»


Баёни ақида (0)    Санаи нашр: 27.09.2017    №: 203    Мутолиа карданд: 470

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед