logo

фарҳанг

АЗ "АГАР" ТО "АММО". ДАР БОРАИ КИТОБХОНАҲОИ АЗ МАДДИ НАЗАРИ МАСЪУЛОН ДУР

Китобхонаҳои кишвар ҳоло  дар тобеияти мақомоти  маҳаллианд. Аз ин рӯ, маблағгузорӣ барои таъминоти китоб, дастрасии матбуоти даврӣ,  маоши кормандон, таъмири биноҳо, хариди васоити техникии муосир, ташкили курсҳои такмили ихтисос  ба мақомоти маҳаллӣ вогузор шудааст. Аммо аз рӯи маълумотҳо, ғайр аз маош ва қисме аз хароҷоти китобхонаҳои марказии ноҳиявӣ ба фаъолиятҳои дигари китобхона, хусусан барои харидани китобҳои нав аз ҷониби мақомоти маҳаллӣ қариб ки маблағ ҷудо намегардад.

Масалан, аз рӯи ҳисоботи Вазорати фарҳанг дар шаш моҳи аввали соли ҷорӣ  мақомоти иҷроияи   маҳаллии ҳокимияти давлатии шаҳру ноҳияҳои  Истаравшан, Истиқлол, Конибодом, Исфара, Зафаробод, Кӯҳистони Мастчоҳ, Спитамен, Шаҳристон, Ҷаббор Расулови вилояти Суғд барои хариди китобҳои тозанашр маблағ  ҷудо накарданд. Танҳо  мақомоти иҷроияи  маҳаллии ҳокимияти давлатии шаҳри Бустон барои китобхонаҳо  58 адад  китоби тозанашр харидорӣ намуд. Аз шумораи умумии китобхонаҳо  дар вилояти Суғд 128 адади он таъмирталаб буда, 3 бино  дар ҳолати садамавӣ, 5 – тои дигар дар хонаҳои шахсӣ ҷойгиранд.
Дар вилояти Хатлон дар ин муддат ба  ҷуз аз ноҳияҳои Муъминобод, Хуросон, Вахш ва шаҳри Қӯрғонтеппа, мақомоти иҷроияи маҳаллии ҳокимияти давлатии дигар шаҳру ноҳияҳо  барои хариди китоб умуман  маблағ ҷудо накардаанд. Ҳарчанд дар ин муддат дар шаҳри Норак ва ноҳияҳои  Хуросон, Ховалинг, Абдураҳмони Ҷомӣ китобхонаҳои нав сохта ба истифода дода шуданд. Аммо ҳолати китобхонаҳои минтақа ҳанӯз беҳбудиро тақозо дорад. Ҳоло аз шумораи умумии китобхонаҳои вилояти Хатлон  57 - тои он таъмирталаб буда, 13 ададаш дар ҳолати садамавӣ қарор дорад.
Мутаассифона, бештари бинои  китобхонаҳо дар Вилояти Мухтори Кӯҳистони Бадахшон низ  ҷавобгӯи талаботи рӯз нестанд. Аз ҷумла, дар китобхонаи вилоятии  ба номи Абуабдуллоҳи Рӯдакӣ  барои ҳифзу  нигаҳдории китобҳо шароити зарурӣ ва барои кормандон  ҳуҷраҳои корӣ  мавҷуд нест. Барои хариди китобу маҷаллаҳои тозанашр  низ ба китобхонаҳо маблағи  зарурӣ ҷудо намегардад.
Бо сабаби ҷудо нашудани маблағ барои хариди китобҳои  нав қисми бештари адабиёт дар китобхонаҳои навоҳии кишвар бо забони русӣ буда, талқинкунандаи ғояҳои замони имрӯза нестанд.
Дар бораи  компютеру телевизорҳои рақамии бо шабакаи интернет пайваст, тахтаҳои электронӣ, ки ҳангоми зарурат хонанда ва ё корманд аз онҳо бояд истифода намояд, ҷойи гап ҳам нест.
Ба гуфтаи мутахассисони соҳа  бо ин сабаб ҳоло  ин ниҳоди муҳим, ки дар рӯҳияи хештаншиносиву худогоҳӣ ва донишандӯзӣ тарбия намудани наврасони деҳот  нақши муҳим дошта бошад, дар иҷрои вазифаи аслии худ ба таври кофӣ муваффақ нест.
Агар мақомоти маҳаллии шаҳру навоҳии кишвар вазифаҳои дар ин самт ба зимма доштаашонро сари вақт ва бо масъулияти баланд иҷро менамуданд, китобхонаҳои  маҳаллӣ ҳамасола бо китобҳои чопи нав таъмин мешуданду то имрӯз сафи китобхонаҳои таъмирталаб кам мегардид. Аз китобхонаҳои садамавӣ нишоне ҳам намемонд. Аммо…
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 27.09.2017    №: 203    Мутолиа карданд: 277

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид


Дар сомонаҳои дигари Тоҷикистон хонед