logo

иқтисод

СОҲИБКОРӢ. ИМКОНИЯТҲОИ РУШД ФАРОВОНАНД

Таъмини рушди устувори иқтисоди миллӣ аз фаъолияти босамари соҳибкорони ватанӣ вобаста аст.  Махсусан, рушди соҳибкории истеҳсолӣ яке аз омилҳои  фаровонии бозорҳои кишвар бо маҳсулоти баландсифати ватанӣ ба шумор меравад.

Бо беҳбудӣ ёфтани фазои соҳибкории истеҳсолӣ тайи солҳои охир дар мамлакат шумораи корхонаҳои азими саноатӣ афзуда, ба зиёд гардидани маҳсулоти ватанӣ мусоидат намуд. Бунёди корхонаҳои бузурги семент, амсоли «Хуаксин – Ғаюр  семент», «Чунгтсай - Моҳир семент», «Билол - Суюлин семент» ва «Хуаксин – Ғаюр - Суғд  семент» Тоҷикистонро аз кишвари воридкунандаи маҳсулоти сохтмонӣ ба содиркунандаи он табдил дод. Давоми 8 моҳи соли равон дар кишвар 1,9 миллион  тонна семент истеҳсол гардид, ки нисбат ба соли гузашта 603 ҳазор тонна ва нисбат ба 5 соли пеш  10 баробар зиёд аст.  Дар ин давра қариб 600 ҳазор тонна семент, аз ҷумла ба Ҷумҳуриҳои Афғонистон  беш аз 400 ҳазор,  Ӯзбекистон 88,8 ҳазор ва Қирғизистон 54 ҳазор тонна, содирот шуд. Чунин дастовард дар самти истеҳсоли ангишт, коркарди металлҳо ва меваю  сабзавот низ назаррас мебошад.  Тавассути тадбирҳои андешидаи Ҳукумати кишвар  ҳиссаи бахши хусусӣ дар маҷмӯи маҳсулоти дохилӣ  сол аз сол боло меравад. 
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо назардошти нақши калидӣ доштани соҳаи номбурда дар пешрафту шукуфоии мамлакат зимни вохӯрӣ бо доираи васеи соҳибкорони ватанию хориҷӣ соли 2014 соҳибкориро муҳаррики иқтисодиёт номида, таъкид доштанд:
 «Тавассути  соҳибкорӣ, пеш аз ҳама, шуғли аҳолӣ, афзоиши истеҳсолоти рақобатнок, рушди устувори иқтисодӣ ва баланд бардоштани сатҳу сифати зиндагии аҳолӣ таъмин карда мешавад. Ҳамзамон бо ин, рушди соҳибкорӣ сарчашмаи асосии даромад ва воситаи инкишофи қобилияти эҷодиву зеҳнии одамон буда, табақаи миёнаҳоли аҳолиро, ки неруи асосии тараққиёти иқтисодӣ мебошад, ташаккул медиҳад».
Айни замон бо мақсади рушди соҳибкории хурд ва таъмини дастгирии
давлатии соҳибкорӣ Ҳукумати Ҷумҳурии Тоҷикистон қонун ва қарорҳои махсус қабул намуда, тавассути онҳо  имкониятҳои рушди соҳаро фароҳам овардааст. Дар доираи ин санад-ҳо  дастгирии давлатӣ ва  рушди озоди соҳаи соҳибкории кишвар муайян гардида, шаклу усул-ҳои ҳавасмандгардонию танзими дурусти фаъолияти субъектҳои соҳибкорӣ муқаррар карда шудааст.  Ҳамчунин, барои татбиқи лоиҳаю барномаҳои  рушди соҳибкорӣ дар мамлакат соли 2013 муассисаи давлатии «Фонди дастгирии соҳибкорӣ»  таъсис ёфт, ки ҳаҷми маблағҳои қарзии имтиёзноки ин фонд то соли 2020 як миллиард сомонӣ пешбинӣ гардид. Ҳоло дар заминаи имкониятҳои фаровон истеҳсоли  маҳсулоти воридотивазкунандаи ватанӣ ва роҳ ёфтан  дар бозори ҷаҳонӣ бо бренди «Made in Tajikistan» барои соҳибкорони ватанӣ вазифаҳои навро пеш гузоштааст.
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 28.09.2017    №: 204    Мутолиа карданд: 544

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед