logo

ҳуқуқ

ХИЗМАТИ ҲАРБӢ. ДАЪВАТ БА САФИ ҚУВВАҲОИ МУСАЛЛАҲ ОҒОЗ ШУД

Вазири мудофиаи Ҷумҳурии Тоҷикистон Шералӣ Мирзо бо мақсади дар сатҳи баланди омодагӣ ба роҳ мондани  мавсими тирамоҳии даъвати ҷавонон ба сафи Қувваҳои Мусаллаҳи Ҷумҳурии Тоҷикистон, ки аз 1 октябр шурӯъ мешавад, бо иштироки комиссарони ҳарбии шаҳру навоҳии мамлакат ҷаласа доир намуд.
Дар ҷамъомад вазири мудофиа изҳор дошт, ки дар доираи иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бояд ин маъракаи муҳим ва чорабиниҳои вобаста ба даъват дар сатҳи баланди ташкилӣ ба роҳ монда шаванд. Ба як қатор масъалаҳои муҳим, аз ҷумла муайян намудани теъдоди мушаххаси даъватшавандаҳо, баланд бардоштани масъулият ва вазифаву уҳдадориҳои иштирокчиён дар замони осоишта ва ҳолати ҷанг, сафарбарии техникаҳои хоҷагии халқ, дар пойгоҳи комиссариатҳои ҳарбӣ таҷҳизондани нуқтаҳои идоракунӣ, тақвият бахшидани мудофиаи ҳудудӣ, ташкили дарсҳои соҳавӣ, риояи тартиби дурусти пӯшидани либоси низомӣ таваҷҷуҳи махсус зоҳир гардид.
Тибқи иттилои маркази матбуоти Вазорати мудофиа, Шералӣ Мирзо таъкид намуд, ки ҳамкориро бо мардум ва аҳли ҷомеа боз ҳам ҷоннок намуда, дар ҳамкорӣ бо мақомоти дахлдори шаҳриву ноҳиявӣ ба масоили омӯзиши даъватшавандаҳо, дуруст муайян кардани маҳали хизматии шаҳрвандони оиладор, ки ба сафи Қувваҳои Мусаллаҳ шомил мешаванд, таъмири бинову иншооти комиссариатҳои ҳарбӣ, пешгирии ҳар гуна қонуншиканӣ, бахусус, ҷиноятҳои хусусияти коррупсионидошта диққати ҷиддӣ дода шавад.
Баъд аз анҷоми ҷаласа бо ҷалби комиссарони ҳарбии шаҳру ноҳияҳо ҷамъомади таълимӣ доир гардида, аз ҷониби сардори Ситоди генералии Қувваҳои Мусаллаҳ, муовинони вазир ва дигар афсарони масъул дар мавзӯъҳои гуногун машғулиятҳо гузаронда шуданд.
Ёдрас мешавем, ки 13 сентябри соли ҷорӣ Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1990-1999 Ҷумҳурии Тоҷикистон ба хизмати ҳарбӣ», ба имзо расид. Дар асоси ин фармон Вазорати мудофиаи Ҷумҳурии Тоҷикистон, раисони комиссияи даъвати Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо муваззаф шудаанд, ки даъвати шаҳрвандонро аз ҳисоби даъватшавандагони ба таври дақиқ интихобшуда ба Қӯшунҳои сарҳадӣ, Гвардияи миллӣ ва қисмҳои ҳарбии таъйиноти махсус, бо таваҷҷуҳ ба хусусиятҳои хосси хизмат дар ин воҳидҳо ва дар навбати аввал пуррагардонии онҳо бо иштироки намояндагони мақомоти амният ва корҳои дохилӣ амалӣ намоянд.
Лашкар ШАРИФ, «Ҷумҳурият»


Баёни ақида (0)    Санаи нашр: 29.09.2017    №: 205    Мутолиа карданд: 583

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед