logo

мулоқотҳо

Гуфтугӯйи судманди Эмомалӣ Раҳмон бо Аксел Шиммелпфенниг

18 сентябр  Президенти Ҷумҳурии Тоҷикистон Эмомалӣ Раҳмон роҳбари гурӯҳи Хазинаи байналмилалии асъор оид ба Тоҷикистон Аксел Шиммелпфеннигро ба ҳузур пазируфт.
Дар вохӯрӣ масоили ҳамкорӣ бо ин муассисаи бонуфузи молиявии ҷаҳонӣ баррасӣ шуд.

Таваҷҷӯҳи асосӣ ба татбиқи тадбирҳои зиддибӯҳронии Ҳукумати Ҷумҳурии Тоҷикистон ва кӯмаки кишварҳо ва созмонҳои байналмилалии мададрасон баҳри коҳиш додани таъсири манфии бӯҳрони ҷаҳонии молиявию иқтисодӣ ба кишвар зоҳир карда шуд.
Аксел Шиммелпфенниг ба Президенти мамлакат Эмомалӣ Раҳмон иттилоъ дод, ки Хазинаи байналмилалии асъор барои дастгирии тадбирҳои зиддибӯҳронии Ҳукумати Тоҷикистон илова ба 116 миллион доллари амрикоӣ, ки дар аввали соли равон ҷудо гашта буд, боз 30 миллиони дигар дар нимаи дуюми сол ва 100 миллион соли оянда ҷудо хоҳад кард.
Аксел Шиммелпфенниг аз тадбирҳои Ҳукумати мамлакат оид ба бекор кардани қарзҳои хоҷагиҳои пахтакор изҳори қаноатмандӣ карда, таъкид дошт, ки Хазинаи байналмилалии асъор дар ин самт низ бо Тоҷикистон ҳамкорӣ хоҳад кард.
Ҷонибҳо оид ба самтҳои ҳамкории оянда ва ҷалби бештари кӯмакҳои молиявӣ ва сармоягузорӣ ба иқтисодиёти Тоҷикистон гуфтугӯйи судманд анҷом доданд.

www.president.tj

-Ҳайати вакилони Хазинаи байналмилалии асъор аз 14 сентябри соли равон дар Тоҷикистон фаъолият дорад. Дар ин муддат мо якҷо бо иқтисоддонҳои варзидаи кишвари шумо вазъи рушди иқтисодиёти Тоҷикистонро дар нимсолаи аввали соли 2009 ва дурнамои онро дар моҳҳои боқимондаи сол мавриди омӯзиш ва таҳлили амиқ қарор додем. Мо дар ҷараёни сафари дуҳафтаинаамон ба татбиқи Барномаи зиддибӯҳрони Ҳукумати ҷумҳурӣ, ки бо ХБА мувофиқа шудааст, таваҷҷӯҳи махсус медиҳем. Ман аз натиҷаи фаъолияти намояндагони хазина ба Ҷаноби Президент иттилоъ додам, -иброз дошт Аксел Шиммелпфенниг, роҳбари гурӯҳи ХБА оид ба Тоҷикистон, пас аз мулоқот бо Эмомалӣ Раҳмон, Президенти Ҷумҳурии Тоҷикистон.
Зикр гардид, ки бӯҳрони ҷаҳонии молиявӣ ба иқтисодиёти Тоҷикистон таъсири манфии худро расондааст. Аз ҷумла, ин ба коҳиш ёфтани ҳаҷми интиқоли маблағҳо мусоидат намуд, ки он дар моҳи август наздики 35 дар садро ташкил дод.
Ба гуфти Аксел Шиммелпфенниг дар нимсолаи дувуми соли 2009 ва дар давоми соли 2010 иқтисодиёти Русия рӯ ба пешравӣ хоҳад ниҳод. Ин имкон медиҳад, ки интиқоли маблағҳо аз ин кишвар ба Тоҷикистон рӯ ба афзоиш ниҳад.
Роҳбари Хазинаи байналмилалии асъор оид ба Тоҷикистон рафти татбиқи Барномаи зиддибӯҳронии Ҳукумати ҷумҳуриро то моҳи июни соли равон қаноатбахш арзёбӣ намуд. Мавсуф тазаккур дод, ки дар соли оянда дар соҳаи кишоварзии кишвари мо ислоҳоти куллӣ ба амал меояд.
Аксел Шиммелпфенниг ба саволи хабарнигорон оид ба ҷудо намудани маблағҳои иловагӣ ба кишвари мо чунин посух дод:
-Ҳайати вакилони ХБА баъди бозгашт ба Вашингтон дар бораи корҳои анҷомдода ба Шӯрои иҷроияи хазина гузориш пешниҳод менамояд. Шӯрои иҷроия онро ҳамаҷониба омӯхта, дар бораи ҷудо кардани маблағ қарор қабул мекунад. Дар назар аст, ки то охири сол ХБА ба Тоҷикистон ба илова боз 30 миллион доллар ҷудо намояд. Дар давоми соли 2010 бошад, ду маротибаи дигар барои дастгирии Барномаи зиддибӯҳронии Ҳукумати Ҷумҳурии Тоҷикистон маблағ тахсис дода мешавад.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 543

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед