logo

иқтисод

ДУШАНБЕ. ДАР ОБОДОНИИ ПОЙТАХТ БЕТАРАФ НАБОШЕМ!

Вусъати корҳои ободонӣ дар шаҳри Душанбе, ки рӯз ба рӯз симои шаҳрро тарҳу намои тоза мебахшад, сокинони пойтахти мамлакатро дар ростои ҳамраъйӣ ба иқдомоти созандаи шаҳрдорӣ қарор додааст. Таъмиру навсозии иншооти муҳими давлатӣ, гулгашту хиёбонҳо, марказҳои фароғатию истироҳатӣ, бунёди мактабу майдончаҳои варзишӣ, ки ахиран таваҷҷуҳ ба онҳо зиёд шудааст, қобили дастгирист. Зеро симои наву замонавӣ касб кардани шаҳри Душанбе боиси фараҳмандиву ифтихори ҳар фарди худогоҳ, бахусус сокинони пойтахти кишвар, буда, шинохти Тоҷикистон маҳз аз ҳамин ҷо оғоз мешавад. Ё ба ибораи дигар Душанбе ҳамчун пойтахти мамлакат симои Тоҷикистони соҳибистиқлол ба ҳисоб рафта, сатҳу сифати зиндагӣ ва маданияти шаҳрдории тоҷиконро ба меҳмонони хориҷӣ муаррифӣ месозад.

Ҷараёни корҳои ободониву созандагӣ дар пойтахти мамлакат нишон медиҳанд, ки талошҳои роҳбарияти мақомоти иҷроияи ҳокимияти давлатии шаҳри Душанбе дар ин самт муваффақонаву самарнок аст. Зеро дар ҳама бахшҳои шаҳрдорӣ, шурӯъ аз низоми таълим дар муассисаҳои таҳсилотӣ, хизматрасониҳои нақлиётӣ, коммуналӣ, таъмини амнияти озуқаворӣ, танзими нарху наво дар бозорҳои пойтахт пешравиҳои амиқу чашмрас ба миён омадаанд. Гулкориву сабзкориҳои бесобиқа дар кӯчаву хиёбонҳои пойтахт, назди бинову иншооти таъйиноташон гуногун ба чашми ҳар бинанда, бахусус меҳмонони пойтахт, Душанберо ба сурати зеботару гул - гулшукуфон ба ҷилва меорад.
Ин раванд аз ҳар сокини пойтахт, масъулони сохтору идораҳои дахлдор тақозо мекунад, ки дар тозаву озода нигоҳ доштани кӯчаву маҳаллаҳо ва гирду атрофи коргоҳҳои хеш таваҷҷуҳ намуда, дар маҷмӯъ ба ободонии шаҳр саҳмгузор бошанд. Вале мушоҳидаҳо нишон медиҳанд, ки на ҳама дар иҷрои ин амр аз худ масъулият нишон медиҳанд. Дар ҳоле ки ҳар рӯз аз бунёду навсозии ин ё он муассисаи таҳсилоти миёнаи умумӣ, майдончаҳои варзишӣ гузориш мерасад, мавҷуд будани як бино ё муассисаи харобшуда, ки дар натиҷаи бемасъулиятӣ ба миён омадааст, ҳусни шаҳри дилорои Душанберо мекоҳонад.
Муассисаи таҳсилоти миёнаи умумии № 46 - и ноҳияи Синои шаҳри Душанбе, ки манзараи ногувор дорад, гӯё аз назари роҳбарони сохторҳои дахлдор дур мондааст. Бинои муассиса куҳнаву фарсуда ба назар расида, саҳни ҳавлии он аз сабзкориҳои ахир бенасиб мондааст. Ба гуфтаи Ориф Шодмонов, директори муассисаи мазкур, ин бино соли 1967 ҳамчун мактаби ҳаштсола сохта шуда, бо сабаби зиёд шудани хонандагон ба муассисаи таҳсилоти миёнаи умумӣ табдил гардид. Бино ба гуфтаи директор, айни ҳол дар муассиса 40 омӯзгор ба 712 хонанда таълим медиҳад.
Хуллас, то кунун ин муассисаи таълимӣ ба таври зарурӣ навсозӣ нагардидааст. Дар ҳоле ки мо аз ин макон дидан мекардем, дар рӯ ба рӯи муассиса партови зиёд ҷамъ шуда буд, ки ба тозагии муҳити зист бетаъсир нахоҳад буд. Шояд дар чанд соли пеш чунин камбудӣ аслан ба чашм намехӯрд. Вале чун шаҳри Душанбе рушди босуръате касб карда, симояшро ба куллӣ дигар кардан дорад, ин камбудӣ акнун ба чашм мехӯрад ва бояд ҷиҳати бартараф намудани он тадбирҳои судманд андешида шаванд.
Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 03.10.2017    №: 206    Мутолиа карданд: 534

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд

Дар Чин кӯдак аз ошёнаи 26 – ум афтода зинда монд

Аксаков бо сенаторони амрикоӣ зарурати муколамаи фаъолро баррасӣ намуд

Ҳамкории Москва ва Рейкявик дар Арктика тақвият меёбад

ФР ва Тоҷикистон конфронси ҳамкории байниминтақавӣ доир мекунанд

ИМА омодаи тамдид намудани созишномаи ССҲ бо Россия аст

Ҷаҳон дар як сатр


Дар сомонаҳои дигари Тоҷикистон хонед