logo

сиёсат

ИФТИТОҲИ БИНОИ НАВИ МАКТАБ ДАР ДЕҲАИ ГУЛБУТТА

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари корӣ ба ноҳияи Рӯдакӣ ташриф оварданд.

Дар деҳаи Гулбуттаи ноҳияи Рӯдакӣ Пешвои миллат Эмомалӣ Раҳмон дар фазои тантанавӣ бинои нави муассисаи таҳсилоти миёнаи умумии  рақами 59 барои 1280 ҷойи нишаст дар ду бастро ифтитоҳ намуданд.
Баъди мавриди истифода қарор додани мактаб Сарвари давлат бо шароити таълим ва ҳунаромӯзӣ дар ин муассисаи наву замонавӣ шинос шуданд.
Бинои муассиса 4 - ошёна буда, аз 27 синфхонаи таълимӣ, кабинетҳои фанни химия, физика, биология, география, технология барои писарону духтарон, синфхонаҳои компютерӣ, ҳуҷраҳои корӣ барои маъмурият, толори варзиш бо 190 ҷойи нишаст, ошхонаи мактабӣ бо 120 ҷой ва толори маҷлисгоҳ барои 360 ҷойи нишаст иборат аст. Биноҳои ёрирасон, аз қабили дегхона барои гармидиҳии биноҳо низ сохта шудаанд.
Корҳои сохтмонӣ дар иншоот соли 2015 оғоз гардида, моҳи августи соли 2017 ба анҷом расонда шуданд. Бинои муассиса бо дастгирии Ҳукумати мамлакат ва маблағгузории ширкати «ТВЕА» - и Ҷумҳурии Мардумии Чин бунёд гардид. Корҳои сохтмониро ширкати ватании Ҷамъияти дорои масъулияти маҳдуди “Союз сохтмон” бо сифати ба талаботи меъёрҳои меъморӣ ҷавобгӯй ба анҷом расонд.
Мактаби куҳнаи дар шафати мактаби нав ҷойгирбуда ба талаботи рӯз ҷавобгӯй набуд ва бинобар афзоиши шумораи хонандагон дар ин ҷо дар маҷмӯъ беш аз 4000 нафар таҳсил мекард.
Бо дарназардошти шароити вазнини таълим ва нарасидани ҷойҳои нишаст бо дастури Президенти мамлакат дар деҳаи Гулбуттаи ноҳияи Рӯдакӣ мактаби наву замонавӣ қомат афрохт. Акнун мушкилии фарзандони сокинони ноҳия ҳал шуда, хонандагон имкон доранд дар синфхонаҳои замонавии барҳаво таҳсилро идома диҳанд.
Баъди шиносоӣ бо шароити таълим дар муассисаи муосир дар саҳни ҳавлии мактаб Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон бо фаъолону сокинони ноҳия мулоқоти самимию созанда доир карданд.
Сарвари давлат Эмомалӣ Раҳмон ифтитоҳи муассисаи таҳсилоти миёнаи умумии рақами 59 барои 1280 ҷойи нишаст дар ду бастро ба сокинони ноҳия муборакбод намуда, онро туҳфаи арзандаи Президент ва Ҳукумати ҷумҳурӣ ба хонандагони ин даргоҳи илму маърифат маънидод карданд.
Зимни суханронӣ Президенти мамлакат фаъолияти меҳнаткашони ноҳияро давоми 26 соли соҳибистиқлолӣ натиҷагирӣ карда, оид ба дастгириҳои Ҳукумати Ҷумҳурии Тоҷикистон баҳри мусоидат ба рушду пешрафти ҳамаи бахшҳои ноҳия андеша ронданд.
Сарвари давлат дар оғоз кулли кормандони соҳаи маорифи кишвар ва устодону омӯзгорони ноҳияи Рӯдакиро ба ифтихори Рӯзи омӯзгор, ҷашни касбии аҳли маориф, ки ҳамасола дар аввали моҳи октябр таҷлил мегардад ва Рӯзи забони давлатӣ, ки 5 - уми октябр ҷашн гирифта мешавад, табрик гуфта, ба онҳо барору комёбӣ орзу карданд.
Баъди суханронии Пешвои миллат муҳтарам Эмомалӣ Раҳмон дар мулоқот аз номи сокинони ноҳия кормандони касбу кори гуногун, фаъолон ва соҳибкорони ватандӯст баромад карда, ба Президент ва Ҳукумати ҷумҳурӣ ҷиҳати таъмини зиндагии шоиста ва ваҳдату оромии сартосарӣ изҳори сипосу миннатдорӣ карданд.


Баёни ақида (0)    Санаи нашр: 03.10.2017    №: 206    Мутолиа карданд: 812
15.07.2020


ДАР ТОҶИКИСТОН АЗ КОРОНАВИРУС 5332 БЕМОР ШИФО ЁФТ

ХОРУҒ. ВУСЪАТИ БУНЁДКОРИҲО ДАР ПЕШОРӮИ ТАШРИФИ ПЕШВОИ МИЛЛАТ

ХАДАМОТ. ШАХСОНИ МАСЪУЛ БЕШ АЗ 300 ҲАЗОР СОМОНӢ ҶАРИМА ШУДАНД

КУМИТАИ РУШДИ МАҲАЛ. 11 112 ИНШООТ БА ИСТИФОДА ДОДА ШУД

МУҲИТИ ЗИСТ. 607 ҲОЛАТИ ВАЙРОН КАРДАНИ ТАЛАБОТИ ҚОНУНГУЗОРӢ

ПРОКУРАТУРАИ ГЕНЕРАЛӢ. ТЕЪДОДИ ҶИНОЯТҲОИ ВАЗНИН ВА МАХСУСАН ВАЗНИН КОҲИШ ЁФТ

НОҲИЯИ ДЕВАШТИЧ. ҶАМЪБАСТИ НАТИҶАҲОИ НИМСОЛА

ЛИГАИ БОНУВОН. «ЗЕБО» ВА «ХАТЛОН» ДАР САДРИ ҶАДВАЛ

14.07.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 80 ДАРСАД РАСИД

ХУҶАНД. КОРХОНАИ «СОМОН ГУРӮҲ» БА ФАЪОЛИЯТ МЕПАРДОЗАД

200 000 СОМОНӢ КУМАКИ БОБОИ МУҲИБ БА ТАБИБОНИ РАШТ

ЭНЕРГЕТИКА. НИЗОМИ МУОСИРИ НАЗОРАТ ВА ҲИСОБИ НЕРУИ БАРҚ

НИГАРОНӢ! 25 ҲОЛАТИ МАЙДААВБОШӢ ДАР ЯК РӮЗ

ВАЗОРАТИ АДЛИЯ БА 3916 ШАҲРВАНД ЁРИИ ҲУҚУҚИИ РОЙГОН РАСОНД

ЗАМИНА БА ТУХМИПАРВАРИИ ИБТИДОӢ

ТАДБИРҲОИ ЗАРУРӢ БАРОИ РАФЪ СОХТАНИ МУШКИЛИҲО

“ДАСТ БА ДАСТ”. ФАРДО АЗ ИМРӮЗ БЕҲТАР ХОҲАД БУД

ЛИГАИ ЧЕМПИОНҲО «МАНЧЕСТЕР СИТИ» ДАР ОН МЕМОНАД

РОССИЯ КАРАНТИНИ ҲАТМӢ БАРОИ ВОРИДШУДАҲОРО БЕКОР КАРД

ҶАҲОН ДАР ЯК САТР

ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ

ЁРӢ БА МУАССИСАҲОИ ТАНДУРУСТИИ ВМКБ

ТОҶИКОБОД. ҶАМЪОВАРИИ КАРТОШКАИ БАРВАҚТӢ

ВМКБ. ВУСЪАТИ КОРҲОИ СОХТМОНӢ

ЧЕМПИОНАТИ ТОҶИКИСТОН – 2020. "ИСТИҚЛОЛ" МАРҲИЛАИ АВВАЛРО ДАР САДРИ ҶАДВАЛ ХАТМ КАРД

РОССИЯ ДАР ҶАҲОН НАХУСТИН ШУДА ОЗМОИШИ ВАКСИНАИ COVID - 19-РО АНҶОМ ДОД

ҶАҲОН ДАР ЯК САТР

10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД


Дар сомонаҳои дигари Тоҷикистон хонед