logo

номаҳо

5 ОКТЯБР. РӮЗИ МИЛЛАТ НОМИДА ШАВАД!

Панҷуми октябр зодрӯзи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон  аст. Зодрӯзи шахсиятест, ки дар солҳои нахустин, аммо душвор ва сахту сангини  Тоҷикистони соҳибистиқлол, дар айёми тақдирсози муқовиматҳои сиёсӣ дар кишвар ҷон ба каф гирифта, барои мардуми мамлакат нахуст сулҳу ваҳдат ва созгории миллӣ оварданд ва баъдан миллатро ба армонҳои олиаш – ободии мулк, саодати рӯзгор ва зиндагии шоиста расонданд.
Рӯзи таваллуди Пешвои миллати тоҷик барои ҳар тоҷику тоҷикистонӣ рӯйдоди таърихӣ, муҳим ва шодибахш ба шумор меояд. Зеро мардуми кишвар ба Сарвари маҳбуб ва Пешвои дилбанди худ эҳтиром, садоқат ва муҳаббати  бепоён доранд ва тавре ҳамасола ба мушоҳида мерасад, хурду бузург, тамоми ҷомеаи Тоҷикистон аз рӯи қадрдонӣ ба хизматҳои бузурги Қаҳрамони Тоҷикистон ҷиҳати таъмини бақои давлат ва саодати миллат дар ин рӯз шодию хурсандӣ мекунанд. Ба ибораи дигар, метавон гуфт, ки зодрӯзи Пешвои миллат моҳияти умумихалқӣ касб намудааст. Дар таъкиди ин маънӣ ва тақвияти андеша чанд далел меорам.
Аввал. Арҷгузорӣ ва эътиқоду муҳаббати халқ ба Сарвари шуҳратманди худ дар давлатдории мардуми ориёитабор мафҳум ва таҷрибаи нав нест. Масалан, аз сарчашмаҳои таърихӣ бармеояд, ки чун Ҷамшед - пешвои давлати ориёӣ бар тахти шоҳӣ нишаст, он рӯзро Наврӯз номиданд ва мардум ин рӯзро ҳамасола ҷашн мегирифтанд. Ин ҷашни бостонӣ бо ташаббус ва пешниҳоди Пешвои муаззами миллат муҳтарам Эмомалӣ Раҳмон  ҷаҳонӣ шуд.  Ин беҳтарин ва олитарин муаррифии миллати тоҷик ба ҷомеаи ҷаҳонӣ буд.
 Дуюм. Пешвои миллати тоҷик бо услубу равишу ҳадафҳои хоссаи давлатсозию миллатсозӣ давлати Тоҷикистонро бунёд мекунанд ва рушду нумӯ мебахшанд.
Таҷрибаи давлатдории кишварҳои мутамаддин собит кардааст, ки муҳимтарин вазифаи давлат сохтан ва ташаккул додани миллат мебошад. Фаъолияти муҳтарам Эмомалӣ Раҳмон бозгӯи равшани он аст, ки Сарвари хирадманди тоҷикон дар сиёсати давлатдорию давлатсозии худ ба ҷанбаи муҳимтарини он - миллатсозӣ авлавият додаанд ва ин ҳадаф маънии ҳаёт ва зиндагиашон аст. Қабули қонунҳои Ҷумҳурии Тоҷикистон  «Дар бораи танзими анъана ва ҷашну маросимҳо дар Ҷумҳурии Тоҷикистон», «Масъулияти падару модар дар таълиму тарбияи фарзанд», эътибор ва таваҷҷуҳи хос ба рушду такомули забони тоҷикӣ ва фарҳанги миллӣ, аз байн бурдани зоҳирпарастию бегонапарастӣ, баланд бардоштани ифтихори ватандорӣ, ҳисси худшиносию худогоҳии мардум, дар маҷмӯъ ба асли хеш баргардондани миллат аз ҷумлаи ҳадафҳои миллатсозии Пешвои миллат мебошанд, ки солҳои охир бо хиради созанда ва саъю талошашон  бомуваффақият амалӣ мегарданд. 
Сеюм. Бо кӯшишу ғамхории пайвастаи Пешвои миллат забони тоҷикӣ дар кишвар ҷойгоҳи асосӣ пайдо кард ва  мақоми давлатии худро устувор намуд, рушду нумӯ ёфт ва ба мабдаи ифтихори ватандории тамоми тоҷикон ва сокинони Тоҷикистон табдил ёфт. Мардуми шарафманди тоҷик ифтихор аз он мекунанд, ки Пешвояшон аз минбари СММ ва дигар созмону конфронсҳои минтақавию  байналмилалӣ  бо забони ноби тоҷикӣ сухан мегӯянд.
Ба Рӯзи забони давлатӣ рост омадани зодрӯзи Пешвои миллат ва роҳандозии сиёсати муваффақи миллатсозии Сарвари муаззами тоҷикон таъбири классикии ба ҳам омадани ду ситора дар як бурҷ ё худ Қирони Саъдро ба хотир меоранд ва ба санаи 5 октябр моҳияти бузурги сиёсию таърихӣ эҳдо мекунанд. Бо зикри ин далелҳо ҳамчун як шаҳрванди миннатдор ва қадршинос ба Маҷлиси Олии Ҷумҳурии Тоҷикистон пешниҳод мекунам, ки ба тақвими идҳои миллӣ дар Тоҷикистон илова ворид намуда, 5 октябр РӮЗИ МИЛЛАТ номида шавад.
Луқмон ҚУРБОН,
нависанда, шаҳри Панҷакент


Баёни ақида (0)    Санаи нашр: 04.10.2017    №: 207    Мутолиа карданд: 2220

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед