logo

фарҳанг

ДУШАНБЕ – САНКТ – ПЕТЕРБУРГ. РОБИТАҲОИ БАРОДАРШАҲРӢ ҚАВИТАР МЕШАВАНД

Дар доираи Рӯзҳои фарҳанги Федератсияи Россия дар Ҷумҳурии Тоҷикистон, ки маъракаҳои ботантанаи ифтитоҳу анҷоми он дар Театри давлатии академии опера ва балети Тоҷикистон ба номи Садриддин Айнӣ баргузор шуд, соҳибкорони шаҳри Санкт – Петербург низ ба кишвари мо омада, бо Рустами Эмомалӣ, раиси шаҳри Душанбе, ҳамтоён ва аҳли ҷомеаи шаҳрвандӣ вохӯриҳо доир намуданд. Дар вохӯрии соҳибкорони Санкт – Петербург ба Рустами Эмомалӣ дурнамои ҳамкориҳои ду шаҳри бузург дар бахшҳои иқтисоду тиҷорат, бунёди корхонаҳои саноатии муштараки истеҳсоли маҳсулоти бозоргир, коркарди маҳсулоти агросаноатӣ, ҷалби сармояи соҳибкорони Санкт – Петербург барои татбиқи барномаҳои фарохдомани иҷтимоию иқтисодӣ, хусусан дар соҳаҳои манзилию коммуналӣ, маишӣ, нигоҳдорию навсозии инфрасохтори шаҳрӣ, беҳсозии шароит барои касбомӯзии муҳоҷирони меҳнатӣ дар Душанбе ва фароҳам овардани шароити арзанда барои будубоши онҳо дар Санкт – Петербург, таҳлилу баррасӣ гардида, созишномаҳои нав ба имзо расиданд. Дар вохӯрии ҳайати соҳибкорони Санкт – Петербург бо ҳамтоён ва аҳли ҷамоатчигии Душанбе, ки дар маҷмааи «Душанбе – плаза» баргузор гардид, ҳамкорӣ оид ба амалисозии имконоти рушди пойтахти Тоҷикистон ва  шукуфоии он мавзӯи  меҳварӣ қарор ёфт. Меҳмонон иқтидори иқтисодию тиҷоратии шаҳри Санкт – Петербург ва вилояти Ленинград-ро рӯнамоӣ карданд. Сипас, раванди рушди иҷтимоию иқтисодии шаҳри Душанбе дар 9 моҳи соли равон мавриди гуфтугӯю баҳогузорӣ қарор гирифт.
Зимни вохӯриҳо таъкид гардид, ки ҳамкориҳои пайвастаи бародаршаҳрӣ ба беҳтар шудани раванди муҳоҷират ва шароити кору будубоши муҳоҷирони меҳнатӣ дар шаҳри Санкт – Петербург ва вилояти Ленинград таъсири мусбат расонд. Бо мусоидати мақомоти дахлдори ин минтақаҳо дар ҳамкорӣ бо вазорату идораҳои кишвар ҳоло дар шаҳрҳои Душанбе, Кӯлоб ва Қӯрғонтеппа марказҳои машваратӣ ва бо кор таъмин кардани хоҳишмандон дар корхонаю муассисаҳои Санкт – Петербург фаъолият доранд.
Дар доираи барномаи Рӯзҳои фарҳанги Россия дар Тоҷикистон соҳибкорони Санкт – Петербург бо ҳамтоёни тоҷик вохӯрда, хоҳони тақвият бахшидан ба робитаҳои мустақими корӣ шуданд. Барои рӯнамоии иқтидорҳои сармоягузорӣ биржаи робитаҳои кории ташкилоту корхонаҳои Санкт – Петербург ва Душанбе, ҳамчунин, ярмаркаи ҷойҳои корӣ дар корхонаҳои Санкт – Петербург доир гардиданд. Дар ярмарка соҳибкорон бо корҷӯён оид ба ихтисос, шароит ва ҷузъиёти дигари корӣ гуфтугӯ карданд. Ҷиҳати дарёфти шарикони корӣ соҳибкорони рус  бо фаъолияти чанде аз корхонаҳои саноатии Душанбе шинос шуда, тарҳи тақвияти ҳамкориҳои нави ба нафъи ҳар ду ҷонибро кашиданд. Меҳмонон, инчунин, аз тамошои ёдгориҳои таърихию фарҳангӣ, манзараҳои зебои табиат ва арзишҳои дигари сайёҳии Тоҷикистон лаззати маънавӣ бардоштанд.
Робитаҳои дуҷонибаи Ҷумҳурии Тоҷикистону Федератсияи Россия бар пояи шарокати стратегӣ ва таваҷҷуҳи хоссаи сарони ду давлати дӯст асос ёфта, рушди робитаҳо тайи солҳои охир суръату сифати тоза  касб намудааст.
С. АЗИЗӢ, «Ҷумҳурият»


Баёни ақида (0)    Санаи нашр: 04.10.2017    №: 207    Мутолиа карданд: 470

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед