logo

иқтисод

ШАҲРИ ТУРСУНЗОДА. САМАРИ ЯК ҲАМКОРӢ

Аз  чинаки якуми пахтаи 1 гектар қитъаи таҷрибавӣ, ки дар Наврӯзи байналмилалӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба кишти он асос гузошта буданд, 2750 килограмм ҳосил ғундоштанд. Олимону мутахассисони Академияи илмҳои кишоварзии Тоҷикистон ва роҳбари ҶДММ «Агросаноат»-и шаҳри Турсунзода аз натиҷаи бадастоварда қаноатманд буда, мехоҳанд ин иқдоми пупсамарро идома диҳанд.
21 марти соли равон бо ҳидояти Сарвари давлат муҳтарам Эмомалӣ Раҳмон олимону мутахассисони АИКТ дар Ҷамоати деҳоти Регари шаҳри Турсунзода зери плёнка дар 1 гектар чигит кишт карданд. Обёрии он тариқи лӯлаҳо (қатраӣ) сурат гирифт. Парвариши ниҳолҳо аз неш задани чигит то ҷамъоварии ҳосил зери назорати қатъӣ қарор дошт.
- Дар қитъаи таҷрибавӣ ҳамагӣ 25 килограмм тухмии навъи селексияи ватании «Дӯстӣ - ИЗ» коштем, ки нисбат ба кишти муқаррарӣ 5 – 6 маротиба кам аст, - гуфт ба хабарнигори «Ҷумҳурият» муовини президенти АИКТ, доктори илмҳои кишоварзӣ Саидҷамол Саидов. – Истифодаи технологияи нав самараи хуб дод. Дар ин қитъа техника ва қувваи дастӣ истифода нашуд, ки боиси коҳиш ёфтани арзиши аслии пахта хоҳад гашт. Дар давраи мубориза ба муқобили ҳашарот ва касалиҳои пахта се маротиба аз усули биологӣ, аз ҳашароти фоидаовар (энтимофакҳо, тиллочашмак ва ғайра) истифода бурдем.
Ба замин 700 кило нуриҳои азотию фосфорӣ ва калийгӣ пошидем, ки ба ҳосили фаровон замина гузошт. Агар деҳқонон аз ин усул пурмаҳсул истифода бурда, нигоҳубини ниҳолҳоро дар асоси қоидаҳои агротехникӣ ба роҳ монанд ва сари вақт обу ғизо диҳанд, ниҳолҳо бақувват, ба касалиҳо ва ҳашарот тобовар мешаванд.
Таҷрибаи кишти зери плёнка ва обёрии қатраӣ дар ноҳияҳои Данғара ва Дӯстии вилояти  Хатлон низ гузаронда шуд. Ин намуди кишту обёрӣ технологияи пешрафта буда, дар пахтакорӣ хеле самар медиҳад.
Олимони академия бо дастгирии Вазорати кишоварзӣ ин таҷрибаро густариш дода, ба натиҷаҳои беҳтар ноил шуданианд.
Барои ин дар кишвар шароиту имкониятҳо мавҷуданд. Пеш аз ҳама, тухмиҳои селексияҳои ватании ба обу хок ва шароити Тоҷикистон мутобиқ ва ба касалиҳо тобовар зиёданд. Аз ин рӯ, ба олимону селексионерони мо лозим меояд, ки кори ба вуҷуд овардани  навъҳои навро вусъат диҳанд.
Кӯшиши нахустин нишон дод, ки ҳанӯз дар бобати истифодаи дастгоҳи обёрии қатраӣ камбудиҳо ҳастанд. Чунончи, дастгоҳ бо оби лойолуд дуруст кор карда наметавонад. Оби лой дар лӯлаҳо такшин шуда, мушкилот пеш меорад.
Роҳбари ҶДММ «Агросаноат» Шуҳрат Раззоқов чунин иброз дошт:
- Мо 145 гектар замини корами обӣ дорем. Вақте масъалаи ҷудо кардани замин барои кишти зери плёнка пеш омад, мо бо олимони академия ҳамкориро оғоз кардем. Натиҷаи таҷрибаи соли аввал хурсандибахш аст. Ҳам ҳосили қитъа ва ҳам сифати пахта нағз мебошад. Мо натиҷаи имсоларо дида, мақсад дорем, ки ҳамкориро бо олимону мутахассисон ривоҷ дода, майдони кишти зери плёнкаро зиёд намоем.
Мирзои ФИРӮЗ, «Ҷумҳурият»


Баёни ақида (0)    Санаи нашр: 05.10.2017    №: 208    Мутолиа карданд: 576

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед