logo

маориф

ТО ОН, КИ ТИФЛ ХОНАДУ СОҲИБҲУНАР ШАВАД...

Муассисаи таҳсилоти миёнаи умумии гимназияи № 74 - и ноҳияи Фирдавсӣ нахуст муассисаест, ки баҳри дили кас аз дидани бинои дуошёнаи зебову барҳаво, роҳравҳои ҳамвори тозаву озода ва гулу гулгаштҳои он, ки дар кӯчаи А. Деҳотӣ маъво гирифтааст, баҳра мегирад. Низому тартибро аз аввалин қадамҳо дар гимназия аз дидани посбонон бо либосҳои шинаму зебои махсус, ки ҳар як шахси воридгаштаро бо лаҳни хушоянд истиқбол менамоянд, дарк кардан мумкин аст. Сарулибоси ягона, одобу ахлоқи ҳамидаи хонандагони гимназия ва ин ҳама зебоӣ, албатта, аз кӯшишу заҳматҳои роҳбарону фаъолони муассиса дарак медиҳад.
Аз суҳбат бо Зулфинисо Иномова, директори гимназия, маълум гашт, ки муассиса 3 ҳазор хонанда, 7 кабинети фаннӣ, 4 синфи технологӣ дошта, омӯзгорон дар партави Паёми Президенти Ҷумҳурии Тоҷикистон ба Маҷлиси Олии кишвар, қонунҳо «Дар бораи маориф», «Дар бораи масъулияти падару модар дар таълиму тарбияи фарзанд» хонандагонро ба омӯзиш фаро гирифтаанд. Дар натиҷа муваффақиятҳо низ чашмрасанд. Имсол аз 241 хатмкунанда 226 нафар ба макотиби олии кишвар ва мамлакатҳои хориҷӣ шомил гардид.
- Ҳамасола иштироки хонандагон дар озмунҳои сатҳи ноҳиявӣ, шаҳриву ҷумҳуриявӣ ва байналмилалӣ қаноатбахш буда, аз ҷумла дар соли таҳсили 2016-2017 дар олимпиадаҳо 56 хонанда сазовори ифтихорномаҳо шуд. Талабаи синфи 11 Сиёвуш Шораҳимзода дар олимпиадаи ҷумҳуриявӣ аз фанни технологияи информатсионӣ соҳиби медали тилло, Гулбаҳор Сангова аз риёзӣ сазовори ҷои сеюм, Бибиҳумайрои Ғозӣ аз забони англисӣ соҳиби медали биринҷӣ гардиданд. Соли сеюм аст, ки як нафар хонандаи гимназия пас аз супурдани имтиҳони хатм, соҳиби аттестати аъло ва медали тилло мегардад. Зеро дар гимназия 106 компютер дар се синфхонаи компютерӣ бо ду хати интернет дар хизмати хонандагон қарор дорад, иброз дошт муаллима.
Табиист, ки ҷидду ҷаҳди устод ё худ муаллим ҳамеша самараи нек ба бор меоварад, чуноне ки бузургони аҳли адаб фармудаанд “Ҳеҷ кас аз пеши худ чизе нашуд...”, аз ин рӯ маҳз кӯшишу ғайратҳои бевоситаи омӯзгорону устодони гимназия аст, ки имрӯз талабагони муассиса дар дилхоҳ донишгоҳу корхонаҳо бо ифтихор фаъолият доранд. Натиҷаи заҳмати омӯзгорон буд, ки дар соли таҳсили 2016-2017 гимназия унвони “Мактаби беҳтарин”- ро гирифта,  аз ҷониби раиси шаҳри Душанбе соҳиби дипломи “Мактаби сол - 2016” гардид.
- Бар замми чандин роҳу усулҳои муайяни таълим, ки хоси гимназияанд, ҳамасола дар таълимгоҳ аз аксари фанҳо, махсусан аз фанҳои дақиқ бо гузарондани мониторинг сифати дониши хонандагон санҷида мешавад. Бо хоҳиши шахсии хонандагон дарсҳои иловагӣ ташкил гардидаанд, ки барои мукаммал гаштани сатҳи дониши онҳо таъсири ҷиддӣ мерасонад. Иттиҳодияи методии фанни забони англисӣ бо сафоратхонаи Амрико дар Ҷумҳурии Тоҷикистон ҳамкории судманд дошта, хонандаи синфи 11 Н. Мирзоева  дар барномаи махсус оид ба забондонӣ иштирок намуда, соҳиби холҳои баланд гардид  ва  айни ҳол  дар ИМА  дониши худро аз фанни забони англисӣ мустаҳкам менамояд, - гуфт Зебунисо Алиназарова, муовини директор оид ба таълиму тарбия.
Қурбон АҲМАДЗОД, “Ҷумҳурият”


Баёни ақида (0)    Санаи нашр: 09.10.2017    №: 210    Мутолиа карданд: 1559

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед