logo

ҳуқуқ

ХУҶАНД. ТАТБИҚИ ҚОНУНИ ТАНЗИМ ДАР МЕҲВАРИ ТАВАҶҶУҲ

Бояд дарк намоем, ки анъана ва ҷашну маросимҳо ҳамчун ҷузъи таркибии фарҳанги миллӣ зарурат ба назорати пайваста доранд. Расму оин ва анъанаҳо дар рӯзгори мардуми тоҷик мавқеи муҳим дошта, баробари пешрафт ва рушду такомули ҷомеа ташаккул меёбанд. Қобили таъкид аст, ки қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон” баробари дигар тадбирҳои андешидаи Ҳукумати мамлакат яке аз омилҳои муҳими паст кардани сатҳи камбизоатӣ гардид.
Ин нуктаро Арабшо Солизода, прокурори шаҳри Хуҷанд, дар як суҳбати озоду ошкоро, ки бо иштироки роҳбарони сохтору идораҳо ва фаъолони шаҳр вобаста ба татбиқи босамари Қонуни Ҷумҳурии Тоҷикистон, «Дар бораи танзими анъана ва ҷашну маросимҳо дар Ҷумҳурии Тоҷикистон” сурат гирифт, баён дошт.
Дар ин бора Маъмури Юсуфзод, сардори маркази матбуоти раиси шаҳри Хуҷанд, ба мо иттилоъ дод. Ба гуфтаи ӯ, дар мулоқот таъкид шудааст, ки  тибқи талаботи қонуни мазкур шахсони воқеӣ ва ҳуқуқӣ уҳдадоранд, ки ба рукнҳои фарҳанги миллӣ, аз ҷумла забони давлатӣ ва сарулибоси миллӣ эҳтиром гузошта, онҳоро аз таъсири фарҳанги бегона эмин нигоҳ доранд. Ба таъкиди прокурори шаҳр, ин маънии онро дорад, ки мо зимни пӯшидани либосҳои ба фарҳангии миллиамон бегона эътибори ҷиддӣ диҳем. Хусусан, ҳангоми иштирок дар тӯю маъракаҳо.
Ба иттилои манбаъ, дар вохӯрӣ, ҳамчунин,  вобаста  ба тағйиру иловаҳои  ба  Кодекси ҳуқуқвайронкунии маъмурии Ҷумҳурии Тоҷикистон воридшуда, шарҳу тавзеҳи амиқ баён гардид. Аз ҷумла, ҳадафи тағйиру иловаҳо ба моддаҳои 37, 42, 332, 336, 337 ва 342 матраҳ гардида, оқибатҳои риоя накардани он, ки ҷазои вазнинтарро пешбинӣ менамояд, ба ҳозирин фаҳмонда шуд. Чунончи, агар қаблан  моддаи 332 барои идора намудани воситаҳои нақлиёт дар ҳолати мастӣ танҳо ҷазои маҳрум кардан аз ҳуқуқи идораи воситаҳои нақлиётро ба муҳлати ду сол пешбинӣ менамуд, ҳоло бар асоси тағйиру иловаҳои воридшуда, барои ин кирдор ҷарима ба андозаи сесад нишондиҳанда барои ҳисобҳо (яъне понздаҳ ҳазор сомонӣ) ё ҳабси маъмурӣ ба муҳлати понздаҳ шабонарӯз бо маҳрум намудан аз ҳуқуқи идораи воситаҳои нақлиёт ба муҳлати панҷ сол таъйин карда мешавад.
Дар ҷараёни суҳбат маълум гардид, ки сокинони шаҳри Хуҷанд аз тағйиру иловаҳои ба  Қонуни Ҷумҳурии Тоҷикистон «Дар бораи танзими анъана ва ҷашну маросимҳо  дар Ҷумҳурии Тоҷикистон» воридшуда ва дигар санадҳои меъёрии ҳуқуқии мавриди назар истиқбол намуда, дар татбиқи босамари онҳо ҳавасмандӣ зоҳир намуданд.
Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 09.10.2017    №: 210    Мутолиа карданд: 711

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед