logo

туризм

МУРҒОБ. АВЛАВИЯТ БА САЙЁҲИИ КӮҲӢ

Агар инсон аз  офаридаҳои табиати афсункор дидан хоҳад, пас ӯ бояд ба Мурғоб сафар кунад. Чунин андеша доранд, сайёҳоне, ки аз ин минтақаи дурдасти кишвари азизи мо боздид ба амал овардаанд.

Ноҳияи Мурғоб дар иҳотаи қаторкӯҳҳои Помиру Олой ва Ҳиндукуш, дар баландии 3600 метр аз сатҳи баҳр ҷойгир буда, яке аз ноҳияҳои баландкӯҳи на танҳо Тоҷикистон, балки Осиёи Миёна мебошад. Ғайр аз ин, он ноҳияи аз ҳама калонтарини шарқи мамлакат аст. Масоҳати ноҳия 38 442,2 ҳазор км2-ро ташкил медиҳад.
Аз ин ҷо шоҳроҳи маъруф мегузарад, ки Тоҷикистонро бо Афғонистон, Қирғизистон ва Чин мепайвандад. Ин роҳ дар замонҳои қадим Шоҳроҳи бузурги абрешим ном дошт. Онро на танҳо тоҷирону ҳарбиён тай мекарданд, балки миссионерону зоирон низ аз ин роҳ гузар кардаанд. Бинобар ин, ширкатҳои сайёҳии ҳамсоякишварҳо Мурғобро беҳтарин минтақа барои оғози шиносоӣ аз Бадахшон меҳисобанд ва аз ин имконот ба хубӣ истифода мебаранд.
Мурғоб дорои маконҳои бойи сайёҳӣ мебошад. Яке аз онҳо Қарокӯл мебошад, ки дар баландии 3900 метр аз сатҳи баҳр ҷойгир буда, кӯли калонтарин ва табиии Тоҷикистон маҳсуб меёбад. Масоҳаташ 380 км2 ва умқи он 238 метро ташкил медиҳад. Он 33 км дарозӣ ва 23 км паҳноӣ дорад. Ҳарчанд ҳавои мавзеи Қарокӯл сард бошад ҳам, вале бо табиати дастнорас ва ҳифзшудаи худ зебост. Аз ин рӯ, ҳамасола сайёҳони зиёд барои дидани зебоиҳои кӯл ба ин мавзеъ меоянд. Бино ба гуфти сайёҳони хориҷие, ки ба ин манотиқ по ниҳодаанд, онҳо барои ҳамешагӣ зебоиҳои дидаашонро аз ёд нахоҳанд баровард.
Ҳамчунин, дар доманаи шимолии қаторкӯҳҳои Аличур дар баландии 4000 метр аз сатҳи баҳр шаҳри конканон Бозордара мавҷуд аст. Ба ақидаи бостоншиносон, он ба асрҳои X-XI тааллуқ дорад. Дар замони нашъунамо дар он тақрибан 1200 - 1500 нафар ба сар мебурданд, ки асосан ба истихроҷи нуқра машғул буданд.
Ба шарофати табиати нотакрору зебояш Мурғоб яке аз ноҳияҳои ҷолиби сайёҳӣ эътироф мегардад. Туризми кӯҳӣ бахши аз ҳама рушдёфтаи сайёҳии ноҳия аст. Дар қисмати ҷанубӣ – ғарбии ноҳия пойгоҳҳои сайёҳӣ ва лагерҳои тобистона ҷойгиранд. Дар подомани кӯҳҳо марказҳои кӯҳнавардӣ мавҷуданд. Сайёҳону кӯҳнавардон аз гӯшаву канори гуногуни ҷаҳон барои баромадан ба қуллаҳои баланд ташриф меоранд. Тибқи иттилои Ризо Раҳматшоев, сардори раёсати кор бо ҷавонон ва варзиши ВМКБ, пас аз таъсиси сохтори алоҳида оид ба рушди сайёҳӣ дар Мурғоб низ чунин бахш таъсис дода шуд, ки он ҷиҳати таҳлили беҳтари иқтидори туризми ноҳия ва пешрафти соҳа мусоидат хоҳад кард.  
Дар  Мурғоб,  ҳамчунин,   якчанд   ҳудуди   махсус  муҳофизатшавандаи Тоҷикистон ҷойгиранд. Боғи миллии Тоҷикистон (21 июни соли 2013 ба феҳристи ёдгориҳои ҷаҳонии ЮНЕСКО ба сифати объекти табиӣ ворид шудааст), мамнуъгоҳи давлатии «Зоркӯл» ва парваришгоҳи «Қаракӯл» аз ҷумлаи онҳо мебошанд. Имрӯз Боғи миллӣ ба маркази сайёҳии экологӣ табдил ёфтааст. Олами набототаш ғанист. Боғ макони зисти хирси малла ё қаҳваранг, бабри барфӣ, гӯсфанди Марко Поло, бузҳои кӯҳӣ, ғози ҳиндӣ ва моҳиҳои минтақа ба ҳисоб меравад.
Нафаре барои дидани меъмории қадима меравад, дигаре ҷиҳати тамошои биноҳои замонавии баландтарину осорхонаҳои маъруф, вале сайёҳони мафтуни табиати кӯҳӣ, обҳои мусаффо ва ҳавои форам ҳатман аз Мурғоб дидан мекунанд.
Ш. ҚУРБОН, «Ҷумҳурият»


Баёни ақида (0)    Санаи нашр: 09.10.2017    №: 210    Мутолиа карданд: 1723

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед