logo

фарҳанг

АМНИЯТИ ИТТИЛООТӢ ҶУЗЪИ АМНИЯТИ ДАВЛАТУ МИЛЛАТ АСТ

Дар замони муосир воситаҳои ахбори омма  яке аз  дастгоҳҳои пуриқтидори таъсиррасон ба афкори омма ба ҳисоб мераванд. Аз ин рӯ, баъзе мамлакатҳо барои пурзӯр намудани нуфузашон аз ин восита васеъ истифода менамоянд. Табиист, ки дар ин раванд ҳар як мамлакат мехоҳад иттилооти бештарро дар ихтиёр дошта бошад. Дар чунин шароит барои ҳар як кишвар таъмини амнияти иттилоотӣ аз масъалаҳои муҳим ба шумор меравад, зеро амнияту суботи ҷомеа аз он вобастагии калон дорад.

Ба ақидаи коршиносони тоҷик, тайи солҳои охир  матбуот ва шабакаҳои телевизиону радио бо пешниҳоди матолиби таҳлилӣ  тавонистанд фазои иттилоотии мамлакатро пур карда, талаботи аҳолиро то андозае бароварда гардонанд. Аммо, бо вуҷуди ин, ҳанӯз ҳам муҳтавои маводи рӯзноманигорӣ ба завқи аудитория ҷавобгӯ нест. Зеро барномаҳои таҳлилии иқтисодию сиёсие, ки умдатарин мушкилоти ҷомеаро инъикос намоянд, каманд. Ба назар мерасад, ки расонаҳои дохилӣ дар инъикоси рӯйдодҳои олам аз ВАО-и хориҷӣ бештар истифода менамоянд, ки на ҳамеша ба манфиати мо созгор аст. Аз ин хотир, пурзӯр намудани базаи моддию техникии расонаҳо имкон фароҳам меорад, ки рӯйдодҳои муҳими ҷомеаро бевосита худашон шарҳ диҳанд. Дар баробари ин, зарурати ташкили расонаҳо ба забонҳои англисӣ ва русӣ ба миён меояд, ки бо пешниҳоди маводи рӯзмарра дар муборизаҳои иттилоотӣ  манфиатҳои моро ҳимоят кунанд. Зеро имрӯзҳо баъзе мамлакатҳо сомонаҳои махсусро бо забонҳои гуногун таъсис дода, тавассути онҳо фарҳанг, забону адабиёт ва арзишҳои маънавии худро тарғиб мекунанд. Ва ҷои шубҳа нест, ки ин ҳама ба хотири таъсир расондан ба мағзҳо роҳандозӣ мешаванд.  
Ба андешаи мутахассисони соҳа, яке аз роҳҳои ҳифзи амнияти иттилоотӣ тавсеа бахшидани ВАО - и маҳаллӣ мебошад. Зинатулло Исмоилзода, директори муассисаи давлатии «Академияи воситаҳои ахбори омма», дар мақолаи хеш «Таҳдидҳо ба амнияти иттилоотӣ ва масъалаҳои ҳифзи ваҳдати миллӣ» менависад: «Табиист, ки айни ҳол вазъи васоити ахбори омма дар минтақаҳо касеро қонеъ карда наметавонад. Имрӯз дар ҳамаи манотиқ нашрияҳо мураттаб фаъолият надоранд. Онҳо ба гоҳномаҳо табдил ёфта истодаанд, ки боиси нигаронист».
Ба ақидаи Сангин Гулов, устоди ДМТ, дар ноҳияҳои наздисарҳадӣ пурзӯр намудани фаъолияти ВАО - и дохилӣ ва бозомӯзии кормандони онҳо иқдоми саривақтист. Зеро қариб тамоми расонаҳои маҳаллӣ дар ҳоли ҳозир хусусияти тафреҳӣ доранд ва аз баррасӣ кардани масъалаҳои муҳиме, ки имрӯз ҷомеаро ба ташвиш овардаанд, худдорӣ менамоянд.
- Бахусус дар масъалаҳои терроризм, экстремизм, ҳифзи манфиатҳои миллӣ ва арзишҳои ахлоқии ҷомеа, расонаҳои хабарии минтақавӣ хеле қафо мондаанд. Аз ин рӯ, зарур аст, ки расонаҳои минтақавӣ ин масъалаҳоро ҷиддитар баррасӣ намоянд ва дар ин амр онҳо бояд аз ҷониби мақомоти маҳалливу марказӣ дастгирӣ ёбанд. Моро мебояд ба рӯйдодҳои олам аз нигоҳи манфиатҳои миллӣ нигарем, - афзуд ӯ. 
Бино бар гуфтаи коршиносон, пахши барномаҳои телевизиону радиои Тоҷикистон дар Афғонистону Эрон ва қисмати тоҷикнишини Покистон ба манфиати кор аст. Ин раванд барои муаррифии маданияту фарҳанги халқи тоҷик замина фароҳам меорад. Дар баробари ин, мебояд ба рушди радиои «Овози тоҷик» диққати бештар дод, зеро он ягона расонаи миллиест, ки бо 8 забон пахш шуда, метавонад дар ҳифзи амнияти иттилоотии кишвар саҳми бориз гузорад. Ташкили бахшҳо бо дигар забонҳо,  аз ҷумла хитоӣ, қирғизӣ, туркӣ ва паштуӣ аз манфиат холӣ нест, зеро таваҷҷуҳи ин кишварҳо ба Тоҷикистон рӯз ба рӯз зиёдтар мегардад. Ва ин имкони хубест барои муаррифии таъриху фарҳанги қадимаву  бойи миллати куҳанбунёди тоҷик дар арсаи байналмилалӣ. Боиси зикр аст, ки ҳимояи фазои иттилоотӣ на ба миқдори расонаҳо, балки ба муҳтавои барномаҳо вобаста аст, ки то чӣ андоза ба дарди ҷомеа мехӯранд ва ба арзишҳои ахлоқию маънавии мо созгоранд. Бо амалӣ намудани маҷмӯи тадбирҳои ҳалталаби соҳа метавон гуфт, ки фазои иттилоотии мамлакат мавқеи қавитарро касб хоҳад кард. Бамаврид аст гуфтаҳои Пешвои миллатро дар ин бора ба ёд оварем: «Манфиатҳои миллӣ ва суботу оромии ҷомеа тақозо менамоянд, ки воситаҳои ахбори оммаи ватанӣ на танҳо дастгоҳи тавонои хабарӣ бошанд, балки дар муборизаи иттилоотӣ барои ҳифзи манфиатҳои миллӣ, алалхусус амнияти давлат ва ҷомеа, хизмат кунанд».
Меҳрангез ҚОДИРОВА, Комрон САФАР, «Ҷумҳурият»


Баёни ақида (0)    Санаи нашр: 09.10.2017    №: 210    Мутолиа карданд: 709

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон

04.01.2019


Парвози чартерӣ дар масири Душанбе - Шарм-уш-шайх

ҶАҲОН ДАР ЯК САТР

Ҳалокати зани тоҷик ва се фарзандаш дар Магнитогорск

Ваколати нави намояндаи Тоҷикистон дар СҲШ

Аз Сурия баромадани артиши амрикоӣ оғоз ёфт

Зонди чинии "Чанъэ-4" дар Моҳ


Дар сомонаҳои дигари Тоҷикистон хонед