logo

иҷтимоиёт

МАСЪУЛОН 3 МОҲ МУҲЛАТ ГИРИФТАНД

Иҷрои  Қарори  Ҳукумати  Ҷумҳурии  Тоҷикистон  аз  23  августи   соли  2016 “Дар  бораи Қоидаҳои гузаронидани  муоинаи  тиббии  ҳатмии шахсони никоҳшаванда” дар Вилояти Мухтори  Кӯҳистони Бадахшон дар  кадом  сатҳ  қарор  дорад?  Ин  масъала   дар  машварати  назди раиси  вилоят  мавриди  баррасӣ қарор гирифт.
Мувофиқи ин  қарор муоинаи  тиббии шахсони никоҳшаванда  ҳатмӣ  буда, он дар муассисаҳои табобативу профилактикии  ҷумҳурӣ  ройгон гузаронда  мешавад. Ҷиҳати  иҷрои  қарор  дар  вилоят корҳои  муайяне сомон  дода  шуданд. Аз  ҷумла  бо  иштироки  мутахассисони  Маркази  солимии  репродуктивии  вилоят, Маркази  ташаккули тарзи  ҳаёти  солим, Маркази  пешгириии  ВНМО - БПНМ, Маркази  мубориза  бар зидди  бемориҳои  сил  ва  мақомоти  сабти  асноди  ҳолати  шаҳрвандӣ  мизҳои  мудаввар доир  карда, мазмуну  муҳтавои  қарор фаҳмонда дода  шуд. Ҳамчунин, аз тарафи  Маркази  ташаккули  тарзи ҳаёти  солим дар ҳамкорӣ бо Хадамоти   тандурустии  Оғохон доир ба қоидаҳои он - муоинаи тиббии  ҳатмии  шахсони  никоҳшаванда барои  кормандони кумаки  аввалияи тиббӣ - санитарии  вилоят семинарҳои омӯзишӣ гузаронда шуданд. Аз тарафи  мутахассисони раёсати тандурустӣ ва дигар сохторҳои масъули  вилоят, инчунин, моҳияти ҳатмияти муоинаи тиббии шахсони  никоҳшаванда  тариқи  расонаҳои  хабарӣ, рӯзномаҳо  ва  радиою  телевизиони  вилоят  ба  шаҳрвандон фаҳмонда  дода  шуд.
Вале   тавре   таҳлили   фаъолияти  муассисаҳои  кумаки  аввалияи  тиббӣ - санитарӣ дар 8 моҳи соли равон  оид ба гузарондани  муоинаи  тиббии  ҳатмии  шахсони  никоҳшаванда  нишон  дод, дар  ин самт нишондиҳандаҳо қонеъкунанда нестанд. Аз таҳлилҳо  бармеояд, ки дар ин давра аз 1090  нафар  шахсоне, ки  ба  мақомоти сабти  асноди ҳолати шаҳрвандии шаҳри Хоруғ ва ноҳияҳои  вилоят барои ақди  никоҳашон  муроҷиат  кардаанд,  фақат 145  нафар аз муоинаи тиббӣ  гузаштаанд. Аз  ин  шумора  60  нафарашон  ба  шаҳри  Хоруғ  ва  85  нафар  никоҳшаванда  ба  ноҳияҳои  вилоят  рост  меоянд.
Насрингул  Некушоева, сардори  раёсати  тандурустии  вилоят,   вазъи  ташвишовари  иҷрои  қарори  мазкурро   дар  шаҳри  Хоруғ  ва махсусан  ноҳияҳои  вилоят  ба  норасоии  техникӣ   дар  марказҳои  саломатӣ  ва   дар ҳамин  замина маҳдуд  будани  имконияти  ташхиси  пурраи   хун,  то  ҳол  роҳандозӣ  нагардидани  ташхисҳои  генетикӣ  дар  онҳо   марбут  маънидод  кард.  Ҳамчунин,   ба  гуфтаи  ӯ,   мақомоти  сабти   асноди  ҳолати  шаҳрвандӣ  низ  на  ҳамаи  шахсони  никоҳшавандаро барои  ташхис ба муассисаҳои  тиббӣ  мефиристонанд, ки  ин  ҳам  як  омили  паст   гардидани  сатҳи  иҷрои  қарор дар  шаҳру  деҳот  мегардад.
Зимни  муҳокимаи  масъала  Шодихон  Ҷамшед, раиси  вилоят,   ҷараёни  иҷрои  қарорро  дар  шаҳри  Хоруғ  ва   бахусус   ноҳияҳои  вилоят, ғайриқаноатбахш  баҳогузорӣ  карда, таъкид  намуд, ки  қабули  ин  қарор, ки  сар  то  по   ба  манфиати  солимии  миллат  ва  ҳар  як  оилаи   навбунёд  равона  шудааст, аз  ғамхории   Ҳукумати  кишвар, бахусус   Президенти  мамлакат  Эмомалӣ  Раҳмон,  нисбати ҳар  як шаҳрванди   кишвар дарак  медиҳад. Солимии  оила  солимии  миллат  аст. Вале  агар яке аз навхонадорон  барандаи  ягон касалии  сироятӣ  бошад, аз  чунин  оила  кӯдаки   носолим   ба  дунё  меояд. Бинобар  ин, мақомоти  сабти асноди  ҳолати  шаҳрвандӣ  мувофиқи  қарори  мазкури Ҳукумати ҷумҳурӣ ҳуқуқ  надорад, ки шахсони  никоҳшавандаро  бе  пешниҳоди  маълумотнома  дар  бораи  вазъи  саломатӣ аз қайди никоҳ  гузаронад. Аммо тавре мушоҳида  мекунем,  ин  мақомот  дар  давоми  соли  равон  аз  1090  нафар шахсони никоҳшаванда 945 нафарашонро бе маълумотномаи муоинаи тиббӣ  никоҳ  кардааст.
Вале  ин  ҳоло  як  тарафи  масъала  аст.  Тарафи  дигари  масъала, ки  моро  ба  ташвиш   оварда, он  аст, ки  шояд  оилаҳои  навбунёде  ҳам  дар шаҳру деҳоти вилоят  бошанд, ки  тамоман  бе  бастани  ақди  никоҳ  ва  муроҷиат ба мақомоти сабти асноди ҳолати шаҳрвандӣ оила  бунёд  кардаанд. Вазъи саломатии ин никоҳшавандаҳоро кӣ муоина  кардааст?
Масъулин барои  саҳлангорӣ  ва  камташаббусӣ  дар иҷрои  қарори  Ҳукумати  мамлакат аз тарафи раиси вилоят “огоҳӣ”  ва  барои  ислоҳи  камбудиҳо  3  моҳ  муҳлат  гирифтанд. 
Раҳмони  ГУЛЗОР, “Ҷумҳурият”


Баёни ақида (0)    Санаи нашр: 09.10.2017    №: 210    Мутолиа карданд: 1027

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед