logo

иқтисод

ИҚТИСОДИ МИЛЛӢ ВА НАҚШИ ПАХТАКОРӢ ДАР РУШДИ ОН

Деҳқонони ноҳияи калонтарини вилояти  Суғд - Бобоҷон Ғафуров дар мавсими имсола ҳам ҳосили фаровони пахта парвариш намуданд. Ба хотири сари вақт ва беталаф ҷамъоварӣ кардани самари заҳмати  кишоварзон ҳар рӯз  8,5 - 9 ҳазор саҳмдорону одамони касбу корашон гуногун бо амри дил ба саҳро, ба кумаки пахтакорон мебароянд. Агар дар ҳамин давраи соли гузашта хоҷагиҳои ноҳия ҳамагӣ зиёда аз 2 ҳазор тонна ҳосил  ҷамъоварӣ карда бошанд, имсол  хирмани оростаи пахтакорон аз шаш ҳазор тонна гузаштааст.
Деҳқонони ноҳия тасмими қатъӣ доранд, ки дар даҳрӯзаи аввали моҳи октябр дурнамои истеҳсоли пахтаро ба иҷро расонанд. Хоҷагиҳои деҳқонии Аббосҷон Қаюмов - аз Ҷамоати деҳоти Овчӣ-Қалъача, «Хушбахт» - аз Ҷамоати деҳоти Хистеварз, Бобоҷон Мақсуд - аз Ҷамоати деҳоти Ғозиён аллакай бо гирифтани ҳосили фаровон аз чиниши аввал уҳдадориҳои худ-ро сарбаландона ба иҷро расонданд.
Мусаллам он аст, ки дар шароити иқлими ҷумҳурии мо пахтакорӣ  ҳамоно дар рушди иқтисодии мамлакат ва ҳаллу фасли бисёр масоили иҷтимоӣ нақши муҳим дорад. Ва соҳаест, ки воқеан, ҳам барои таъмини саноати ҷумҳурӣ бо ашёи хоми гаронбаҳою хушсифат шароит фароҳам меоварад,  ҳам баҳри таъмини мардуми деҳот бо ҷойҳои корӣ. Айни ҳол дар ноҳияи Бобоҷон Ғафуров 6,5 ҳазор хоҷагии деҳқонӣ ба қайд гирифта шудааст ва зиёда аз 2,6 ҳазораш бевосита дар самти парвариши пахта фаъолият дорад. Зиёда аз 15 ҳазор сокини ноҳия дар ин соҳа фаъолият мекунад ва ризқу рӯзӣ меёбад. Аз ҷониби дигар, пахтакорӣ ба хоҷагиҳои деҳқонӣ манфиати хубӣ молиявӣ оварда, барои ғанӣ гаштани буҷети маҳаллӣ мусоидат мекунад. Дар ҷараёни ҷамъоварии ҳосил баъзе оилаҳо дар даҳ рӯз то 3,5 - 4 ҳазор сомонӣ маблағи накд ба даст оварда, шароити рӯзгорашонро беҳбудӣ мебахшанд. Сокини Ҷамоати деҳоти Ғозиён Зулфӣ Ғаниева (аз хоҷагии деҳқонии Аҳмадбой Оқилов) ҳар рӯз ба ҳисоби миёна 120 - килоӣ пахта чида, дар даҳ рӯз соҳиби 1260 сомонӣ шуд.
- Мавсими пахтачинӣ беҳтарин фурсат ҷиҳати ҳаллу фасли масоили иҷтимоӣ мебошад, - мегӯяд Зулфӣ Ғаниева.
Аҳли оилаи Ӯғулой Холбоева - аз Ҷамоати деҳоти Зарзамин (дар ҳайати панҷ нафар) рӯзе то 0,5 тонна пахта ҷамъоварӣ карда, дар даҳ рӯз соҳиби 3 ҳазору 180 сомонии нақд шуданд.
- Дар мавсими имсола майдони кишти пахтаро дар қиёс ба соли гузашта 1 ҳазору 491 гектар васеъ кардем. Аз ҳисоби ташкили хоҷагиҳои нави деҳқонӣ  боз садҳо сокини ноҳия соҳиби замин ва ҷойи кори доимӣ гардид. Теъдоди муҳоҷирони меҳнатӣ ба Россия низ тамоили камшавӣ пайдо кардааст. Манфиати ҳарчи бештари иқтисодӣ аз пахта водор месозад, ки солҳои минбаъда майдони кишти пахта  боз зиёд карда шавад. Ба ин восита фаъолияти корхонаҳои коркарди ниҳоии пахта низ таъмин шуда,  ҷойҳои нави  корӣ таъсис меёбанд, - иброз дошт Фаррухҷон Орифов, муовини раиси ноҳияи Бобоҷон Ғафуров.
Ба андешаи Баҳодур Юлдошев, раиси ҶСК «Ба номи Абдураҳим Ҷумъаев» - и ноҳия интихоби тухмии хушсифат дар мавсими имсола барои парвариши ҳосили фаровон замина гузошт. Чиниши аввал аз он бозгӯйӣ дорад, ки ҳосилнокӣ аз ҳар гектар то 40 - сентнерӣ ва аз ин ҳам зиёд мешавад.
Ҳавасмандии чинакчиён қабл аз ҳама дар он зоҳир мешавад, ки ҳаққи чиниши пахтаро бевосита дар сари хирман пардохт мекунанд.
- Ҳамаи он нафароне, ки имрӯз дар чиниши пахта иштирок доранд, худашон бо таври ихтиёрӣ омада, вазъи молиявии худро беҳбудӣ мебахшанд, хӯрок ҳамарӯза ройгон аз ҳисоби хоҷагист, ки ин ҳам  боиси ҳавасмандии чинакчиён мебошад, - мегӯяд Баҳодур Юлдошев, раиси хоҷагӣ.
Хоҷагидорон боду ҳавои мусоидро дар ҷамъоварии ҳосил ғанимат медонанд. Ба хотири пешгирии хароҷоти зиёдатӣ ва зоеъ нарафтани вақт саҳмдорон ва ҳам ҳашарчиён дар бошишгоҳҳои саҳроӣ қарор гирифтаанд.
Ҷовиди АШТӢ, «Ҷумҳурият»


Баёни ақида (0)    Санаи нашр: 09.10.2017    №: 210    Мутолиа карданд: 824
26.10.2020


Дар Қирғизистон интихоботи парламентиро мавқуф гузоштанд

Кремл шарти ҷалби Туркияро ба музокироти Қарябоғ гуфт

Ҷавоби Путин ба рақибоне, ки интизори фанои Россия ҳастанд

Табиби олмонӣ барои табобати беморони SARS-CoV-2 ба Тоҷикистон омад

ҶАҲОН ДАР ЯК САТР

СПИТАМЕН. БУНЁДИ МАРКАЗИ ХИЗМАТРАСОНӢ ВА ЧОЙХОНАИ “РОҲАТ”

94 ҲАЗОРУ 262,2 ТОННА ПАХТА ҶАМЪОВАРӢ ШУД

ХУҶАНД. БОЗ ЯК ШУЪБАИ ТАБОБАТӢ ДАР ХИЗМАТИ МАРДУМ

22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО

НОБОЛИҒОН. ҚОНУНШИКАНӢ ҲАНӮЗ АЗ БАЙН НАРАФТААСТ

ОЗАРБОЙҶОН ВА АРМАНИСТОН ОТАШБАС ЭЪЛОН НАМУДАНД

ҶАҲОН ДАР ЯК САТР

ФИЛМИ “ХИЁНАТ” АСРОРИ ДУШМАНИВУ ХОИНИРО ИФШО КАРД

12.10.2020


ЧЕМПИОНАТИ ОСИЁ - 2020. ФУТЗАЛБОЗОНИ ТОҶИК БАРОИ ИШТИРОК ОМОДАГӢ МЕГИРАНД

ХАЙКО МААС: "ИТТИҲОДИ АВРУПО МУКОЛАМА БО РОССИЯРО НАБОЯД ҚАТЪ КУНАД"

ҶАҲОН ДАР ЯК САТР

08.10.2020


БЕҲТАРИНҲО МУАЙЯН ШУДАНД

ҲАВЗАИ ИШКОШИМ БА ИНТИХОБОТ ОМОДА АСТ

ВОХӮРӢ БО НОМЗАДҲО


Дар сомонаҳои дигари Тоҷикистон хонед