logo

сиёсат

ТАНЗИМ. ИСТИҚБОЛИ МАРДУМ АЗ ТАҒЙИРУ ИЛОВАҲО

Асосгузори сулҳу ваҳдати миллӣ -  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳангоми мулоқот бо фаъолон ва аҳли ҷамоатчигии кишвар ба муносибати 10 - солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»  нуктаи басе муҳимро изҳор доштанд: «Қонуни мазкур дар як муддати кӯтоҳи таърихӣ зарурат ва аҳамияти худро ба ҷомеаи Тоҷикистон собит сохт ва ба ҳимояи манфиатҳои иқтисодиву иҷтимоии мардум мусоидат намуд».
Аз рӯи адолат гӯем, чунин ҳаҷми манфиати иқтисодӣ, ки аз  баракати тасмими оқилонаи давлатӣ дар буҷаи оилавии сокинони мамлакатамон аз исрофкорӣ эмин мондааст, асло хурд нест. Ҳаҷми сарфа ба ибораи маъмули имрӯза, асло «виртуалӣ» нест, балки ифодаи манфиати комилан реалӣ мебошад. Барои тасдиқи ин мулоҳиза овардани рақами дигареро воҷиб мешуморам: соли 2007 пасандози сокинони кишварамон дар бонкҳои ватанӣ 2,4 миллиард сомонӣ буд ва тибқи шаҳодати маълумоти оморӣ дар соли 2016 ба 10 миллиард расидааст. Яъне дар бадали даҳ сол бозёфти барзиёди аҳли диёрамон бештар аз 4 карат афзудааст, ки ин аз нигоҳи иқтисодӣ натиҷаи баланд маҳсуб мешавад.  Дар партави чунин ҳаҷми пасандоз ба хулосае расидан табиист: мардуме, ки имкони захира кардани ба ин андоза маблағро доранд, албатта, бозёфтҳои аз ин бештарашонро барои ободии хонадон - бунёди манзилҳои муҷаҳҳази ҳозиразамон, хонишу касбазхудкунии фарзандон ва ба хотири боз ҳам беҳтар кардани хӯроку пӯшоки аҳли оилаҳояшон харҷ карда тавонистаанд. Тибқи муқаррароти илми иқтисод маҳз пасандозҳои чи ашхоси алоҳида ва чи корхонаю ширкатҳои бузург  ойинае ба шумор мераванд, ки дар онҳо сиҳатӣ ва тавоноии иқтисодиёташон инъикос мешаванд. Аз ин лиҳоз, бо қаноатмандӣ хулоса кардан муносиб аст, ки дар даҳаи ҷории даврони Истиқлолияти давлатӣ бо ҳидоятҳои созандаи Пешвои хирадманди миллат мардуми саодатманди Ватани азизамон ба беш аз пеш ҷиҳати беҳбуд бахшидани дараҷаи некуҳолии зиндагониашон шарафёб гардидаанд.
Ба андешаи мо, тағйироту иловаҳо ба қонуни танзим басе ҷиддӣ ва аз нигоҳи иқтисодӣ муассир мебошанд. Дар шароити ҷаҳонишавӣ ва фарогири буҳронҳои иҷтимоӣ- иқтисодӣ ва сиёсии дунё баланд бардоштани сатҳи некуаҳволии мардум яке аз масъалаҳои муҳим дар назди Ҳукумату давлат меистад. Санади мазкур, воқеан, дар таҳрири нав ба низомномаи ҳақиқии рӯзгори кишвар низ мубаддал гардидааст. Ба ҳаётӣ ва комилан амалкунанда будани қонун нуктае ҳам гувоҳӣ медиҳад, ки минбаъд дар вазорату идораҳо, корхонаҳо, муассисаҳо ва ташкилотҳо, сарфи назар аз шакли моликият ва шакли ташкилию ҳуқуқӣ, ки дар онҳо на камтар аз 30 нафар корманд фаъолият мекунад, комиссияҳои ҷамъиятӣ таъсис дода хоҳанд шуд. Фаъолияти пурмаҳсули ин комиссияҳо барои роҳ надодан ба хароҷоти зиёдатӣ ва истифодаи сарфакоронаи маблағҳои аҳли ҷомеа мусоидат менамояд.
Инҷониб ҳамроҳи гурӯҳи корӣ дар ноҳияи Спитамен бо мардум вохӯрда, муҳтавои тағйиру иловаҳоро ба қонуни танзим шарҳ додем.
Мулоқотҳоямон дар шаҳраку деҳоти ноҳияи Спитамен далолат ба он мекунанд, ки тамоми қишрҳои ҷамъият, бахусус заҳматкашони одӣ, ибтикороти навбатии Ҳукумати кишварро дар бобати ихтисор намудан ва ё ба ҳадди имкон камхарҷ кардани расму оинҳо ва ҷашну маъракаҳо бо дилу ҷон мепазиранд. Онҳо бахубӣ дарк менамоянд, ки танзими анъанаҳои аҷдодӣ ва ҷашнҳои замонавӣ сад дарсад ба манфиати оммаи васеи мардум мебошад ва амалӣ гардондани талаботи қонун бо ҷумлаи тағйиру иловаҳояш боиси самарабахшии иқтисодиёти мамлакат ва мӯҷиби беҳбудии рӯзгори тоҷикистониён хоҳад буд.
ШАРИФЗОДА Мумин Машокир,
ректори Донишгоҳи давлатии ҳуқуқ, бизнес ва сиёсати Тоҷикистон, доктори илмҳои иқтисодӣ, профессор


Баёни ақида (0)    Санаи нашр: 09.10.2017    №: 210    Мутолиа карданд: 860

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед