logo

ҳуқуқ

ЗАМИН. БОЗ 176 НАФАР БАРОИ ҚОНУНШИКАНӢ БА ҶАВОБГАРӢ КАШИДА ШУД

Замин, сарватҳои зеризаминӣ, об, фазои ҳавоӣ, олами набототу ҳайвонот ва дигар боигарии табиӣ моликияти истисноии давлат мебошанд ва давлат истифодаи самараноки онҳоро ба манфиати халқ кафолат медиҳад.
Моддаи 13 Конститутсияи Ҷумҳурии Тоҷикистон


Ҳарчанд мақомоти дахлдори кишвар бо андешидани тадбирҳои муассир шиддати қонуншиканиҳоро дар самти истифодаи самараноку оқилонаи замин коҳиш дода бошанд ҳам, дар қаламрави мамлакат то кунун ҳолатҳои риоя нагаштани тартиби тақсими қитъаҳои замини наздиҳавлӣ, даст ба харидуфурӯши қитъаҳои замин задани масъулони мақомоти иҷроияи маҳаллии ҳокимияти давлатӣ, кумитаҳои заминсозӣ дар маҳалҳо ва дигар ниҳодҳои назоратӣ, сари вақт баррасӣ накардани муроҷиатҳои шаҳрвандон ба чашм мерасанд.
Баъзе аз масъулони соҳа ба ҷойи дар доираи қонунгузории замин амал кардан ва ба ҳамин васила бартараф намудани қонуншиканиҳои вобаста ба замин худ аз ваколатҳои мансабӣ берун баромада, бо қабули қарорҳои ғайриқонунӣ ҷиноятҳои коррупсионӣ содир менамоянд.
Агентии назорати давлатии молиявӣ ва мубориза бо коррупсияи Ҷумҳурии Тоҷикистон, ки татбиқи сиёсати давлатӣ дар соҳаи мубориза бо коррупсия, дар доираи ваколатҳояш таъмин намудани амнияти иқтисодии давлат, амалисозии мубориза бо коррупсия дар тамоми шохаҳои ҳокимияти давлатӣ, созмонҳои ҷамъиятӣ, бонкҳо, корхонаю муассисаҳо ва дигар ташкилотҳоро, сарфи назар аз шакли ташкилию ҳуқуқиашон, дар меҳвари фаъолият қарор додааст, дар гирифтани пеши роҳи ин амалҳои ғайриқонунӣ нақши муҳим  мебозад.
Аз ҷониби кормандони ин ниҳод ҷиҳати ошкорсозии ҷиноятҳо, махсусан ҷиноятҳои вобаста ба харидуфурӯши ғайриқонунии замин пайваста кӯшиш ба харҷ дода шуда, дар ин самт якчанд қонуншиканӣ ошкор гардидааст. Аз ҷумла, танҳо дар нимсолаи аввали соли равон дар қаламрави мамлакат кормандони агентӣ 113 ҷинояти вобаста ба харидуфурӯши ғайриқонунии заминро сабт намуда, нисбат ба 176 нафар чораҳои қонунӣ андешидаанд. Дар ин росто  141 нафар бо моддаи 247 (қаллобӣ), 15 нафар бо моддаҳои 338 ва 3381  (худсарона ишғол намудани қитъаи замин ва сохтмони худсарона дар он; ғайриқонунӣ додани қитъаи замин), се нафар бо моддаи 340 (сохтакорӣ, тайёр кардан ё ба соҳибияти каси дигар додани ҳуҷҷат, мукофоти давлатӣ, штамп, муҳр ва бланкаҳои қалбакӣ), 6 нафар бо моддаи 319 (гирифтани пора),  се нафар бо моддаи 323 (сохтакории хизматӣ),   се нафар бо моддаи 291 (саркашӣ аз пардохтҳои гумрукӣ), як нафар бо моддаи 324 (гирифтани мукофот бо роҳи тамаъҷӯӣ) ва 4 нафар бо моддаи 279 (ришвадиҳии тиҷоратӣ) Кодекси ҷиноятии Ҷумҳурии Тоҷикистон ба ҷавобгарии ҷиноятӣ кашида шудааст. Дар маҷмӯъ, дар натиҷаи содир намудани ҷиноятҳои зикргардида ба шаҳрвандон ба маблағи 1 миллиону 582 ҳазору 136 сомонӣ, 472 ҳазору 100 доллари ИМА ва 500 ҳазор рубли русӣ зарари молиявӣ расидааст, ки кормандони агентӣ баҳри барқарор намудани ин зарар чораҳои қонунӣ андешидаанд.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 10.10.2017    №: 211    Мутолиа карданд: 879

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед