logo

иҷтимоиёт

"ШИРКАТИ КӮҲӢ – САНОАТИИ ТОҶИКИСТОНУ ЧИН" ДАҲ СОЛИ ҲАМКОРИҲОИ ПУРСАМАР

Ба таъсисёбии яке аз нахустин корхонаҳои муштараки  Ҷумҳурии Тоҷикистону Ҷумҳурии Мардумии Чин - «Ширкати кӯҳӣ - саноатии Тоҷикистону Чин» даҳ сол пур шуд.

Дар кони Олтинтопкан (ҳозира Зарнисор), воқеъ дар вилояти Суғд,  шурӯъ аз соли 1948 маъдан истихроҷ гардида, дар фабрикаи ғанигардонии комбинати кӯҳӣ - металлургии шаҳри Олмалики Ӯзбекистон коркард мешуд. Дар даврони шӯравӣ  ҳаҷми солонаи истихроҷи маъдан то як миллион тонна расида буд.
Пош хӯрдани Иттиҳоди Шӯравӣ, гусастани робитаҳои корӣ ва баланд гаштани арзиши мавод, таҷҳизоту нақлиёт боиси коҳиш ёфтани ҳаҷми истихроҷи маъдан ва таназзули истеҳсолот гардиданд ва дар ниҳояти кор ҳамаи конҳо аз фаъолият бозмонданд. Қатъ гардидани истеҳсоли маъдан  ва бекорӣ боис шуд, ки аҳолӣ шаҳраки ободро тарк намояд.  
Хушбахтона, бо талошҳои  рӯзафзуни Президенти мамлакат муҳтарам Эмомалӣ Раҳмон дар ҷумҳурии соҳибистиқлол сулҳи комилу пойдор  ҳукмрон шуд  ва сокинони шаҳраки мо  боз ба фардои мусаффои зиндагӣ умед ва эътимод пайдо карданд. Моҳи июли соли 2000 кони маъдани Олтинтопкан аз тавозуни комбинати кӯҳӣ - металлургии Олмалики Ӯзбекистон ба тавозуни Тоҷикистон гузашт ва аввалин кӯшиши эҳёи истихроҷи маъдан ба назар расид. Соли 2006 дар асоси Созишнома миёни Тоҷикистон ва Чин дар заминаи кони маъдани Олтинтопкан «Ширкати кӯҳӣ - саноатии Тоҷикистону Чин» таъсис дода шуд.
Соли 2010 хати якуми технологии корхонаи ғанигардонӣ бо иқтидори солонаи коркарди 300 ҳазор тонна маъдан ба фаъолият шурӯъ кард. Дар маросими ифтитоҳи он Асосгузори сулҳу ваҳдати миллӣ - Пешвои миллат, Президенти Тоҷикистон муҳтарам Эмомалӣ Раҳмон ширкат варзида, пешниҳод карданд, ки Олтинтопкан минбаъд шаҳраки Зарнисор номгузорӣ шавад. Баъди ба истифода додани хати дуюми технологӣ ҳаҷми умумии коркарди маъдан ба 1 миллион тонна ва соли 2016 то 2,5 миллион тонна расонда шуд. Табиист, ки ҷойҳои нави корӣ бо музди хуб таъсис ёфта, ҷавонони шаҳрак, ки қаблан барои дарёфти ризқу рӯзӣ ба муҳоҷират мерафтанд, акнун дар Зарнисор, дар назди оила  соҳиби кор шуданд.
- Солҳои аввал дар ширкат  150 - 200 нафар коргар фаъолият мекард. Ҳоло истихроҷи маъдан ба 3 миллион тонна расида, 83,3 дарсади ҳаҷми умумии маҳсулоти саноатии шаҳри Гулистонро «Ширкати кӯҳӣ – саноатии Тоҷикистону Чин» истеҳсол мекунад ва 2 ҳазору 628 нафар сокини шаҳрак бо ҷойи кори доимӣ таъмин буда, музди миёнаи маош 3 ҳазору 900  сомониро ташкил медиҳад, - иброз медорад Фазлиддин Орифов, мудири шуъбаи саноат ва энергетикаи мақомоти иҷроияи ҳокимияти давлатии шаҳри Гулистон.
- Мулоқотҳои судманди сарони ду давлат, аз ҷумла вохӯрие, ки чанде қабл дар шаҳри Пекин баргузор шуд, ба мо боз ҳам бовариву умед мебахшанд, ки дӯстии Тоҷикистону Чин қавитар мегардад ва соҳаи коркарди маъдани кӯҳӣ дар Тоҷикистон минбаъд ривоҷу равнақи боз ҳам бештар пайдо мекунад, - гуфт Ван Ши Бин, директори генералии «Ширкати кӯҳӣ - саноатии Тоҷикистону Чин».
- Рӯзгори мардум осудаву обод шуда, онҳо аз оби тозаи нӯшокӣ, мактабу беморхонаҳои замонавӣ, боғи фарҳангӣ, роҳу пайроҳаҳои гулпӯш ва хизматрасониҳои гуногун баҳраваранд. Рӯзҳои наздик ба мумфаршкунии 7 километр роҳҳои дохили шаҳрак оғоз мебахшем, ки барои он 1 миллиону 200 ҳазор сомонӣ маблағ зарур буда, ширкат омода аст дар ин масъала ба мо дасти мадад дароз кунад, - гуфт Шаҳло Шарифзодаи Раҷаб, раиси шаҳрак.
- Ба наздикӣ дар шаҳри Истиқлол боз як иқтидори азим - комбинати металлургӣ бо тавоноии коркарди 50 ҳазор тонна сурбу руҳ мавриди баҳрабардорӣ қарор мегирад, ки аз лиҳози сифати маҳсулот, хатҳои нави технологӣ ва нерумандӣ дар Осиёи Марказӣ бесобиқа мебошад ва албатта, дар рушди иқтисодии  шаҳру вилоят ва ҷумҳурӣ нақши арзанда мебозад,- мегӯяд Абдурашид Раҳматов, муовини директори генералии «Ширкати кӯҳӣ - саноатии Тоҷикистону Чин».
Ҷовиди АШТӢ, 
«Ҷумҳурият»


Баёни ақида (0)    Санаи нашр: 10.10.2017    №: 211    Мутолиа карданд: 910

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед