logo

иқтисод

ТУРСУНЗОДА ШАҲРИ САНОАТИЮ АГРАРИСТ

Соли равон кишоварзони шаҳри Турсунзода  дар майдони 1936 гектар пиёзу помидор, бодирингу карам, сабзию қаланфур кошта, ҳосили фаровон парвариш карданд. Самараи меҳнати нуҳмоҳаи кишоварзон боиси фаровонии бозорҳо гашта, худи онҳо аз натиҷаи заҳматашон қаноатманданд.

Муовини аввали раиси шаҳр  Ҳамдамқул  Долизода натиҷаҳои 9 - моҳаи кишоварзонро чунин шарҳ дод:
- Сабзавоткорони шаҳри мо аз рӯйи дастуру ҳидоятҳои Асосгузори сулҳу ваҳдати миллӣ  - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон амал намуда, то ин дам зиёда аз 53 ҳазор тонна маҳсулот истеҳсол карданд, ки 8 ҳазор тоннаи он аз кишти такрорӣ мебошад. Қариб 22,5 ҳазор тонна пиёз ҷамъоварӣ шудааст, ки аз ҳамин давраи соли гузашта зиёд аст.
Кишоварзон имсол ба кишти шолӣ бештар диққат доданд. Соли ҷорӣ дар 218 гектар кишти асосӣ ва 1760 гектар кишти такрорӣ гузаронда шуд. Хоҷагиҳои алоҳида ба ҷамъоварии  шолӣ шурӯъ карданд. Шоликорон мақсад доранд аз ду кишт 10 ҳазор тонна ҳосил ҷамъ оранд. Ҷамъоварии ангур низ муташаккилона идома дорад. Токпарварон аз 3088 гектар қариб 11 ҳазор тонна ангур ғундоштанд, ки нисфи он  ба хориҷи кишвар интиқол дода шудааст.  То 30 сентябр ҳосили 1072 гектар боғ ҷамъоварӣ ва  қариб 1900 тонна меваи донакдору тухмдор пешкаши харидорон карда шудааст.
Ғаллакорӣ  соҳаи асосии кишоварзони шаҳр буда, дар таъмини амнияти озуқавории мамлакат саҳми назаррас дорад. Имсол ғаллакорон аз 15175 гектар зиёда аз 35 ҳазор тонна ҳосил рӯёнданд, ки 30747 тоннааш гандум мебошад. Ҳосили умумӣ аз ҳар гектар ба ҳисоби миёна  23,1 - сентнериро ташкил додааст.
 Бо вуҷуди шароити якхела натиҷаи кори картошкакорон қаноатбахш нест. Хоҷагиҳо аз 387 гектар ҳамагӣ 5057 тонна ҳосил бардоштанд, ки ба ҳар гектар 130 – сентнерӣ рост омада, аз ҳисоби миёнаи ҷумҳурӣ кам аст.
Аз ҳар гектар зироатҳои полизӣ аз кишти асосӣ ва такрорӣ қариб 2500 тонна ҳосил ба даст омад, ки назар ба ҳамин давраи соли гузашта зиёд аст.
Натиҷаи бадастовардаи пахтакорон низ дар соли ҷорӣ гуногун  мебошад. Дар аксар хоҷагиҳо чигити навъҳои “Дӯстӣ – ИЗ”, “Флора”, “Флеш”, “ДП 51 – 11”, “Зуҳал” ва “Ирам” кошта, нигоҳубини онро  дар асоси қоидаҳои агротехникӣ роҳандозӣ намуданд. Аз рӯйи маълумоти то 30 сентябр расида, аз 1737 гектар 2227 тонна пахта ҷамъоварӣ карда шудааст, ки ба ҳар гектар ба ҳисоби миёна 17,7 – сентнерӣ рост меояд. Хоҷагии “Шуҳрат” – и Ҷамоати деҳоти Навобод  аз ҳар як гектар 35 – сентнерӣ ҳосил бардоштааст. Даҳҳо хоҷагиҳои хурди деҳқонӣ аллакай аз ҳар гектар 25 – 30 - сентнерӣ пахта ғундошта, иҷрои нақшаи солонаро таъмин карда бошанд, хоҷагиҳое низ ҳастанд, ки аз ҳар гектар андаке зиёда аз 10 - сентнерӣ ҳосил рӯёндаанд. Ё ин ки  рафти ҳосилғундорӣ дар ҶДММ «Агросаноат», хоҷагиҳои «Намуна», «Дӯстӣ» ва чанде дигар беҳтар бошад ҳам, хоҷагиҳои ба номи А. Мирзоев, «Экспресс» ва «Ҳақиқат»  ҷамъоварии пахтаро кашол дода истодаанд. Хоҷагиҳои қафомонда дар мавсими парвариши ниҳолҳо аз насосҳои обкашӣ дуруст истифода набурда, ба беоб мондани қитъаҳо  ва паҳн гардидани ҳашарот дар пахтазор роҳ додаанд.
Мирзои ФИРӮЗ, “Ҷумҳурият”


Баёни ақида (0)    Санаи нашр: 11.10.2017    №: 212    Мутолиа карданд: 796

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед