logo

иқтисод

ЧӢ БОЯД КАРД? ДАР БОРАИ ТАЛАФОТИ НЕРУИ БАРҚ

Қариб ҳамасола бо фарорасии мавсими сармо дар шаҳру навоҳӣ, хусусан дар деҳот, камбуди аз кор бозмонии истгоҳҳои барқӣ (трансформаторҳо) ба назар мерасад. Таҷҳизоти зеристгоҳҳо, хатҳои интиқоли барқ ва симчӯбу ноқилҳо, ки аксаран аз даврони шӯравӣ мондаанд, корношоям гардида, боиси талафёбии табиии наздик ба 14 дарсади неруи барқ шудааст.
Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатиашон ба Маҷлиси Олии Ҷумҳурии Тоҷикистон ба масъалаи паст кардани талафоти неруи барқ таваҷҷуҳи махсус зоҳир намуда, ба Вазорати энергетика ва захираҳои об, ширкати «Барқи тоҷик» ва дигар сохторҳои дахлдор супориш доданд, ки истифодаи неруи барқро қатъӣ назорат намоянд.
Аз ҷониби Ҳукумати мамлакат мавриди назорати ҷиддӣ қарор ёфтани истифодаи неруи барқ ба он хотир аст, ки дар натиҷаи зиёд шудани шумораи аҳолӣ ва корхонаҳои саноатӣ  талабот ба барқ афзуд. Аз рӯйи маълумоти оморӣ, дар шаҳри Душанбе аҳолӣ нисбат ба соли гузашта 1,7 дарсад зиёд гардидааст. Ин нишондиҳанда дар ҷумҳурӣ 2,2 дарсадро ташкил медиҳад, ки истифодаи оқилона ва сарфакоронаи неруи барқро тақозо менамояд.
Ба андешаи коршиносон, кори боэътимоди воситаҳои интиқолдиҳандаи барқ, аз ҷумла хатҳои ҳавоии барқӣ, кабелӣ ва трансформатору таҷҳизоти дигари барқӣ, асоси бе талаф истифода намудани  неруи барқ, хусусан дар фасли зимистон, мебошад, зеро эҳтиёҷоти аҳолӣ дар ин вақт ба он бештар аст. Бо ин мақсад ШСХК «Барқи тоҷик» аз аввали соли ҷорӣ то 1 – уми октябри соли 2017 аз ҳисоби фонди таъмир дар ҳаҷми 56,8 миллион сомонӣ корҳоро иҷро кард.
Бино ба иттилои Нозирҷон Ёдгорӣ, сухангӯйи ширкати «Барқи тоҷик», ширкат ҳамасола барои таъмини кори босифати иншооти барқӣ корҳои таъмир ва барқарорсозӣ анҷом медиҳад. Имсол низ аз ҷониби сохторҳои ширкат таъмири асосии 2 732 километр хати ҳавоии барқӣ, 76,6 километр хати кабелӣ ва як қатор трансформатору таҷҳизоти зеристгоҳҳои барқӣ гузаронда шудааст. Дар неругоҳҳо низ таъмири ҷории таҷҳизоти ёрирасон амалӣ шуда истодааст, - гуфт Н. Ёдгорӣ.
Бо вуҷуди иҷрои доимии корҳои таъмиру барқарорсозӣ, масъалаи боэътимод фаъолият кардани баъзе аз воситаҳои интиқолдиҳандаи барқ, аз ҷумла трансформаторҳо, ҳанӯз ба талабот ҷавобгӯ набуда, дар мавсими зимистон ба селу боришот ва раъду барқ, ҳамчунин, барфи аз меъёр зиёд тобовар нестанд. Вақти он расидааст, ки тамоми воситаҳои интиқолдиҳандаи барқ бо таҷҳизоти муосири барқӣ таъмин ва азнавсозӣ,  ҳамчунин ба истифодабарандагони неруи барқ маърифати сарфаю сариштакорӣ ҳар чи бештар ташвиқ карда шавад.                     
О. ВАФОБЕК, “Ҷумҳурият”


Баёни ақида (0)    Санаи нашр: 11.10.2017    №: 212    Мутолиа карданд: 780

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед