logo

туризм

ХОРУҒ ШАҲРИ САЙЁҲОН

Хоруғ маркази асосии сайёҳии Бадахшон ва яке аз нуқтаҳои интиқоли сайёҳон ба мавзеъҳои таърихӣ, фарҳангӣ ва табиӣ мебошад. Ҳамасола ҳазорҳо сайёҳон аз кишварҳои гуноногуни олам барои дидани табиати зебо, кӯҳҳои бузурги барфпӯш, кӯли Сарез ва дигар дороиҳои аҷиби Бадахшон маҳз ба маркази вилоят меоянд. Онҳоро метавон гоҳо пойи пиёда, гоҳо бо дучарха, мототсикл ва мошинсавор дид.

Хоруғ маркази Вилояти Мухтори Кӯҳистони Бадахшон буда, дар дараи жарфи соҳили рӯди Ғунд ва резишгоҳи он дар дарёи Панҷ дар баландии 2200 метр аз сатҳи баҳр воқеъ гашта, бо Афғонистон ҳамсарҳад аст. Хоруғ ба воситаи роҳи калони автомобилгард пойтахти мамлакат - Душанберо бо Оши Ҷумҳурии Қирғизистон ва бо роҳи Хоруғ - Мурғоб - Қулма бо Ҷумҳурии Мардумии Чин пайваст месозад. Шоҳроҳ аз маркази Хоруғ мегузарад. Роҳи Хоруғ – Мурғоб – Қулма (сарҳади Тоҷикистон бо Чин) моҳи майи соли 2004 сохта шудааст. Феълан фурудгоҳи маҳаллӣ тайёраҳоро аз Душанбе ва Ош қабул мекунад.
Шаҳри Хоруғ, ки дар ҷойи зебоманзар воқеъ аст, маркази вилоятии идора, тиҷорат, нақлиёт ва қабл аз ҳама таҳсилот мебошад. Водии дарё хеле танг аст, бинобар ин, Хоруғ танҳо ду кӯча дорад. Бо вуҷуди ин, шаҳр биноҳои филиали Донишгоҳи Осиёи Марказӣ, Донишгоҳи давлатии Хоруғ ба номи М. Назаршоев, Театри давлатии мусиқӣ – мазҳакавии ба номи М. Назаршоев, Неругоҳи барқи обии Хоруғ, ширкати «Помир энерҷӣ», сохтори гуногуни давлатӣ, меҳмонхонаҳои бузургу хурд, тарабхонаву ошхона ва марказҳои маърифативу фарҳангиро дар бар гирифтааст.
Дар қисми шарқии шаҳри Хоруғ, дар баландии 2320 метр аз сатҳи баҳр, дар соҳили рӯди Шоҳдара боғи ботаникии зебо ҷойгир аст. Он аз ҷиҳати баландӣ дар ҷаҳон дуюмин боғ буда, дар он рустаниву дарахтони беназири аз гӯшаҳои гуногуни ҷаҳон овардашуда месабзанд. Сайру гашт дар боғ ниҳоят фараҳбахшу аҷиб аст. Аз ин ҷо метавон тамоми шаҳри Хоруғро тамошо кард.
Хоруғ бо сафедорҳои бузург ва хонаҳои анъанавии бадахшонӣ шаҳри хурраму зеборо мемонад. Бо ин ҳама дороиву афзалият Хоруғ ба шаҳри сайёҳон табдил ёфтааст. Ҷиҳати пешбурди сайёҳӣ ва таҳлили соҳа Ассотсиатсияи эко-фарҳангиву сайёҳии Помир таъсис ёфта, айни ҳол дорои 21 аъзо мебошад.
Агар 12 километр шимолтар аз Хоруғ ба самти деҳаи Ваҳдат (пештара Миденшор) рафт, метавон, чашмаи муқаддаси «Пир Шоносир Чашма» вохӯрд. Чашма ба хотири ташрифи равшанфикри шинохта ва файласуфи Шарқ Носири Хусрав чунин номгузорӣ шудааст. Назди чашма пайкараи шоир гузошта шудааст. Метавон аз осорхонаи ба номи Носири Хусрав дидан кард. Дар майдонҳои поинӣ, боқимондаҳои ду маъбади гирдшакл ҳаст. 15 километр аз шаҳр дар деҳаи Поршнев корхонаи коркарди сангҳои қиматбаҳо ва ороишӣ фаъолият мебарад. Сайёҳон аз ин ҷо армуғон аз гавҳарҳои маъруфи Бадахшон – лаъл, лоҷувард, ҷамаст ва дигар сангҳоро мехаранд.
Баҳри ҷалби сайёҳон ба вилоят ҳамасола дар шаҳри Хоруғ ҷашнвораи фарҳангии «Боми ҷаҳон» гузаронда мешавад, ки дар он ҳунармандон ва санъаткорони ҷумҳуриҳои ҳамсоя ширкат меварзанд. Дар ин чорабинӣ маҳсулоти ҳунарӣ ва савғотӣ пешкаши сайёҳон мегардад. 
Ш. ҚУРБОН,  «Ҷумҳурият»


Баёни ақида (0)    Санаи нашр: 11.10.2017    №: 212    Мутолиа карданд: 2072
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед