logo

маориф

РАШТ. БАРОИ РУШДИ МАОРИФ ТАЛОШ МЕВАРЗАНД

Дар ноҳияи Рашт  тайи се соли охир дар назди муассисаҳои таҳсилоти умумӣ  11 бинои нави таълимӣ мавриди баҳрабардорӣ қарор гирифта, сохтмони ду бинои таълимии дигар ва  20 синфонаи иловагӣ идома дорад.
Зумрат Лоиқова, муовини раиси ноҳияи Рашт, изҳор дошт, ки бо мақсади пурра ба таҳсилу тарбия фаро гирифтани кӯдакони синни мактабӣ, аз ҷумла ҷалби духтарон ба таълим баъди хатми синфи 9 ва фароҳам овардани шароити мусоиди корӣ барои омӯзгорону хонандагон дар давоми се соли охир 6 муассисаи таҳсилоти ибтидоӣ ба  умумии асосӣ ва 6 муассисаи таҳсилоти умумии асосӣ ба миёнаи умумӣ табдил дода шуда, як муассисаи таҳсилоти ибтидоӣ таъсис ёфт. Дар назди муассисаҳои таълимӣ 27 кабинети фаннии  бо тамоми таҷҳизоти замонавӣ муҷаҳҳазгардида амал мекунад.
Ба гуфти З. Лоиқова дар ноҳия ба масъалаи тарбияи томактабӣ низ таваҷҷуҳи махсус зоҳир карда мешавад. Ҳоло дар шаҳракҳои Ғарм ва Навобод ду боғчаи бачагона бо фарогирии 103 нафар кӯдакони синни 5 - 6 сола амал мекунад ва дар назди 38 муассисаи таълимӣ марказҳои инкишофи кӯдакон таъсис ёфтаанд. 
Ба таълиму тарбияи кӯдакони имконияташон маҳдуд низ диққати махсус дода мешавад. Ҳоло шумораи кӯдакони маъюб дар ноҳия 64 нафарро ташкил медиҳад. 59 нафари онҳо дар муассисаҳои таҳсилоти умумӣ ва 5 нафари дигар дар шароити хона ба таълим фаро гирифта шудаанд.
Дар назди шуъбаи маориф барои кӯдакон ва наврасон маркази таҳсилоти иловагӣ таъсис ёфтааст, ки он дорои 9 маҳфил буда, 386 нафар хонандаро фаро гирифтааст. Барои маркази рушди истеъдодҳои назди шуъбаи маориф аз ҳисоби биноҳои маъмурии мақомоти иҷроияи маҳаллии ҳокимияти давлатии ноҳия ду синфхона ва як дафтари корӣ ҷудо гардид.
Дар ноҳия ба таъмини хонандагон бо сарулибоси мактабӣ аҳамияти ҷиддӣ дода мешавад. Корхонаҳои дӯзандагии ноҳия 8938 нафар хонандаро бо сарулибоси мактабии хушсифат ва аз ҳама муҳимаш бо нархи дастрас таъмин намуданд.
Вобаста ба гузариш ба низоми нави роҳбарӣ ва таълими салоҳиятнок 72 нафар директори муассисаҳои таҳсилоти умумӣ, 462 нафар омӯзгори синфҳои ибтидоӣ, 210 нафар омӯзгори фанни забону адабиёти тоҷик, 200 нафар омӯзгори фанни математика, 83 нафар омӯзгори фанни технология, 2 нафар омӯзгори хонандагони имконияташон маҳдуд аз курсҳои такмили ихтисос гузаштанд.
- Ба масъалаи таъмини омӯзгорони ҷавон бо манзили истиқоматӣ ва қитъаи замини наздиҳавлигӣ авлавият дода мешавад.  Дар арафаи иди касбиашон 216 нафар омӯзгори ҷавон бо ифтихорномаҳои мақомоти иҷроияи маҳаллии ҳокимияти давлатию шуъбаи маориф ва туҳфаҳою маблағҳои пулӣ қадр карда шуданд. Умед дорем, ки омӯзгорон низ ба қадри ин ғамхориҳои Ҳукумати мамлакат, мақомоти иҷроияи маҳаллии ҳокимияти давлатии ноҳияи Рашт, ки аз сиёсати маорифпарваронаи Пешвои муаззами миллатамон маншаъ мегирад, мерасанд ва дар тарбияи насли ояндасози ҷомеа софдилона талош меварзанд, - гуфт Зумрат Лоиқова.
Худодод ЗАЙНИДДИН,
«Ҷумҳурият»


Баёни ақида (0)    Санаи нашр: 13.10.2017    №: 214    Мутолиа карданд: 1532

03.05.2019


 ТАВСЕАИ ҲАМКОРИҲОИ СОХТОРҲОИ ГЕОЛОГИИ ТОҶИКИСТОНУ ӮЗБЕ-КИСТОН

 МУЛОҚОТИ ИСМАТУЛЛО НАСРЕДИН БО МЕҲР ХОЛИД

 ФИЛМИ «ТАНГНО» АЗ ҚАЗОН БО ҶОИЗА БАРГАШТ

 ИҶОЗАТНОМА БАРОИ ФАЪОЛИЯТИ ОПЕРАТОРИ НИЗОМИ ПАРДОХТӢ

 ЁВОН. БУНЁДИ 341 ИНШООТ ТО ҶАШНИ ФАРХУНДА

 ВАРЗОБ. ФАРДО АЗ ИМРӮЗ ЗЕБОТАР ХОҲАД ШУД

 ОЛМОН ЗИДДИ ВУРУДИ НИЗОМИЁН БА ВЕНЕСУЭЛА

 ДАР ҲИНДУСТОН АЗ ХАТАРИ ТУНДБОДИ «ФАНИ» БЕШ АЗ 800 ҲАЗОР НАФАР КӮЧОНДА ШУД

 ПАРЛАМЕНТИ ҚИРҒИЗИСТОН КОРКАРДИ КОНҲОИ УРАНРО БОЗДОШТ

 ДАР ТУРКМАНИСТОН НАРХИ ЧИПТАИ ҲАВОПАЙМОҲО ДУ БАРОБАР БОЛО РАФТ

ТУРКИЯ СЕЮМ КИШВАРИ САБЗТАРИНИ ДУНЁ ЭЪТИРОФ ШУД

02.05.2019


 Ҳадияи раиси шаҳр ба ифтихори 74 – умин солгарди Рӯзи Ғалаба

 Мулоқоти Хусрав Нозирӣ бо Муҳаммад ибни Абдураҳмон

 Баррасии фаъолияти ҳуқуқэҷодкунӣ дар кишвар

 ҶОМИ КФО. Пирӯзии «Истиқлол» бар «Дордой»

 Баргузории мизи гирд доир ба дипломатияи мардумӣ дар Тошканд

 Ҷонибҳои тақобули Сурия қисме аз масоили баҳсиро ҳал намуданд

 ЮНИСЕФ: "Беш аз 2 миллион нафар мардуми Ангола аз хушксолӣ дар азоб аст"

Дар Ҷопон давраи нави Рэйва оғоз ёфт

 Ҷаҳон дар як сатр

01.05.2019


Ноболиғони тоҷик ба Ватан баргардонда шуданд

Вохӯрии Сироҷиддин Муҳриддин бо Ҳамад Солим

Рушди иҷтимоиву иқтисодии минтақаҳои кишвар матраҳ гардид

Се собиқадори тоҷик дар паради Ғалаба дар Москва ва Санкт - Петербург ширкат мекунанд

Дар Венесуэла исён зидди ҳукумат бебарор анҷом ёфт

Дар Либия 345 нафар қурбони бархӯрди мусаллаҳона гашт

Истеҳсоли рекордии чой дар Кения

Дар Париж ба барҷастатарин занҳои олим арҷгузорӣ намуданд

ҶАҲОН ДАР ЯК САТР

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид


Дар сомонаҳои дигари Тоҷикистон хонед