logo

иҷтимоиёт

ДУШАНБЕ. МУАССИСАҲОИ ТАЪЛИМӢ БО ГАРМӢ ТАЪМИН МЕШАВАНД

Сарраёсати маорифи шаҳри Душанбе вобаста ба пайвастшавии муассисаҳои таълимии пойтахт ба низоми ягонаи гармидиҳӣ чораҳои мушаххас андешида истодааст.
- Аксарияти муассисаҳои таълимӣ корҳои таъмириро ҷиҳати қабули гармӣ дар фасли зимистон дар дохили биноҳо ба анҷом расондаанд. Аммо ба қисми дигари онҳо бо сабаби аз хати магистралии оби гарм дур будан ва таъмирталаб шудани қубурҳои асосии оби гарм хатҳои обгузар нагузаштаанд, - иттилоъ дод Аҳрориддин Бобиев, сардори шуъбаи маркетинг, амвол ва хариди давлатии Вазорати маориф ва илм.
Бино ба гуфтаи ӯ, дар муддати шаш моҳи аввали соли ҷорӣ 115 муассисаи таълимии пойтахт ба хатҳои гармидиҳии мутамарказ пайваст гардида, аз онҳо 88 муассиса (40 муассисаи таҳсилоти умумӣ, 46 кӯдакистон, 1 маркази рушди истеъдодҳо ва шуъбаи маорифи ноҳияи Шоҳмансур) барои гармӣ гирифтан пурра омода мебошанд. Системаи гармидиҳии дохилии 27 муассисаи дигар (14 мактаб ва 13 кӯдакистон) омода шудаанд, аммо маркази гармидиҳӣ гармӣ дода наметавонад. Муассисаҳои боқимонда (86 мактаб, 66 кӯдакистон, 3 шуъбаи маориф ва 7 маркази рушди истеъдодҳо ҷамъ 162 адад) бо сабаби аз хати гармидиҳӣ дур ҷойгир будан имкони пайваст шуданро надоранд.
Чуноне ки маълумот доданд, дар Донишкадаи ҷумҳуриявии такмили ихтисос ва бозомӯзии кормандони соҳаи маориф низ корҳои дохили бино пурра ба охир расида, аз санҷиши гидравликӣ гузаронда шудааст. Муассиса зимистони гузашта пурра бо энергияи гармӣ таъмин буд. Бинои асосӣ ва матбааи вазорат низ бо шабакаҳои гармидиҳӣ пайвастанд.
Ҳамзамон, биноҳои таълимии «Шаҳраки донишҷӯён» - и ДМТ ба шабакаи Маркази барқу гармидиҳӣ - Душанбе - 2 пурра пайваст шудаанд. Биноҳои таълимии донишгоҳ, ки дар маркази шаҳр ҷойгир мебошанд (бинои марказӣ, биноҳои таълимии № 2, 3, 5, 6, 7, 8, 9) ба МБГ - 1 пайваст буда, шартномаҳои ҳамкорӣ ба тасвиб расидааст. Корҳои таъмир дар биноҳои дигари донишгоҳ идома доранд.
Биноҳои таълимии донишгоҳҳои омӯзгорӣ, тиббӣ, техникӣ қисман бо гармӣ таъмин буда, дар Донишгоҳи давлатии аграрии Тоҷикистон ба номи Шириншоҳ Шоҳтемур таъмири хати оби гарм дар бинои асосӣ ба анҷом расидааст.
Донишгоҳи славянии Тоҷикистону Русия  ва  филиали   Донишгоҳи  давлатии Москва ба номи М.В.Ломоносов ба шабакаи гармидиҳандаи шаҳри Душанбе пайваст буда, дар давраи тирамоҳу зимистон гармиро аз муассисаи мазкур истифода мебаранд.
- Консерваторияи миллии Тоҷикистон соли 2014 ба хати шабакаи гармидиҳии шаҳри Душанбе пайваст шуд. Мутаассифона, бо сабаби таъмири роҳ ва ивази қубурҳо дар кӯчаи Ш.Ҳусейнзода Консерватория дар зимистони солҳои 2014 - 2015 аз он истифода бурда натавонист. Муассисаи мазкур дар зимистони солҳои 2015 - 2016 ба нақшаи гармидиҳӣ дохил нашуда, боз бо гармӣ таъмин нагардид.
Аз 13 муассисаи таҳсилоти миёнаи касбӣ дар шаҳри Душанбе коллеҷи омӯзгории ба номи Хосият Махсумоваи Донишгоҳи давлатии омӯзгории Тоҷикистон ба номи Садриддин Айнӣ, коллеҷи информатика ва техникаи компютерии шаҳри Душанбе ва коллеҷи тиббии ҷумҳуриявӣ ба шабакаи гармидиҳии дохилӣ (бойлер) пайваст ҳастанд, - афзуд Аҳрориддин Бобиев.
Аз 8 литсейи касбии боқимонда танҳо Литсейи касбии маъюбони Вазорати меҳнат, муҳоҷират ва ҳифзи иҷтимоии аҳолии Ҷумҳурии Тоҷикистон ва литсейи алоқаи шаҳри Душанбе ба шабакаи гармидиҳӣ пайваст буда, бо сабаби дар таъмири асосӣ будани биноҳои таълимии литсейҳои касбии сохтмон ва дӯзандагии шаҳри Душанбе пайвастани онҳо  ба шабакаи гармидиҳӣ то охири соли 2017 ба нақша гирифта шудааст.
Ҳамин тавр, ба низоми ягонаи гармидиҳӣ пайвастани муассисаҳои таълимӣ босуръат идома дорад. Масъулон кӯшиш доранд, ки ниҳодҳои боқимондаро низ шурӯъ аз зимистони соли ҷорӣ ба системаи мазкур ворид намоянд.
Бузургмеҳри БАҲОДУР,
“Ҷумҳурият”


Баёни ақида (0)    Санаи нашр: 13.10.2017    №: 214    Мутолиа карданд: 1013

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед