logo

туризм

ТОҶИКИСТОН – САРЗАМИНИ САЙЁҲӢ

Сайёҳӣ яке аз соҳаҳои муҳими иқтисоди миллӣ, аз ҷумла заминаи мусоид барои таъсиси ҷойҳои корӣ, рушди соҳибкорӣ буда, муаррифгари фарҳангу таърихи ғании кишвар дар арсаи байналмилалӣ ба ҳисоб меравад. Тоҷикистони азиз бо иқлими созгор, обу кӯлҳо, чашмаҳои мусаффову шифобахш, меваҳои шаҳдбор, кӯҳҳои осмонбӯс, пиряхҳои азим, набототу ҳайвонот ва манзараҳои беназири табиаташ макони беҳтарини сайругашт аст. Захираҳои сайёҳии кишвар барои рушди навъҳои гуногуни туризм, аз қабили экологӣ, фарҳангию таърихӣ, муолиҷавӣ, кӯҳнавардӣ, шикор ва сайругаштӣ имконияти фарохеро фароҳам овардаанд.
Ин матлабро Давлаталӣ Саид, муовини якуми Сарвазири мамлакат, зимни конфронси байналмилалие, ки таҳти унвони «Тоҷикистон – сарзамини сайёҳӣ» дар Китобхонаи миллии Тоҷикистон баргузор гардид, иброз дошт. Зикр гардид, ки узвияти мамлакат ба Созмони ҷаҳонии сайёҳӣ аз соли 2007 барои пешрафти соҳа заминаи мусоид фароҳам овард. Дар ин радиф, таваҷҷуҳи ҷомеаи ҷаҳонӣ ба захираҳои туристии кишвар афзуда, симои Тоҷикистон ҳамчун мамлакати дорои захираи бузурги ин соҳа муаррифӣ гардид.  Дар қатори 10 кишвари ҷолибтарин барои боздиди сайёҳон эълон  шудани Тоҷикистон аз ҷониби оҷонсии иттилоотии ВВС ва ба 10 роҳи зеботарини дунё шомил гардидани шоҳроҳи Помир далели ин гуфтаҳоянд.
Чуноне Шариф Раҳимзода, раиси Кумитаи Маҷлиси намояндагони Маҷлиси Олӣ оид ба иқтисод ва молия, гуфт, рӯз ба рӯз шумораи сайёҳони хориҷӣ дар кишвар  меафзояд ва боиси хушнудист, ки нисбат ба ҳамин давраи соли гузашта теъдоди онҳо 10 дарсад афзудааст. Бо назардошти захираҳои таърихию  фарҳангии  кишвар ЮНЕСКО ва Созмони ҷаҳонии сайёҳӣ Тоҷикистонро ба Барномаи тарғиби мероси таърихии давлатҳои Шоҳроҳи бузурги абрешим шомил намуд, ки иштирок дар ин барнома барои ҳамчун мавзеи туристӣ муаррифӣ намудани иншооти таърихии кишвар замина мегузорад.
Коршиноси байналмилалӣ оид ба  идоракунии хат- сайрҳо ва  рушди устувори сайёҳии  Иёлоти Муттаҳидаи Амрико Бриан Муллис бар он аст, ки вақте сухан аз рушди бомароми туризм меравад, нақлиёт ва нақши онро барои пешрафти кор зикр кардан бамаврид аст. Яъне, агар нақлиёти дар бозори туризми мамлакат ширкаткунанда шароити мусоиди ҳамлу нақл, қабул ва гусели сайёҳонро дар як муддати муайян ва бо нархи дастрас надошта бошад, эътимод низ коста мегардад. Аз ин рӯ, бо бовари комил метавон гуфт, ки нақлиёт яке аз воситаҳои муҳими ривоҷу равнақи иқтисодиёт ба ҳисоб рафта, метавонад дар густариши ҳама гуна бахшу соҳаҳо, хусусан соҳаи сайёҳӣ, саҳми бориз гузорад. Агар Тоҷикистон хизматрасонии нақлиётиро дар тамоми манотиқ ба сайёҳон таъмин намояд, нуфузаш дар бозори байналмилалии туризм боло меравад, ки ин барои ҷалби бештари сайёҳон мусоидат хоҳад кард.
Дар Тоҷикистон барои рушди сайёҳии экологӣ шароити мусоид фароҳам оварда шудааст. Зеро дар қаламрави кишвар беш аз 900 комплекси табиӣ, 100 осоишгоҳу базаҳои туристӣ ва минтақаҳои истироҳатӣ мавҷуданд, ки аксарияти онҳо дар кӯҳистон, дар назди чашмаҳои гарму маъданӣ ҷойгиранд. Ба ҷуз ин, мавзеъҳои таърихию фарҳангӣ яке аз омилҳои ҷалби сайёҳон ба кишвар аст. Вале имрӯз иқтидори сайёҳии мамлакат ба пуррагӣ омӯхта нашудааст. Зарур аст, ки дар ҳамкорӣ бо мутахассисони байналмилалӣ тамоми намудҳои туризм омӯхта шаванд. Ташкили хатсайрҳои туристӣ ба минтақаҳо, ҷалби сармоягузорони дохилӣ ҷиҳати ҳифзу нигоҳдории олами набототу ҳайвоноти нодир, гузарондани чорабиниҳои тарғиботию ташвиқотӣ байни аҳолӣ аз тадбирҳои ҳалталаби пешрафти соҳа мебошанд. Дар баробари ин, омодасозии мутахассисони ҷавобгӯ ба талаботи бозори туризми байналмилалӣ аз масъалаҳои муҳим ба шумор меравад. Зеро баланд бардоштани сатҳи хизматрасонӣ ва рушди ҳамаҷонибаи соҳа аз коршиносон вобастагии амиқ дорад.
Яке аз масъалаҳои мубрами дигар дар воситаҳои ахбори омма, бахусус шабакаи интернет, дастрас набудани маълумоти кофӣ дар бораи мавзеъҳои туристии Тоҷикистон мебошад. Бо пешниҳоди иттилооти бештар дар мавриди таъмини бехатарӣ, имкониятҳои техникӣ ва захираҳои табиии кишвар метавонем таваҷҷуҳи сайёҳонро ба мамлакат ҷалб намоем.
Меҳрангез ҚОДИРОВА, Комрон САФАРОВ, “Ҷумҳурият”


Баёни ақида (0)    Санаи нашр: 13.10.2017    №: 214    Мутолиа карданд: 2100
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед