logo

фарҳанг

АЗ МЕҲРГОН ТО МЕҲРГОН

Меҳргон дар радифи Ҷашни Наврӯз бузургтарин ва пуршукӯҳтарин ҷашни аҷдодии мардуми ориёитабор, рамзи тирамоҳи зарнисор, айёми ҷамъоварии ҳосил мебошад.  Меҳргон баробари инкишофи зироаткорӣ ва ҷорӣ гардидани тақвими деҳқонӣ пайдо шуда, иди ҳосилот ва бештар ҷашни кишоварзон аст.

Адиби машҳури форсу тоҷик Масъуди Саъди Салмон гуфтааст:
Меҳрубонӣ кун ба ҷашни Меҳргону рӯзи меҳр,
Меҳрубонӣ беҳ ба рӯзи меҳру ҷашни Меҳргон.
Истиқлолияти давлатии ҷумҳурӣ ба Меҳргон умри дубора бахшид. Тибқи қарори Ҳукумати Ҷумҳурии Тоҷикистон  аз соли 2009 Меҳргон дар тамоми гӯшаю канори кишварамон бо шукӯҳу шаҳомат ҷашн гирифта мешавад.
Маврид ба таъкид аст, ки Меҳргон дар қатори ҷашни ҳосилу кишоварз иди касбии олимони соҳа низ ба шумор меравад. Олимони Академияи илмҳои кишоварзии Тоҷикистон оид ба таъмини илмии рушди бахшҳои соҳаи кишоварзӣ  аз Меҳргон то Меҳргон пурсамар  фаъолият намуда, ба дастовардҳои муайян соҳиб гардиданд.
Қобили зикр аст, ки Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 21 марти соли 2017 дар қитъаи намоишии олимони академия оид ба технологияи муосири  кишт ва парвариши пахтаи зери плёнка ва бо усули обёрии қатраӣ дар ҶДММ “Агросаноат”-и шаҳри Турсунзода шинос гардида, дон пошиданд. Аз рӯйи ҳисоби пешакӣ, дар қитъаи якгектара зиёда аз 50 сентнер ҳосил мавҷуд аст. Аз чинаки якум ба ҳисоби миёна 27,5 - сентнерӣ пахта ба даст омад.
Бо қарори Комиссияи давлатии озмоиши навъи зироатҳои кишоварзӣ ва муҳофизати навъҳои Вазорати кишоварзӣ 7 навъи пахта, гандум, офтобпараст, юнучқа ва картошка минтақабоб гардида, ба комиссияи мазкур барои санҷиш ва минтақабобсозӣ 21 навъу дурагаҳои зироатҳои кишоварзӣ, аз ҷумла 7 навъи пахта, 6 навъи ғалладона, 2 навъи зироатҳои хӯроки чорво ва 6 дурагаи сабзавот супурда шуд.
Навигарии дастовардҳои олимони академия бо 19 ҳуҷҷати ихтироъкорию навоварӣ, аз ҷумла 11 патент ва 5 гувоҳномаи ҳуқуқи селексионер, тасдиқ гардидааст.
Ба Ҳукумати Ҷумҳурии Тоҷикистон ва Вазорати кишоварзӣ аз ҷониби олимони академия 6 пешниҳод оид ба ҷобаҷогузории зироати пахта дар минтақаҳои ҷумҳурӣ, боғу токзорҳо дар заминҳои ғайри обёришаванда, зироатҳои кишоварзӣ ва дарахтони мевадиҳанда дар мавзеи Канаски шаҳри Ваҳдат, интихоби зироатҳои кишоварзӣ дар кишти такрорӣ, кишти зери плёнкаи пахта бо усули обмонии қатраӣ ва истифодаи манбаъҳои маъдандори маҳаллӣ дар хӯроки чорвою паранда ирсол карда шуд.
Аз Меҳргон  то Меҳргон аз ҷониби олимони  мо лоиҳаи “Барномаи пешгирӣ ва мубориза бар зидди бемории брутселлёзи  ҳайвонот дар Ҷумҳурии Тоҷикистон барои солҳои 2017 - 2021” таҳия гардида, лоиҳаҳои “Стратегияи рушди пахтапарварӣ дар Ҷумҳурии Тоҷикистон то соли 2030” ва “Барномаи давлатии рушди истеҳсол ва коркарди зироатҳои равғандиҳанда дар Ҷумҳурии Тоҷикистон барои солҳои 2017 - 2021” такмил дода, ба вазорат пешниҳод гардиданд.
Тибқи супоришҳои Ҳукумати кишвар бо мақсади омӯзиши имконияти парвариши зироатҳои кишоварзӣ ва дарахтони мевадиҳандаю ороишӣ дар шароити баландкӯҳи мавзеи Канаски дараи Ромити шаҳри Ваҳдат (2300 - 2500 метр аз сатҳи баҳр) ва ноҳияи Мурғоби ВМКБ (3500 - 4000 м) бори аввал аз ҷониби олимони академия қитъаҳои таҷрибавӣ ташкил карда шуд ва дар онҳо зиёда аз 40 навъу намунаҳои зироатҳо кишт ва 5 намуди дарахтони мевадиҳандаю ороишӣ шинонда шуда, таҳқиқот дар ин самт идома дорад.
Нуралӣ АСОЗОДА,
президенти  АИКТ,  доктори илмҳои кишоварзӣ


Баёни ақида (0)    Санаи нашр: 17.10.2017    №: 216    Мутолиа карданд: 880

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед