logo

фарҳанг

ОСОРХОНА ВА НАҚШИ ОН ДАР ТАҲКИМИ ЗАБОН

Ҳарчанд раванди таъсисёбии нахустин осорхонаҳои кишваршиносиву таърихӣ дар ҷумҳурии мо дар миёнаи солҳои 30 – юми асри XX шурӯъ шуда бошад ҳам, дар замони Истиқлолияти давлатӣ ин ҷараён равнақи бештар гирифт. Ба ҳамагон маълум аст, ки маҳз бо ташаббуси Сарвари давлат дар минтақаҳои гуногуни кишвари азизамон осорхонаҳои зиёде бунёд шуда, ба фаъолият шурӯъ карданд.
Осорхонаи миллии бостонии Тоҷикистон, Осорхонаи таърихию  кишваршиносии ноҳияи Файзобод, осорхонаи таърихию кишваршиносии шаҳри Гулистон, осорхонаи таърихии вилояти Суғд, осорхонаи ҷумҳуриявии Бобоҷон Ғафуров, осорхона – мамнӯъгоҳи бостоншиносии Панҷакент, осорхона – мамнӯъгоҳи таърихию кишваршиносии “Ҳулбук”, Маҷмааи ҷумҳуриявии осорхонаҳои таърихию кишваршиносии шаҳри Кӯлоб ва осорхонаи миллии Тоҷикистон аз ҷумлаи онҳо мебошанд.
Имрӯз осорхонаҳои Тоҷикистон ҳамчун муассисаҳои маърифативу равшангароӣ дар ҳифзу нигаҳдошт, бозшиносиву муаррифии ашёи гаронбаҳои фарҳангии халқи тоҷик саҳми босазо мегузоранд. Ҳамасола сайёҳони зиёди хориҷӣ, шаҳрвандони худогоҳи кишварамон аз осорхонаҳо боздид ба амал оварда, аз таърихи дирӯзу имрӯзи он бохабар мегарданд.
Забони возеҳу гӯёи осорхонаҳо ашёи таърихие ҳастанд, ки дар намоишҳои осорхонавӣ ба маърази тамошо гузошта шудаанд. Таърихи куҳан, бурду бохт, пирӯзиву комёбиҳои миллати мо дар мисоли ашёи нодире, ки дар натиҷаи ковишҳои бостоншиносӣ ва ё гирдоварии маводи таърихӣ ба даст омадаанд, дар пеши назарамон ҷилвагар мешаванд.
Дар осорхонаҳо ҳангоми ҷобаҷогузории ашёи намоишӣ ва таҳияи намоишҳо аз матнҳои эзоҳӣ ба таври фаровон истифода мебаранд. Матнҳои эзоҳӣ, ки дар зери ҳар як ашёи намоишӣ гузошта мешаванд, оид ба мансубияти таърихии бозёфтҳо маълумоти мушаххасу фишурдаро ироа мекунанд. Аммо дар фаъолияти густурдаву рӯзмарраи осорхонаҳо мавҷудияти матнҳои эзоҳӣ басанда нест, зеро ба сабаби бисёр кӯтоҳу фишурда будани онҳо тамошогарон ҳангоми боздид ба роҳбаладон ниёз доранд. Ин аст, ки роҳбаладон ҳамчун тавзеҳдиҳандаи ҳаводиси таърихӣ дар осорхонаҳо нақши муҳимро мебозанд. Аз ин лиҳоз, роҳбаладон дар баробари донистани таърихи кишвари худ бояд забонро ҳам хуб донанд ва мафҳуму моҳияти воқеоти таърихӣ, рӯйдодҳои фарҳангӣ, дигаргуниҳои иҷтимоии ҷомеаи худро ба таври возеҳу равшан баён созанд. Забони тоҷикӣ, ки аз ниёгонамон ба мо мерос мондааст, дар баробари ҳар як ашёи таърихии халқамон арзиши зиёд дорад.
Бо ташаббуси маъмурияти Осорхонаи ҷумҳуриявии таърихию кишваршиносии ба номи Абуабдуллоҳи Рӯдакии шаҳри Панҷакент дар назди муассиса шуъбаи табъу нашр таъсис шудааст, ки ба нашри роҳнамо, брошура, буклет ва “Ахбори осорхонавӣ” ба забонҳои давлатӣ ва хориҷӣ (русӣ ва англисӣ) машғул аст. Кормандони илмӣ ва роҳбаладони осорхона ҳангоми гузарондани сайрҳои илмӣ ва боздиди тамошогарон аз осорхона аз маводи тарғиботиву ташвиқотии нашршуда фаровон истифода мебаранд.  Набояд фаромӯш сохт, ки бо забони шевои тоҷикӣ возеҳу рӯшан баён намудани ҳодисаҳои таърихӣ ва ҷолибу хотирмон гузарондани сайрҳои илмӣ мардумро хештаншиносу худогоҳ мегардонад.
Мақсудҷон ВАСИХОВ,
корманди илмии Осорхонаи ҷумҳуриявии
таърихию кишваршиносии ба номи
Абуабдуллоҳи Рӯдакӣ 


Баёни ақида (0)    Санаи нашр: 18.10.2017    №: 217    Мутолиа карданд: 1162
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед