logo

барқияҳо

МУБОДИЛАИ БАРҚИЯҲО

20 октябр миёни Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев ба муносибати 25-умин солгарди барпо намудани робитаҳои дипломатии ду кишвар мубодилаи барқияҳои табрикӣ ба амал омад.

Дар барқияи табрикии Президенти Ҷум-ҳурии Тоҷикистон Эмомалӣ Раҳмон ба унвони Президенти Ҷумҳурии Ӯзбекистон Шавкат Мирзиёев, аз ҷумла омадааст:
«Муҳтарам Шавкат Миромонович!
 Дар иртибот ба рӯйдоди шоистаи таърихӣ – биступанҷумин солгарди барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Ӯзбекистон бо камоли масаррат ба Шумо табрикоти самимии худро ирсол медорам.
Ӯзбекистони дӯст аз аввалинҳо шуда робитаҳои дипломатиашро бо Тоҷикистон дар давраи мураккабу печидаи ташаккул ёфтани кишвари мо ба ҳайси давлати соҳибихтиёр ба роҳ монд. Мо муносибатҳои имрӯзаи дӯстӣ ва ҳусни ҳамҷавории миёни кишварҳо ва мардумонамонро арзишманд медонем.
Бо изҳори қаноатмандӣ раванди мусбати мутобиқ ба тақозои замон рушд ёфтани ҳамкориҳои ду кишварро тайи вақтҳои ахир таъкид карданиам. Қобили таҳсин аст, ки ин соли ҷашнӣ бо сурат пазируфтани як силсила чорабиниҳои дуҷонибаи муҳим дар Тоҷикистон ва Ӯзбекистон, аз ҷумла намоишгоҳҳои тиҷоративу саноатӣ ва рӯзҳои фарҳангӣ, ки ба тавсеаи миқёси робитаҳои мутақобилаи мо такон бахшиданд, таҷлил мегардад.
Итминон дорам, ки Шумо дар оянда низ аз тамоми иқдомот ҷиҳати бо намунаҳои нави созанда афзун ва ғанӣ гардондани муносибатҳои гуногунҷанбаи мо, ки решаҳои амиқи таърихӣ доранд, ҷонибдорӣ хоҳед кард. Мо аз ҷониби худ барои мунтазам тақвият бахшидан ба ҳамдастию ҳамкории Тоҷикистону Ӯзбекистон, ки ҷавобгӯи манфиатҳои аслии ду халқи ба ҳам бародар мебошанд, тамоми кӯшишҳои заруриро ба харҷ хоҳем дод.
Бо истифода аз фурсате, ки ин рӯйдоди нек фароҳам овардааст, ба Шумо, муҳтарам Шавкат Миромонович, сиҳатии комил, саодатмандӣ ва дар фаъолияти пурсамаратон дастовардҳои навин ва ба мардуми бародари Ӯзбекистон рифоҳ, сулҳу амонӣ ва шукуфоӣ орзумандам».

Дар барқияи табрикии Президенти Ҷумҳурии Ӯзбекистон Шавкат Мирзиёев ба унвони Президенти Ҷумҳурии Тоҷикистон Эмомалӣ Раҳмон, чунин гуфта шудааст:
«Муҳтарам Эмомалӣ Шарифович!
Аз номи мардуми сермиллати Ӯзбекистон ва шахсан аз номи худам Шумо ва мардуми бародари Тоҷикистонро бо санаи муҳим – 25-солагии рӯзи барпо намудани муносибатҳои дипломатӣ байни кишварҳоямон самимона табрик менамоям.
Бо қаноатмандӣ мехоҳам зикр намоям, ки дар тӯли давраи таърихии кӯтоҳ ба мо муяссар гардид, ки дар рушди ҳамаҷонибаи ҳамкории дуҷониба ба натиҷаҳои назаррас ноил гардем. Муносибатҳои наздик ва созанда, ки бар асоси принсипҳои қавии анъанаҳои неки ҳамҷаворӣ, дӯстӣ ва ҳамдигарфаҳмӣ асос ёфтаанд, ба роҳ монда шуданд.
Бо самимияти хос вохӯриҳо ва суҳбатҳои пурмуҳтавои чанде пешамонро, ки натиҷаи онҳо ба густариши ҳамаҷонибаи ҳамгироии амалии Ӯзбекистону Тоҷикистон такони ҷиддӣ доданд, ёд мекунам.
Имрӯз ҳаҷми табодули мол батадриҷ меафзояд ва миқёси ҳамкорӣ дар соҳаҳои гуногуни иқтисодиёт густариш меёбад. Намоишгоҳҳо ва форумҳои тиҷоратии муштарак, ки ба барқарорсозии робитаҳои дарозмуддати шарикии корхонаҳои пешсаф ва доираҳои тиҷоратии ду кишвар мусоидат карданд, муваффақона гузаронда шуданд.
Бо талошҳои муштарак хатсайрҳои ҳавоии мустақим, ки пойтахти ҳар ду давлатро мепайванданд, барқарор карда шуданд. Бо қаноатмандии амиқ мехоҳам табодули фаъолонаи фарҳангӣ ва гуманитариро зикр намоям. Мардумонамон Рӯзҳои фарҳангии баргузоргардидаи Ҷумҳурии Ӯзбекистон ва Ҷумҳурии Тоҷикистонро бо шавқи бузург пазируфтанд. Ҳамкории рушдёбандаи судманд ва дастгирии мутақобилаи минтақаҳои наздисарҳадии ду давлат ба ҳамгироӣ заминаи мусбат медиҳанд.
Махсус таъкид менамоям, ки мо дар Ӯзбекистон ба тақвияти бештар бахшидани шарикии амалии дуҷониба дар ҳамаи соҳаҳо ҳавасманд буда, омодаем ба муносибатҳоямон хусусияти комилан нав диҳем ва онҳоро бо мазмуни амалан мушаххас комил гардонем.
Мутмаинам, ки ҳамкории Ӯзбекистону Тоҷикистон минбаъд низ дар рӯҳияи Созишнома оид ба дӯстии абадӣ миёни Ҷумҳурии Ӯзбекистон ва Ҷумҳурии Тоҷикистон ба манфиати мардумонамон густаришу таҳким меёбад ва ба хотири таъмини субот, амният ва рушди устувор дар минтақа хизмат мекунад.
Аз самими қалб ба Шумо, Эмомалӣ Шарифовичи азиз, саломатии қавӣ, нерумандии бардавом ва дар фаъолияти пурмасъули давлатиатон ҳама гуна комёбиҳо, инчунин, ба мардуми бародари Тоҷикистон сулҳ, некуаҳволӣ ва шукуфоӣ таманно дорам!»

21 октябр миёни Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  ва  Президенти  Ҷумҳурии  Арманистон Серж Саргсян ба муносибати 25 - умин солгарди барпо намудани робитаҳои дипломатии ду кишвар мубодилаи барқияҳои табрикӣ ба амал омад.
Дар барқияи табрикии Президенти Ҷумҳурии Тоҷикистон Эмомалӣ Раҳмон ба унвони Президенти Ҷумҳурии Арманистон Серж Саргсян, аз ҷумла омадааст:
«Муҳтарам Серж Азатович!
Санаи ҷашнии биступанҷумин солгарди барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Арманистон бароям фурсати муносибе фароҳам овардааст, ки ба Шумо табрикоти самимии худро бифиристам.
Бо изҳори қаноатмандӣ мехоҳам таъкид намоям, ки тайи ин давра муносибатҳои дӯстӣ ва ҳамкориҳои гуногунҷанба байни Тоҷикистон ва Арманистон чи дар қолаби дуҷониба ва чи дар асоси бисёрҷониба рушду тавсеаи рӯзафзун ёфта, мазмуну муҳтавои нави амалиро касб кардаанд.
Мо сатҳи имрӯзаи ҳамёрии кишварҳоямонро баланд арзёбӣ менамоем ва азм дорем, ки онро дар ҳама арсаҳои манфиатҳои муштарак минбаъд низ густариш диҳем.
Бо истифода аз фурсати фараҳбахш мехоҳам изҳори умед намоям, ки ба хотири таъмини манфиатҳои аслии мардумонамон ва шукуфоии кишварҳоямон мо бо сайю талошҳои ҳар ду ҷониб муносибатҳои Тоҷикистону Арманистонро ба зинаҳои сифатан нави рушд боло хоҳем бурд.
Муҳтарам Серж Азатович, таманниёти неки моро бо дархости сиҳатмандии комили Шумо, комгорӣ дар фаъолиятатон ва сулҳу рифоҳу шукуфоӣ барои мардуми дӯсти Арманистон қабул фармоед».

Дар барқияи табрикии Президенти Ҷумҳурии Арманистон Серж Саргсян ба унвони Президенти Ҷумҳурии Тоҷикистон Эмомалӣ Раҳмон, чунин гуфта шудааст:
«Муҳтарам Эмомалӣ Раҳмон!
Табрикоти самимии маро ба муносибати санаи барои кишварҳоямон ва мардумонамон муҳим – 25 - умин солгарди барпо намудани муносибатҳои дипломатӣ миёни Ҷумҳурии Арманистон ва Ҷумҳурии Тоҷикистон қабул фармоед.
Дар зарфи чоряк аср бо талошҳои муштарак дар рушди муносибатҳои байнидавлатии Арманистону Тоҷикистон, ки бар асоси анъанаҳои дӯстӣ ва эҳтироми мутақобилаи мардумони кишварҳоямон асос ёфтаанд, натиҷаҳои муҳим ба даст омаданд. Тасдиқи ин хусусияти манфиатдори муколамаи сиёсӣ, ҳамоҳангии зич дар доираи СММ, САҲА, СААД ва дигар шаклҳои бисёрҷониба, заминаи қарордодию ҳуқуқии мавҷуда ва ҳамгироӣ дар соҳаҳои иқтисоду тиҷорат ва гуманитарӣ мебошанд.
Бо қаноатмандӣ зикр менамоям, ки ҳоло дар аксарияти соҳаҳои ҳамкории дуҷониба барои оянда захираи фарогир мавҷуд аст ва барои татбиқи лоиҳаҳои мушаххас, ки метавонанд ҳамкории Арманистону Тоҷикистонро ба сатҳи сифатан нав бароранд, шароити мусоид фароҳам оварда шудааст. Дар ин замина мехоҳам муҳимияти созишҳоямонро, ки зимни сафари расмии Шумо ба Арманистон моҳи июли соли равон ба даст омада буданд, махсус зикр намоям.
Ҳамаи ин мутмаин месозад, ки ҳамкории дуҷонибаи дорои иқтидори бузург ба шарофати талошҳои муштаракамон минбаъд низ тақвият ёфта, ҳамаи соҳаҳои нави ҳамгироиро, ки, бешубҳа, ҷавобгӯи манфиати мардумони Арманистону Тоҷикистон мебошанд, фаро мегиранд.
Бо истифода аз фурсати муносиб, муҳтарам ҷаноби Президент, мехоҳам ба Шумо ва мардуми дӯсти Тоҷикистон таманниёти беҳтарин - комёбиҳо, сулҳ ва некуаҳволиро ирсол дорам».


Баёни ақида (0)    Санаи нашр: 23.10.2017    №: 219    Мутолиа карданд: 1803

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед