logo

иҷтимоиёт

ЛАХШ. АВЛАВИЯТ БА ХИЗМАТРАСОНИИ ТИББӢ

Таваҷҷуҳ ба соҳаи тандурустӣ яке аз самтҳои афзалиятноки сиёсати иҷтимоии давлат ба ҳисоб рафта, ҳамасола давлат ва Ҳукумати Тоҷикистон бо дарназардошти аҳамияти бузурги ҳифзи саломатии мардум ва бо мақсади суръатбахшӣ ба раванди ислоҳоти соҳа, баланд бардоштани сифати хизматрасонии тиббӣ ва вусъат додани бунёди иншооту муассисаҳои тиббӣ, ҳамаи чораҳои имконпазирро амалӣ карда истодааст. Тибқи иттилои сардухтури беморхонаи минтақавии деҳаи Чорсуи Ҷамоати деҳоти Лахши ноҳияи Лахш  Хисрав Сайфиддинов  дар назди беморхона маркази саломатӣ сохта шуда, мавриди истифода қарор гирифт. Маркази саломатии мазкур бо  маблағгузории Фонди Оғохон сохта шуда, бо таҷҳизот ва лавозимоти ҳозиразамон таъмин мебошад. Бояд гуфт, ки мавриди истифода қарор гирифтани ин марказ ба ниёзмандон имкон дод, ки дар маҳали зисти худ аз хизматрасонии саривақтӣ ва босифати тиббӣ истифода баранд.
Боиси зикр аст, ки беморхонаи минтақавии Ҷамоати деҳоти Лахш дорои 30 кат ва 4 шуъба (ҷарроҳӣ, таваллудхона, кӯдакона ва муолиҷавӣ) буда, ба 25 ҳазор аҳолии минтақа хизмати тиббӣ мерасонад.  
Шуъбаи ҷарроҳии беморхона соли 2014 бо маблағгузории Сафорати Ҷопон сохта шуда, имрӯз ба аҳолии ин минтақаи кӯҳистон хизмат мерасонад. Солҳои пеш бо сабаби набудани шуъбаи ҷарроҳӣ ва дурии роҳ то маркази ноҳия, ки 50 километрро ташкил медиҳад, баъзе беморон дар роҳ мефавтиданд, махсусан дар фасли зимистон бо омадани тарма ва сел роҳ як ё якчанд рӯз банд гардида, ҳаракати нақлиёт қатъ мегардид.  Хушбахтона, мушкилоти соҳа рӯз аз рӯз бартараф гардида, сатҳу сифати хизматрасонии тиббӣ беҳтар мегардад. Дар шуъбаи мазкур аз  аввали сол 149 нафар бемор бо касалҳои гуногун  ҷарроҳӣ шуда, табобат гирифтааст. Дар шуъбаи муолиҷавӣ 122 нафар, дар таваллудхона 266  ва дар шуъбаи кӯдакона бошад, 108 нафар бемор аз хизмати табибон бархӯрдор гардиданд.
Масъалаҳои ба талаботи давру замон мувофиқ гардондани шароити муассисаҳои тандурустӣ, таъмини онҳо бо таҷҳизоти муосир ва доруворӣ, инчунин, тарбияи кадрҳои тиббӣ таҳти назорат ва таваҷҷуҳи доимии Ҳукумати мамлакат қарор дошта, бо роҳи зиёд кардани маблағгузории давлатии соҳа ва ҷалби сармоягузориҳои хориҷӣ вазъи муассисаҳои ташхису табобатӣ дар манотиқи кӯҳистони кишвар  тадриҷан ба эътидол омада, ниёз ба мутахассисони маҳаллиро ба миён меорад.
Норасоии кадрҳои баландихтисос, аз ҷумла рентгенолог, эндикринолог, духтурони чашм, духтури асаб ва лаборантҳо аз мушкилотеанд, ки ба пешравии кор халал ворид месозанд.
Дилшод АМИРОВ, «Ҷумҳурият»


Баёни ақида (0)    Санаи нашр: 24.10.2017    №: 220    Мутолиа карданд: 1166

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед