logo

ҳуқуқ

ЗАМИН. ҚОНУНШИКАНӢ БОЗ ЧАНД НАФАРРО ПАСИ ПАНҶАРА БУРД

Ҳарчанд дар самти назорати риояи қонунгузорӣ вобаста ба замин ниҳодҳои дахлдор чораҳои муассир ва таъхирнопазир андешида бошанд ҳам, мутаассифона, шахсони алоҳидае пайдо мешаванд, ки бо суиистифода аз мақоми хизматӣ ва фиреби мардум даст ба ҷиноят мезананд. Баррасии парвандаи ҷиноятӣ нисбат ба Ҳ. Раҳимов, О. Б. Садриддинов, О. Х. Шарофутдинов ва С. Мирзоев дар суди ноҳияи Рӯдакӣ аз ҳолатҳои харидуфурӯши ғайриқонунии замин ҳикоят мекунад.

Бино ба иттилои Прокуратураи генералӣ, Ҳ. Раҳимов аз 1 декабри соли 1995 дар вазифаи директори Муассисаи давлатии стансияи давлатии озмоиши  мошинаҳои Тоҷикистон  фаъолият  намуда, бо  истифода аз мақоми  хизматӣ  якҷо бо О. Садриддинов, И. Убайдов ва  дигарон, дар 73 ҳолат бо роҳи тамаъҷӯӣ аз шаҳрвандон маблағи аз 400 то 15 000 доллари амрикоӣ, ҷамъ 245 500 доллар ва 13 500 сомонӣ пора гирифтаанд.  Онҳо дидаю дониста, ки ҳуқуқи ҷудо намудани қитъаи заминро надоранд, аз заминҳои  корами обии муассисаи номбурда ва кооперативи  тиҷоратии  «Озмоиш», воқеъ дар ҳудуди ҷамоатҳои деҳоти Чоргултеппа ва Зайнабободи  ноҳияи  Рӯдакӣ,  ба ҳар шаҳрванд ба миқдори аз 0,03 то 0,45 гектар, дар маҷмӯъ 7,43 гектар қитъаи заминро ҳамчун замини наздиҳавлигӣ, барои сохтмони  хонаи истиқоматӣ ҷудо намуда додаанд.
Шахсони фавқуззикр кирдорҳои ҷиноятии худро идома дода, дар 53 ҳолат нусхаҳои фармонҳои директори Муассисаи давлатии  стансияи  давлатии  озмоиши  мошинаҳои Тоҷикистон ва  қарорҳои  раиси Ҷамоати деҳоти Чоргултеппаи ноҳияи Рӯдакиро дар бораи ба шаҳрвандон вобаста намудани қитъаҳои замин сохтакорона бо истифодаи техникаи компютерӣ омода намуда, ба онҳо додаанд. Ҳамчунин, Ҳ. Раҳимов бо  маслиҳати  пешакӣ бо Садриддинов ва Мирзоев  дар давраи солҳои 2012 - 2016 нуқтаи фурӯши гази моеъ, воқеъ дар шаҳраки  Камарови Ҷамоати деҳоти Чоргултеппаи ноҳияи Рӯдакӣ, анбори кооперативи тиҷоратии «Озмоиш» ва бошишгоҳи саҳроии кооперативи номбурдаро ба маблағи умумии 252 000 сомонӣ ва 17 500 доллари ИМА фурӯхта, аз ин маблағ ҳамагӣ 56 800 сомонӣ ба хазинаи кооператив воридот карда, боқимонда 195 200 сомонӣ ва 17 500 доллари амрикоиро азхуд намудаанд.
Ба иттилои манбаъ, О. Х. Шарофутдинов аз 26 августи соли 2004 дар вазифаи муҳандис - заминсози Ҷамоати деҳоти Зайнабободи ноҳияи Рӯдакӣ фаъолият намуда, моҳи ноябри соли 2013 бо маслиҳати пешакӣ бо О. Б. Садриддинов 0,50 гектар қитъаи замини ҷамоатро ғайриқонунӣ ба ивази маблағҳои  пулӣ ба шаҳрвандон ҳамчун замини наздиҳавлигӣ ҷудо намуда, аз онҳо 19 500 доллар ба сифати пора гирифтааст. Ӯ 11 феврали соли равон барои ба шаҳрванд Х. В. Муминов аз ҳисоби заминҳои ҳудуди ҷамоати зикргардида ғайриқонунӣ ҷудо намудани 0,8 гектар қитъаи замини наздиҳавлигӣ 12 000 доллар ба сифати пора талаб намуда, гирифтааст.
Бо ҳукми суди ноҳияи Рӯдакӣ аз 5 октябри соли 2017,   номбурдагон тибқи талаботи Кодекси ҷиноятии Ҷумҳурии Тоҷикистон гунаҳкор дониста шуда, Ҳ. Раҳимов ба муҳлати  25 сол, О. Б. Садриддинов  24 сол, О. Х. Шарофутдинов 16 сол, И. Убайдов  5 сол ва С. Мирзоев  8 сол аз озодӣ  маҳрум  гардиданд.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 30.10.2017    №: 223    Мутолиа карданд: 1239

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед