logo

иқтисод

ЗИМИСТОН ДАР МЕКӮБАД. ОМОДАГӢ ДАР НОҲИЯИ ТЕМУРМАЛИК ЧӢ ГУНА АСТ?

Қарори Ҳукумати Ҷумҳурии Тоҷикистон таҳти № 177, аз 4 апрели соли 2017 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2017-2018» қабул шудааст. Дар асоси ин қарор раисони вилоятҳо, шаҳру ноҳияҳо ва идораву ташкилотҳои ҷумҳурӣ муваззаф гардиданд, ки барои бе мушкилӣ гузарондани фасли сармо омодагии ҷиддӣ гиранд.
Шамсулло Сатторов, мудири шуъбаи маорифи ноҳияи Темурмалик, дар суҳбат бо мо иброз дошт, ки дар ҳамаи муассисаҳои таълимӣ омодагӣ ба фасли сармо хуб ҷараён дорад.  Аз ҷумла, захираи ҳезум ва шишабандии тирезаҳо пурра ба анҷом расидааст. Кашондани ангишт ҳанӯз идома дорад.
Дар соҳаи тандурустии ноҳия низ, бо вуҷуди баъзе камбудиҳо, омодагӣ ба давраи зимистонгузаронӣ хуб аст. Дар ноҳия 10 маркази саломатӣ, 27 бунгоҳи тиббӣ ва як беморхонаи марказӣ фаъолият мекунад. Нурулло Иззатов, менеҷери кумаки аввалияи тиббию санитарии ноҳия, гуфт, ки то имрӯз ҳамаи муассисаҳои тиббӣ ба давраи зимистонгузаронӣ пурра омода шуда, ангишт, ҳезум ва сӯзишвории дигар захира кардаанд. Бовар аст, ки тирамоҳу зимистони имсола бе мушкилӣ паси сар мешавад.
Ҳазрат Алимардонов, сармуҳосиби беморхонаи марказӣ, гуфт: «Беморхона бо хати озоди барқ пайваст буда, дар фасли сармо ҷойи хоби беморон тариқи печҳои барқӣ гарм карда мешавад. Илова бар ин, дар беморхона муҳаррикҳои дизелие мавҷуданд, ки дар ҳолати хомӯш шудани барқ ҳуҷраҳоро бо гармӣ таъмин мекунанд. Бинои беморхонаи марказӣ солҳо боз таъмирталаб шудааст, аммо барои таъмир имкони молиявӣ нест. Чанде пеш қисмати берунии онро ранг кардем, аммо он таъмири асосӣ мехоҳад. Илова бар ин, маблағе, ки барои сӯзишвории ду мошини ёрии таъҷилӣ аз буҷети ноҳия ҷудо мешавад, нокифоя аст. Соли 2017 барои сӯзишвории ин ду мошин ҳамагӣ 1400 сомонӣ ҷудо шудааст, ки бо он 250 литр сӯзишворӣ метавон хариду тамом. Аммо ба ҳисоби миёна дар як сол барои ду мошини ёрии таъҷилӣ 2 тонна сӯзишворӣ лозим аст. Барои таъмири мошинҳо бошад, умуман маблағ ҷудо намекунанд».  
Дар фасли сармо аз барф тоза кардани роҳҳои ҳудуди ноҳия ва дар ҳолати истифодабарӣ қарор доштани онҳо аз фаъолияти хуби кормандони муассисаи давлатии нигоҳдории роҳҳои автомобилгард вобаста аст.
Файзиддин Зоиров, корманди МДНРА - и ноҳияи Темурмалик, иброз дошт, ки онҳо барои зимистонгузаронӣ 488 метри мукааб маводи зиддилағжӣ, 800 литр сӯзишворӣ захира кардаанд. Дар тавозуни муассиса 7 техника мавҷуд аст. Барои тоза кардани роҳҳо аз барф ҳамагӣ як техника доранд ва он ҳам куҳнаву фарсуда шуда, зуд - зуд таъмирталаб мешавад.
Мақомоти иҷроияи маҳаллии ҳокимияти давлатии ноҳияи Темурмалик ва вазорату идораҳои дахлдорро зарур аст, ки барои ҳалли камбудии сохторҳои зертобеи худ тадбирҳои зарурӣ андешанд. Аз ҷумла, барои таъмини техникаи нави барфтозакунӣ дар МДНРА - и ноҳия ва таъмири бинои беморхонаи марказӣ.
Лашкар ШАРИФ,
«Ҷумҳурият»


Баёни ақида (0)    Санаи нашр: 30.10.2017    №: 223    Мутолиа карданд: 876

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед