logo

иқтисод

МОШИНОЛОТ. АЗ ИМКОНИЯТҲОИ ИСТЕҲСОЛ ИСТИФОДА НАМЕБАРЕМ, ЧАРО?

Аз рӯйи омори расмӣ, дар ҷумҳурӣ ба ҳазор нафар 48 мошини шахсӣ рост меояд. Ин нишондиҳанда панҷ сол қабл  39 ададро ташкил медод. Аз ҳама бештар сокинони шаҳри Душанбе (аз 1000 нафар 73 нафар) мошин доранд. Афзудани шумораи мошинҳо нигоҳубин ва истифодаи дурустро тақозо менамояд. Бештари ронандаҳо хароҷоти асосиро дар таъмир ва хариди қисмҳои эҳтиётӣ медонанд, ки ба буҷети оила безарар нест. 

Давлатулло Хайруллозода, сокини пойтахт, панҷ сол аст, ки мошин меронад ва қариб аз тамоми нозукиҳои кор бо мошинолот бохабар аст.
- Қисми бештари мошинҳои дар ҷумҳурӣ буда, истеҳсоли солҳои 1990 – 2000 мебошанд. Дастрасӣ ба мошинолоти босифат дар сурати аз кор бозмонии ин ё он қисми мошин мушкили асосии ҳар мошиндор ба ҳисоб меравад, - гуфт Д. Хайруллозода. - Дар таъмири босифати мошинҳо саҳми нуқтаҳои таъмир хеле назаррас аст. Онҳо аз рӯйи сифати кор ва нархҳои вобаста ба қурби доллари амрикоӣ ба мизоҷон хидмат мерасонанд. Баъзе қисмҳои эҳтиётиро аз рӯйи дархост ба мизоҷон дастрас менамоянд.
Маҳсулоти аз давлати Олмон ворид гардида, дар мағозаҳои шаҳр, хусусан мағозаи “Boosh”, воқеъ дар маҳаллаи 84 - уми пойтахт ба фурӯш бароварда шудаанд. Аксар соҳибони мошин бошанд, ба интихоби мошинолоти истифодашуда (БУ), ки нархи нисбатан арзон ва сифати беҳтар доранд, афзалият медиҳанд. Дар ҳама ҳолат талабот ба мошинолот беш аз пеш дар ҳоли афзоиш аст. Аммо дар ҷумҳурӣ истеҳсоли қисмҳои эҳтиётии мошинҳои сабукрав чандон рушд накардааст. Коргоҳу корхонаҳои  саноатӣ бештар ба тавлиди мошинолоти кишоварзӣ ва трактор машғуланд. Корхонаҳо дар ҳашт моҳи соли 2017 ба маблағи 758,6 миллион сомонӣ маҳсулот истеҳсол карданд, ки назар ба ҳамин давраи соли гузашта 22,9 миллион сомонӣ зиёд аст. Сабаби мавҷуд набудани коргоҳи истеҳсоли қисмҳои эҳтиётии мошинҳои сабукрав дар чист?
Дар хусуси тавлиди қисмҳои эҳтиётии мошини сабукрав коршиносон бар он назаранд, ки истеҳсоли мошинолот аз мавҷуд будани бозори мошин вобаста аст. Ширкатҳои азими тавлидотӣ ҳеҷ гоҳ дар мамлакатҳои аҳолиашон кам ва бозори истеъмолиашон маҳдуд қисмҳои эҳтиётии мошин истеҳсол намекунанд. Бинобар ин, соҳибони мошин маҳсулоти воридотии камсифат истифода мебаранд. Дар қатори истеҳсоли маҳсулоти сохтмонию мошинолоти кишоварзӣ ба роҳ мондани тавлидоти қисмҳои эҳтиётии мошин раванди истеҳсолоти ивазкунандаи воридотро равнақ мебахшад. Соҳибкорони ватанӣ дар ин самт қадамҳои нахустин гузошта истодаанд. Қариб ҳамаррӯза дар кӯчаҳои шаҳр аз аҳолӣ ҷамъоварӣ шудани оҳану оҳанпора ба мушоҳида мерасад. Хариди чойнику плита, мошинаи либосшӯӣ, дарздӯзӣ ва тамоми ашёи рӯзгори оҳанини аз истифода баромада ба корхонаҳои саноатӣ барои коркард пешниҳод мегардад, ки самаранокии истеҳсолотро аз ҷиҳати коркард ва тавлиди маҳсулоти нав  пешрафт месозад. Қисми бештари оҳанпора ба корхонаҳои чинӣ барои истеҳсоли маҳсулоти сохтмонӣ, аз қабили арматура пешниҳод мегардад. Аз ин ҳисоб истеҳсоли мошинолоти сабукрав низ имконпазир аст. Иқдоми пешгирифтаи Ҳукумати мамлакат - 50 дарсад аз андоз ва пардохтҳои гумрукӣ озод кардани фаъолияти соҳибкорӣ барои ворид намудани ҳамаи намуди автомобилҳои нав имконият медиҳад, ки ба кишвар мошинаҳои сифатан беҳтар интиқол дода шаванд. Дар ин маврид роҳандозии коргоҳи истеҳсоли қисмҳои мошини сабукрав барои рушди иқтисоди миллӣ ва истеҳсолот манфиатбахш аст.  
О. ВАФОБЕК, “Ҷумҳурият”


Баёни ақида (0)    Санаи нашр: 31.10.2017    №: 224    Мутолиа карданд: 1083
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед