logo

иҷтимоиёт

РӮЗГОРЕ БАРОИ ИБРАТ

Фаъолияти доктори илми филологӣ, профессор Воҳид Асрорӣ серпаҳлу буда, ба соҳоти гуногуни илму фарҳанг: омӯзгорӣ, адабиётшиносӣ, фолклоршиносӣ, тарҷумонӣ, адабӣ, публитсистӣ ва муҳаррирӣ иртибот мегирад. Ҳамзамон, ӯ вазифаи декани факултети филологияи ДМТ (1968-1973) ва мудири кафедраро (1969-1996) бар дӯш доштааст.
Ӯ муаллифи зиёда аз 500 асару мақолаҳои илмӣ, таълимӣ, публисистӣ ва бадеӣ мебошад, ки «Эҷодиёти Юсуф Вафо» (1956), «Халқ ва адабиёт» (1968), «Адабиёт ва фолклор» (1967), «Эҷодиёти даҳонакии халқ» (1980, ҳаммуаллиф Р. Амонов), «Фолклор, халқият, нависанда» (1982), «Жанрҳои хурди фолклори тоҷик» (1990), маҷмӯаҳои «Салом, мактаб!» (1951), «Замзамаи ҳаёт» (1964) ва «Шарораҳо» (1997) намунаи онҳост. Дар ин асарҳо масъалаҳои гуногуни адабиёт, истифода ва нақши осори фолклорӣ дар адабиёти бадеӣ, махсусият ва анвои жанрии эҷодиёти мардумӣ таҳқиқ, таҳлил ва баррасӣ гардида, зебоиҳои ҳаёт ва ҳикмати зиндагӣ тасвир шудааст.  
В. Асрорӣ солҳои зиёд дар заминаи таҷрибаи андухтаи худ барои муҳассилини макотиби миёнаву олӣ китобҳои дарсӣ таълиф намудааст, ки «Забони тоҷикӣ» барои синфҳои 2-3 ва «Эҷодиёти даҳонакии халқ» мисоли онҳост. Агар китоби аввал солҳои 1960 то 1980 дар тамоми мактабҳои ҷумҳурӣ ҳамчун китобҳои дарсӣ омӯзонида мешуд,  китоби дуюм дар Ҷумҳурии Афғонистон бозгардон шуда, то имрӯз ба сифати воситаи таълим истифода мешавад.
Ҷанбаи дигари фаъолияти муаллим тарҷумонии асарҳо аз забони русӣ ба тоҷикӣ мебошад, ки романи Парда Турсун «Роҳи муаллим» (1950), повести Абдулло Қаҳҳор «Синчалак» (1992) ва чандин шеъру ҳикояҳои Владимир Маяковский, Аркади Гайдар, Маршак, Швартс, Сергей Михалков, Уткин ва дигарон намунае аз онҳост. Ин фаъолият маҳорати тарҷумонии ӯро сайқал дод, ки баъдтар дар ҷараёни таълими ихтисоси рӯзноманигор-тарҷумон дарсҳои тахассусии «Тарҷумаи бадеӣ» ва «Таҳрири адабӣ» - ро ҷорӣ намуд.
Соли 1992 факултети журналистика ва тарҷумонӣ ташкил ёфт, ки  дар ин кор ҳиссаи В. Асрорӣ низ кам набуд. Ташкили факултет дар назди устодони ин соҳа масъалаҳои навро ба миён гузошт. Дар навбати аввал зарур буд, ки бо забони тоҷикӣ китобу дастур ва барномаҳои таълимии ихтисосӣ навишта шаванд. Дар ин кор ӯ раҳнамову маслиҳатгар буд, зеро ҳам аз журналистикаи амалӣ ва ҳам аз илми ин соҳа хуб воқиф буд. Чандин китобу дастур ва барномаҳои таълимии «Журналистика» зери таҳрири ӯ омода ва чоп гардиданд.
Самти муҳимтарин ва асоситарини фаъолияти Воҳид Асрорӣ омӯзгорӣ буд. Ӯ тамоми умри пурбаракати худро сарфи ин касб кардааст. Муаллими мактаби таҳсилоти миёнаи умумӣ, муаллими омӯзишгоҳ, муаллими донишкада, муаллими донишгоҳ ва муаллими зиндагӣ буд. Ин аст, ки аксар ӯро чун муаллими муаллимон, устоди устодон мешинохтанду мешиносанд. Муаллим будан барояш масъулият ва ҳатто рисолати бузурги инсонӣ маҳсуб меёфт. Ӯ пешаи омӯзгориро бо пажӯҳиши илмӣ тавъам медонист. Муътақид буд, ки рисолати бузургтар ва бартарии устод тарбияи инсон аст. Инсоне, ки моҳияти зиндагиро дуруст дарк карда метавонад, фарҳангу адабиёти собиқаи халқи худро хуб медонад, анъанаи гузаштагонро давом медиҳад, адолатҷӯву ҳақталош аст, ватанашро дӯст медорад, бо кору амали ибратомӯзаш зиндагиро рангин мегардонад, дар пешрафти ҷомеа саҳм мегузорад.
Мурод МУРОДӢ,
профессори Донишгоҳи миллии Тоҷикистон


Баёни ақида (0)    Санаи нашр: 02.11.2017    №: 225    Мутолиа карданд: 1422
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед