logo

иқтисод

ХАРИТАСОЗӢ ЗАҲМАТ ВА ДАҚИҚНАЗАРӢ МЕХОҲАД

Корхонаи воҳиди давлатии «Фабрикаи харитасозӣ» фаъолияти худро дар самти тартибдиҳӣ ва нашри харитаҳою нақшаҳои топографӣ хуб ба роҳ монда, ҳар сол бештар аз 50 номгӯй харитаҳоро бо усули рақамӣ тартиб медиҳад. Харитаҳои таърихию маъмурӣ, топографию релйефӣ, илмию сайёҳӣ, деворӣ, атласҳои мактабӣ, глобусҳо, харитаҳои сиёсию табиӣ, роҳнамоҳо, нақшаи шаҳрҳо ва харитаҳои системаи геоиттилоотӣ ҳам маҳсули заҳмати мутахассисону кормандони ин муассисаанд.
- Корхона соли 2003 ба фаъолият оғоз  намуд. Аввалҳо аз сабаби дар ҷумҳурӣ мавҷуд набудани истеҳсолоти харитасозӣ нашри харитаҳо дар шаҳрҳои Москва ва Тошканд сурат мегирифт. Мо фаъолиятро дар ҷойи холӣ, аз сифр оғоз кардем. Пеш аз ҳама, мутахассисони дар соҳаи харитасозӣ соҳибтаҷрибаро ба кор ҷалб намудем ва онҳоро вазифадор кардем, ки шогирд ҳам тарбия кунанд. Дар баробари омӯзиши шогирдон харитаҳои нахустин, аз ҷумла харитаи маъмурии Тоҷикистон (нашри аввал), харитаҳои таълимӣ, харитаи сиёсии ҷаҳон, ба чоп омода ва нашр шуданд.
Корхона айни замон дар се самт фаъолият дорад. Самти аввал харитасозии топографист, ки он барои таъмин намудани сохторҳои низомӣ вобаста гардидааст.
Самти дуюм тартиб додани харитаҳои соҳавӣ ва таълимиро дар бар мегирад. Дар ин самт бо вазорату идораҳои маориф ва илм, кишоварзӣ, нақлиёт, ҳифзи муҳити зист ҳамкорӣ мекунем. Таъмини харитаҳои сайёҳӣ  бо забонҳои гуногун  низ ба фаъолияти кормандони ин самт дохил мешавад. Чунончи, соли 2015 харитаи сайёҳии Тоҷикистон ва харитаи сайёҳии шаҳри Душанберо омода сохтем, ки бо теъдоди бештар аз 5 ҳазор нусха нашр шуд. Тартиб додан ва пешниҳод кардани харитаҳои электронӣ самти сеюми кори мост. Дар замони муосир талабот ба чунин харитаҳо хеле зиёд аст. Технологияи иттилоотӣ, системаҳои иттилоотӣ (географӣ – иттилоотӣ) бе харитаҳои рақамӣ амал карда наметавонанд. Чунин харитаҳо барои истифодаи умум набуда, танҳо барои ташкилотҳоест, ки бо усулҳои электронӣ бо харита  кор карда метавонанд. Ҳоло ширкатҳои нақлиётии дар Тоҷикистон фаъолиятдошта барои омода намудани харитаи навигатсионии Тоҷикистон бо мо ҳамкорӣ доранд. Ҳар сол даҳҳо номи ҷуғрофӣ, аз деҳаҳо сар карда то шаҳраку ноҳияҳо иваз  мешавад. Вақте ки харитаҳоро тартиб медиҳем, ҳамаи ин номгузориҳоро ба назар гирифта, ба харитаҳо ворид мекунем. Тӯли солҳои 2016 ва 2017 дар ҳамкорӣ бо Сарредаксияи энсиклопедияи миллии тоҷик барои ба қайд гирифтани тамоми маҳалҳои аҳолинишини кишварамон корҳои махсус гузарондем, ба минтақаҳо сафар карда, маълумоти заруриро гирд овардем ва харитаҳои навро омода намудем, - гуфт сармуҳандиси муассиса Шарофиддин Шарифов.
Имрӯз талабот ба харитаҳои соҳавӣ зиёдтар мебошад. Корхона бештар дар соҳаҳои кишоварзӣ, геология, заминсозӣ, ҳифзи табиат ва  нақлиёт харитаҳо омода намуда, ба фар-моишгарон пешниҳод  менамояд. Соли 2017 барои таъмини талаботи сохторҳои гуногун харитаҳои релйефии ҷумҳурӣ тартиб дода шуданд, ки рӯзҳои наздик бо маълумоти навтарин аз нашр мебарояд.
У. МУРОД, «Ҷумҳурият»


Баёни ақида (0)    Санаи нашр: 09.11.2017    №: 228-229    Мутолиа карданд: 991
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед