logo

иқтисод

ВОСЕЪ. ИДОМАИ РОҲИ ПАДАРОНИ ҚАҲРАМОН

Муаррифии  ноҳияи Восеъ хеле осон, рӯҳнавоз ва ифтихорбахш аст. Чаро? Ба он хотир, ки табиати сеҳрангез, таърихи  пурифтихор  ва имрӯзи ободу шоиста дорад. Ноҳия аз нигоҳи ҷуғрофӣ дар қалби Хатлони куҳан қарор гирифтааст. Пойтахти Хатлон - Ҳулбук, ки аз шаҳрҳои тарақикардатарини  замони хеш дониста мешуд, марбути ҳамин мавзеъ аст. Сайёҳону муаррихони қадими шарқу ғарб ҳангоми ба қалам додани симои  Хатлони куҳан дар навбати аввал аз кӯҳи бузурги намаку аспони хушзот ва  аз далерию ватандӯстии фарзандони фарзонааш, амсоли Шаҳболи хасмшикан, ишора кардаанд. Таърих гувоҳ аст, ки шоҳи Хатлон - Шаҳболи хирадманду шуҷоъ бо ҳамдиёрони  ватандӯсти худ 75 сол ин сарзаминро аз ҳамлаҳои душманон  ҳимоя намуда, ба лашкари ғосиби арабҳо дар муҳорибаҳои сахти солҳои 677, 695, 699, 718 ва 725 ғалабаи комил ба даст оварда буданд.
Далерию шуҷоат ва ҳисси  миллию  ватанпарварӣ аз насл ба насл гузашта, то ба замони мо расид. Далели ин андеша  қаҳрамонии генерал - майор Рустам Амакиев дар набард бо гурӯҳи террористии генерал Абдуҳалим Назарзода дар аввали моҳи сентябри соли 2015 маҳсуб меёбад. Алҳол дар қатори Восеи қаҳрамон баҳри бузургдошти ёди Рустами ҷавонмарг ва барои абадисозии хотираи некаш дар маркази ноҳия муҷассама ва як муассисаи таълимию кӯчаро ба номи ӯ гузоштаем.
Дар замони осоиштаи шӯравӣ ва дар корзорҳои меҳнатии он  ин сифати олии гузаштагон хоси  бобоёну падарон гардид. 3 - юми октябри соли 2016 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон айни сафари навбатиашон ба ноҳия дар мулоқот бо фаъолону сокинони он   дар ин бора ба тариқи зайл ишора карда, гуфтанд: «Хотирнишон месозам, ки ноҳияи Восеъ дар даврони гузашта аз байни шаҳру ноҳияҳои кишварамон аз ҳама зиёд қаҳрамони меҳнат дошт». Шумораи дорандагони унвони олии Қаҳрамони Меҳнати Сотсиалистӣ дар ноҳия ба 11 нафар мерасид. Меҳнаткашони ноҳия дар замони истиқлол низ  суннатҳои нек ва роҳи тайкардаи падарони шарафманди хешро идома дода, ба дастовардҳои намоёни иқтисодию иҷтимоӣ  комёб гардиданд.    Натиҷаҳои иқтисодию иҷтимоии 9 моҳи соли ҷорӣ худ бозгӯи онанд, ки сокинони беш аз 200 - ҳазорнафараи  ноҳияи Восеъ, воқеъан  ҳам, меҳнатқарину бунёдкоранд. Дар ин давра дар ҳама шаклҳои хоҷагидорӣ дар ҳаҷми 453 миллиону 579 ҳазор сомонӣ маҳсулоти кишоварзӣ истеҳсол гардид, ки нисбат ба ҳамин давраи соли гузашта 30 миллиону 967 ҳазор сомонӣ зиёд аст. Ҳамзамон, 23,3 гектар боғ ва 15,6 гектар токзор бунёд ёфт.
Кишоварзон 52621 тонна ғалладона, 15250 тонна пахта, 34497 тонна сабзавот, 4057 тонна меваҷот, 5916 тонна картошка, 2879 тонна полизӣ, 3942 тонна ангур ва 22335 тонна зироатҳои хӯроки чорво истеҳсол карданд, ки ҳамаи ин нишондодҳо нисбат ба ҳамин давраи соли гузашта зиёданд.    Ҳамчунин, 2742 тонна гӯшт, 20909 тонна шир, 2 миллиону 876 ҳазор дона тухм, 223 тонна пашм, 15,7 тонна пилла, 20 тонна асал ва 6,5 тонна моҳӣ истеҳсол гардид.
Айни ҳол дар ҳудуди ноҳия 72 муассисаи таълимӣ бо фарогири 45986 хонанда фаъолият мекунад. Маорифчиён дар олимпиадаҳои вилоятӣ соҳиби 58 ва ҷумҳуриявӣ соҳиби 2 медал гардиданд.
Соли ҷорӣ 2 муассисаи тозатаъсиси томактабӣ ба фаъолият шурӯъ намуд. Бо дастгирии Ҳукумати кишвар дар ноҳия ду мактаби нав (барои 640 ва 240 хонанда дар як баст) сохта ба истифода дода шуд. Соҳибкори саховатпешаи маорифпарвар  Назар Қосимов дар деҳаи Заркорони деҳоти Мирзоалӣ Вайсов баҳри хонандагони деҳаи худ бинои муассисаи таълимиро барои 350 ҷой дар як баст бунёд кард ва онро шуъбаи маориф таҳти рақами 65 номнавис намуд.
Воқеан, сокинони ноҳияи мо  бо соҳибкорони созандаю ватандӯсти хеш, ба амсоли Назар Қосимов ва Аваз Кабиров   ифтихор мекунанд. Туфайли фаъолияти  бунёдкоронаи онҳо симои шаҳраку деҳот ба куллӣ тағийр ёфта, хеле ободу зебо шудаанд. Алҳол гурӯҳе аз соҳибкорони шаҳрак дар пайравӣ ба ташаббуси душанбегиҳо дар маҳаллаҳои сернуфус майдончаҳои варзишию гулгаштҳо бунёд менамоянд.
Дар миқёси ноҳия 82 муассисаи тандурустӣ, аз ҷумла 8 беморхона, 1 маркази саломатии ноҳиявӣ, 38 маркази саломатии деҳотӣ, 20 бунгоҳи тиббӣ, 8 маркази махсусгардонидашудаи тиббӣ ва 7 маркази тиббии хусусӣ, баҳри беҳдошти тансиҳатии мардум фаъолият мекунанд.
Мақомоти иҷроияи маҳаллии ҳокимияти давлатии ноҳия баҳри ҷалби занону духтарони фаъол ба вазифаҳои роҳбарикунанда тадбирҳои зиёдеро рӯи кор овардааст. Имрӯз 165 нафар занону духтарон дар вазифаи гуногуни роҳбарикунанда фаъолият мекунанд. Дар ноҳия 2 нафар занони дорандаи унвони Қаҳрамони Меҳнати Сотсиалистӣ -  Гавҳарбӣ Пиракова ва  Бозоргул Алиаҳмадова кору зиндагӣ мекунанд. Апаи Гавҳарбӣ китобдор ва апаи Бозоргул раиси хоҷагии деҳқонӣ мебошанд.
Бо бунёди роҳи Восеъ - Ховалинг зиндагии сокинони шаҳрак, хосса 15 деҳае, ки дар масофаи 40 километр пайиҳам ҷой гирифтаанду роҳ аз дохили онҳо мегузарад, комилан ранги дигар гирифтааст. Дар канори чапи роҳи мазкур, дар ҳудуди шаҳраки Восеъ майдони бузурги варзишии дорои 20 ҳазор ҷойи нишаст қомат меафрозад, ки он низ дастури навбатии  Пешвост.
Дар ноҳия  мавзеъҳои таърихӣ зиёданд. Қасри шоҳони Хатлон, ки аз ёдгориҳои асосии шаҳри қадимаи Ҳулбук маҳсуб меёбад, дар  ҳоли барқароршавист ва онро  дар давоми нуҳ моҳи соли ҷорӣ 2761 нафар меҳмон (аз ҷумла 271 нафар  меҳмони хориҷӣ) тамошо намуданд.
Хадафи мо муҳайё сохтани шароити мусоид барои зиндагии шоистаи мардум аст. Аз ин рӯ, ҷаҳд хоҳем кард, то зиндагии мардум ҳамеша беҳтар шаваду шаҳраку деҳотамон  шукуфотар.    
Мӯсо ҒАФУРЗОДА,
раиси ноҳияи Восеъ


Баёни ақида (0)    Санаи нашр: 09.11.2017    №: 228-229    Мутолиа карданд: 711

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед