logo

иқтисод

РАШТ. САТҲИ ЗИНДАГӢ БОЛО МЕРАВАД

Тавре Шарифзода Ҳамдулло,  муовини раиси ноҳияи Рашт, дар суҳбат ба хабарнигори рӯзнома иттилоъ дод, дар ноҳия корҳои созандагию бунёдкорӣ бомаром ҷараён дошта, таъминоти аҳолӣ бо маҳсулоти худӣ нисбат ба солҳои қаблӣ ба маротиб афзудааст. Вазъи бозори истеъмолӣ низ мунтазам муътадил нигоҳ дошта мешавад.

Дар ноҳия дар давоми нуҳ моҳи соли ҷорӣ ҳаҷми истеҳсоли маҳсулот 390 миллиону 901 ҳазор сомониро ташкил дод, ки нисбат ба ҳамин давраи соли гузашта 9 миллиону 566 ҳазор сомонӣ зиёд мебошад. Ҳаҷми истеҳсоли маҳсулоти кишоварзӣ ба зиёда аз 200 миллион сомонӣ ва ҳаҷми истеҳсоли маҳсулоти саноатӣ ба 36 миллиону 491 ҳазор сомонӣ расид. Ин ҷо саҳми корхонаҳои истеҳсолӣ хеле назаррас аст. Корхонаи ордбарории шаҳраки Ғарм, КВД «Чевар – 2014», «Бону – 2014» ва КВД «Зуҳал» нисбат ба соли гузашта зиёд маҳсулот истеҳсол карданд. Аз ин ҳисоб қисми даромади буҷети маҳаллӣ 101,3 фоиз иҷро гардида, ба ҷойи 12 миллиону 764 ҳазор сомонии ба нақша гирифташуда, ба буҷет 12 миллиону 930  ҳазору 467 сомонӣ, яъне 165 ҳазору 533 сомонӣ зиёд маблағ ворид шуд.
Мақомоти иҷроияи маҳаллии ҳокимияти давлатии ноҳияи Рашт ба рушди соҳаи иҷтимоӣ, хусусан соҳаҳои маориф, тандурустӣ, ҳифзи иҷтимоии аҳолӣ ва фарҳанг таваҷҷуҳи махсус зоҳир менамояд. Дар ин самт беш аз 35 миллион сомонӣ маблағ равона гардид, ки 86,5 дарсади хароҷоти буҷети маҳаллӣ мебошад.
Ба шуъбаи Агентии меҳнат ва шуғли аҳолии ноҳия 1263 нафар шаҳрванд муроҷиат кардааст. Аз ин 532 нафар ҳамчун корҷӯй ба қайд гирифта шуда,  235 нафар дар заминаи филиали Маркази таълими калонсолон ба курсҳои кӯтоҳмуддати касбомӯзӣ ҷалб гардиданд. Ғайр аз ин, 32 нафар ҷавондухтарони бекор ва занони хонашин дар ду гурӯҳ барои омӯхтани касби адрасбофии дастӣ аз тарафи КВД «Чевар - 2014» дар маркази ноҳия ва дар Ҷамоати деҳоти Қалъанак ба омӯзиш фаро гирифта шуданд.
Мувофиқи маълумоти оморӣ, дар ноҳия, дар маҷмӯъ 357 нафар ба ҷойи кори доимӣ ва 575 нафар ба корҳои мавсимӣ таъмин гардидаанд.
 Сатҳи зиндагии сокинони ноҳия аз ҳисоби аз ноҳияҳои камзамин ва сераҳолии кӯҳистон ба водиҳои дорои заминҳои бекорхобида кӯчондани аҳолӣ низ беҳтар гардида истодааст. Тибқи нақша соли ҷорӣ 15 оила барои истиқомати доимӣ ба деҳоти Ясмани ноҳия ва 10 оила ба  ноҳияи Лахш бояд сафарбар карда шавад. Бо қарори раиси ноҳия аз 12 июни соли 2017, № 354 барои 15 оила дар Ҷамоати деҳоти Ясман замин ҷудо карда шуда, сохтмони хонаҳои истиқоматӣ идома дорад. Рӯйхат ва ҳуҷҷатҳои 10 оилаи дигар ба мақомоти иҷроияи маҳаллии ҳокимияти давлатии ноҳияи Лахш пешниҳод карда шуданд. Аллакай 5 оила соҳиби қитъаи замин гашта, 5 оилаи дигар дар рӯзҳои наздик бо замини наздиҳавлигӣ таъмин мегардад. Дар доираи иҷрои қарори Ҳукумати Ҷумҳурии Тоҷикистон «Дар бораи нақшаи миёнамуҳлати муташаккилона кӯчондани муҳоҷирони экологӣ дар Ҷумҳурии Тоҷикистон барои солҳои 2017 - 2020» низ бо қарори раиси ноҳия ба 5 оилаи муҳоҷири экологии ноҳия қитъаҳои замини наздиҳавлигӣ ҷудо карда шудааст.
- Итминони комил дорем, ки бо дастгирии пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва саъю талошҳои мардуми  меҳнатқарини  ноҳияи Рашт соҳаҳои иқтисодию иҷтимоӣ боз ҳам рушд меёбанд ва барои зиндагии шоистаи аҳолӣ шароити созгор меояд, - гуфт дар хотимаи суҳбат Шарифзода Ҳамдулло.
Худодод ЗАЙНИДДИН, «Ҷумҳурият»


Баёни ақида (0)    Санаи нашр: 13.11.2017    №: 231    Мутолиа карданд: 576
18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ

«Тоҷик Эйр» теъдоди парвозҳоро ба Деҳлӣ зиёд мекунад

Ҷаҳон дар як сатр

Кореяи Шимолӣ омода аст ба Кореяи Ҷанубӣ пайвандад

Интиқоди сарвазири Маҷористон аз сиёсати ИА нисбат ба Русия

Чин соли гузашта аз хориҷа 1300 порахӯрро баргардонд

Қирғизистон: зарар аз коррупсия 1, 4 миллиард сом

Консерни Lactalis миллионҳо бонка ғизои кӯдаконаро бозмехонад

«Реал» барои Неймар аз баҳри Роналду мегузарад?

12.01.2018


Шарҳу тавзеҳи нуктаҳои муҳимтарини Паём дар ВМКБ


Дар сомонаҳои дигари Тоҷикистон хонед