logo

ҳуқуқ

ХАТЛОН. ПЕШГИРӢ АЗ ҶИНОЯТҲОИ ЭКСТРЕМИСТӢ ВА ТЕРРОРИСТӢ

Хабарнигори рӯзнома бо Темур Бойзода, муовини якуми раиси суди вилояти Хатлон, дар хусуси ҷиноятҳои экстремистию террористӣ чунин суҳбат кард:
- Бигӯед, ки дар соли 2017 дар суди вилоят чӣ қадар парвандаи марбут ба ҷиноятҳои экстремистию террористӣ мавриди баррасӣ қарор гирифт?
- Дар суди вилояти Хатлон бештар аз 70 парванда баррасӣ шуд. Аз парвандаҳои баррасишуда 36 - тояш нисбат ба 42 нафар ба ҷиноятҳои дорои хусусияти террористӣ дахл дорад. Ин гуна парвандаҳо соли гузашта нисбат ба 66 нафар 16 ададро ташкил доданд. Парвандаҳои ҷиноятии дорои хусусияти террористию экстремистӣ вобаста ба барангехтани кинаю адовати миллӣ, нажодӣ, маҳалгароӣ ва ё динӣ, даъвати оммавӣ дар ба амал баровардани фаъолияти экстремистӣ, ифротгароӣ, ташкили фаъолияти ташкилоти экстремистӣ, ифротгароӣ, ҷалб ва иштироки ғайриқонунии шаҳрвандони Ҷумҳурии Тоҷикистон ва шахсони бешаҳрвандӣ дар воҳиди мусаллаҳ, задухӯрди мусаллаҳона ё амалиётҳои ҷангӣ дар қаламрави дигар давлатҳо кушода шуданд.
Умуман, аз таҷрибаи баррасии парвандаҳо муайян гардид, ки бештар ҷавонон дар хориҷ ба гурӯҳҳои тарғиботӣ дучор меоянду гумроҳ шуда, ба ваъдаи ин, ки гӯё дар дигар давлатҳо пули зиёдтар ба даст меоварда бошанд, ба ҳар гуна равияҳо ҳамроҳ мешаванд.  Ба Сурияву дигар давлатҳо пеш зиёдтар мерафтанд, ҳоло сол ба сол сафи онҳо кам шуда истодааст.

- Вале шумораи парвандаҳои дорои хусусияти террористию экстремистӣ имсол нисбат ба соли гузашта зиёдтар аст?
- Бале. Ин маънои онро дорад, ки кормандони мақомоти қудратӣ дар кашфу боздошти ҷинояткорон хеле таҷриба андӯхтаанд. Вазифаи мақомоти ҳифзи ҳуқуқ, вазифаи ҷомеа фаҳмондан ва ҷавононро аз роҳи нодурусте, ки ихтиёр кардаанд, баргардондан аст. Бо ин мақсад то имрӯз гурӯҳҳои корие ҳастанд, ки дар байни мардум фаъолияти босамар бурда истодаанд. Бештари парвандаҳо дар судҳои сайёр баррасӣ мешаванд. Яъне дар миёни мардум, баъди эълони ҳукмҳо сабаби содиршавии ҷиноят фаҳмонда мешавад.

- Мақомоти суди вилоят таҷрибаи чандсолаи баррасии парвандаҳои экстремистию террористиро дорад?
- Пештар парвандаҳои вобаста ба терроризму экстремизм аз ҷониби судҳои зинаи якум баррасӣ мегардиданд. Лекин ба хотири он, ки ин  навъ парвандаҳо характери сиёсӣ доранд ва амалиётҳои онҳо ба муқобили сохти конститутсионӣ равона шудаанд, роҳбарият ба чунин хулоса омад, ки ин гуна парвандаҳо фақат аз ҷониби суди вилоят баррасӣ гарданд. Зеро дар суди вилоят судяҳои батаҷриба ҷамъ омадаанд.  

- Имсол дар суди вилоят парвандаҳои дорои хусусияти экстремистӣ зиёд буданд ё террористӣ?
- Парвандаҳои дорои хусусияти экстремистӣ. 

- Онҳо ба кадом равияю гурӯҳҳои мамнӯъ майл мекарданд?
- Ба “Салафия”, “Ҳаракати исломии Ӯзбекистон”, “Гурӯҳи 24”. 

- Баъзе соҳибназарон иддао мекунанд, ки ҳукми вазнин роҳи ислоҳ нест. Оё шумо зимни баровардани ҳукм ин ҷиҳатро ба инобат мегиред?
- Ҳангоми баррасии пар-вандаҳои ҷиноятӣ моддаи 61 Кодекси ҷиноятии Ҷумҳурии Тоҷикистонро, ки дар он ҳолатҳои сабуккунандаи ҷазо пешбинӣ шудааст, ҳатман ба назар мегирем.
Зокир ҲАСАН, “Ҷумҳурият”


Баёни ақида (0)    Санаи нашр: 13.11.2017    №: 231    Мутолиа карданд: 219

14.11.2017


Ҷаласаи якҷояи тадорукоти чорабиниҳои байналмилалӣ

Мулоқоти Сироҷиддин Аслов ва Эрлан Абдилдаев

Таъсиси шабакаи нави телевизионӣ

Бизнес - форуми соҳибкорони Тоҷикистону Ҳиндустон баргузор хоҳад гашт

Ҷаҳон дар як сатр

Ҳалокати беш аз 450 нафар аз заминҷунбӣ дар Эрон

Трамп ҷонибдори сабуксозии таҳримоти зиддирусӣ

Занон ва кӯдаконро аз Сурия ба Грозний оварданд

Коршиносон кишварҳоеро ном гирифтанд, ки аз тағйироти иқлим бештар зарар диданд

Чин. Минтақаи политсияро роботҳо «забт карданд»

13.11.2017


Ҷаҳон дар як сатр

Путин ва Трамп кишварҳои дунёро ба афзунсозии ёрӣ ба Сурия даъват карданд

Трамп қазияи «дахолати русӣ» - ро монеаи сунъии муносибатҳо номид

Пазироии Бангкок аз намояндагони СҲШ ва ЭСКАТО

Норасидтарин кӯдаки дунё дусола шуд

11.11.2017


Баррасии масъалаи истифодаи технологияҳои инноватсионӣ дар соҳаи роҳсозӣ

Тасвиби Ёддошти тафоҳум байни Вазорати мудофиа ва САҲА

Вохӯрӣ бо Мирча Чиопрага

Ҷарроҳии ройгони кӯдакон ва наврасон

ФУТБОЛ. Тими ҷавонони кишвар ба Чемпионати Осиё роҳхат гирифт

09.11.2017


Мулоқоти Сироҷиддин Аслов ва Муҳаммад Ҷавод Зариф

Баррасии масоили ҳамкории минтақавӣ дар соҳаи назорати маводи нашъаовар

Таҷлили Рӯзи милитсия дар Тоҷикобод

Роҳсозони ИДМ дар Душанбе ҷамъ омаданд

ФУТБОЛ. Ин бор миёни бонувон

Ҷаҳон дар як сатр

Путин ва Трамп дар ҳамоиши АТЭС қазияи ҶХДК - ро баррасӣ мекунанд

Артиши Сурия охирин истеҳкоми «Давлати исломӣ»-ро ба муҳосира гирифт

СММ давлатҳои арабро ба лағви муҳосираи Яман даъват намуд

Столтенберг: «Пас аз торумори «ДИ» амалҳои террористӣ дар Аврупо ва ИМА эҳтимол доранд»

Маҳви 54 ҳазор ҷангӣ дар Сурия

Дар Арабистони Саудӣ 800 миллиард долларро мусодира мекунанд

06.11.2017


Шукурҷон Зуҳуров ҳайати Парлумони Аврупоро ба ҳузур пазируфт

Тақвияти ҳамкориҳо бо Япония


Дар сомонаҳои дигари Тоҷикистон хонед