logo

ҳуқуқ

ЯК НИШАСТИ МУҲИМ

Тоҷикистон давлати ҳуқуқбунёду демократӣ ва дунявӣ буда, дар он таъмини ҳуқуқу озодиҳои инсон ва шаҳрванд, волоияти қонуну тартиботи ҳуқуқӣ кафолат дода шудааст. Дар шароити афзоиши таҳдидҳо ба амнияти одамон, ки аз буҳрони молиявӣ - иқтисодӣ, офатҳои экологӣ, ҷараёни муҳоҷират, терроризми байналмилалӣ, экстремизми динӣ ва амсоли он бармеоянд, маҳз ба волоияти қонун бояд таваҷҷуҳи хос зоҳир гардад. Бе таъмини волоияти қонун баланд бардоштани маърифати ҳуқуқии шаҳрвандон, бунёди ҷомеаи шаҳрвандӣ, танзими ҳуқуқии муносибатҳои ҷамъиятӣ дар тамоми соҳаҳои ҳаёти сиёсӣ, иҷтимоӣ ва фарҳангӣ аз имкон берун аст.
Ин матлабро Шоҳмурод Рустам, вазири адлияи кишвар, дар форуми сеюми  миллӣ оид ба волоияти қонун дар Ҷумҳурии Тоҷикистон, ки бахшида ба 23-юмин солгарди Конститутсияи Ҷумҳурии Тоҷикистон  дар Китобхонаи миллӣ баргузор гардид, баён намуд. Зикр шуд, ки ҳадафи асосии ҳамоиш муайян намудани мушкилот ва душвориҳое мебошад, ки барои таҳкими волоияти қонун дар Тоҷикистон монеа эҷод мекунанд. Ҷустуҷӯи муштараки роҳҳо тавассути табодули таҷриба ва муҳокимаи озод, таҳияи тавсия - пешниҳодҳои мушаххас ҷиҳати беҳтарсозии волоияти қонун ва ба ҳамин васила таъмини баробарии шаҳрвандон дар назди қонун аз ҷумлаи масоили дигари мавриди баҳс буданд.
Дар форуми сеюми миллӣ, ки намояндагони Дастгоҳи иҷроияи Президенти Ҷумҳурии Тоҷикистон, роҳбарияти Вазорати адлия, Суди конститутсионӣ, Суди Олӣ, Суди Олии иқтисодӣ, вазорату идораҳои дахлдор, ҳуқуқшиносон, ҷомеаи шаҳрвандӣ, созмонҳои байналмилалӣ ва воситаҳои ахбори омма ҳузур доштанд,  мавзӯъҳои вобаста ба сиёсати ҳуқуқии давлат ва рушди қонунгузории миллӣ, дастрасӣ ба адолати судӣ ҳамчун кафолати конститутсионии ҳифзи ҳуқуқи инсон, ҳуқуқ ва иқтисодиёт - таъмини волоияти ҳуқуқ ва шароити мусоиди корӣ, сиёсати ҷиноятӣ ва мурофиавӣ - ҷиноятии ҷумҳурӣ, ҳуқуқи инсон дар самти Ҳадафҳои рушди устувор мавриди таҳлили амиқ ва баррасӣ қарор гирифтанд.
Маҳмадалӣ Ватанзода, ёрдамчии Президенти Ҷумҳурии Тоҷикистон оид ба масъалаҳои ҳуқуқӣ - намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олӣ, тазаккур дод, ки роҳбарияти олии кишвар ба масъалаҳои таъмини қонуният, волоияти қонун ва ҳифзи ҳуқуқу озодиҳои инсон ва шаҳрванд таваҷҷуҳи доимӣ зоҳир менамояд. Дастовардҳое, ки дар даврони соҳибистиқлолӣ дар самти таҳкими волоияти қонун ба даст овардем, маҳз аз қабули Конститутсия сарчашма мегиранд. Зеро ин санади олии ҳуқуқӣ бори нахуст ҳуқуқбунёдии давлатро эълон дошт, ки яке аз унсурҳои асосии он волоияти қонун ба шумор меравад. Мавсуф оид ба зарурати таҳия ва пешниҳоди Консепсияи сиёсати ҳуқуқии Ҷумҳурии Тоҷикистон барои солҳои 2018-2028 ибрози назар намуда, таъкид кард, ки ҳадафи асосии он дастрасии мақсадҳои конститутсионӣ дар самти ҳимояи ҳуқуқу озодиҳои инсон буда, ба таҳкими минбаъдаи ҳимояи ҳуқуқу озодиҳои инсон ва шаҳрванд, ҳифзи соҳибихтиёрии кишвар, таъмини асосҳои ҳуқуқии ҳаёти давлатӣ ва ҷамъиятӣ, волоияти қонун ва тартиботи ҳуқуқӣ, рушди фаъолияти ҳуқуқэҷодкунӣ, тавсеаи низоми ҳуқуқии миллӣ, инчунин, танзими самараноки муносибатҳои ҷамъиятӣ такони ҷиддӣ мебахшад.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 13.11.2017    №: 231    Мутолиа карданд: 233

14.11.2017


Ҷаласаи якҷояи тадорукоти чорабиниҳои байналмилалӣ

Мулоқоти Сироҷиддин Аслов ва Эрлан Абдилдаев

Таъсиси шабакаи нави телевизионӣ

Бизнес - форуми соҳибкорони Тоҷикистону Ҳиндустон баргузор хоҳад гашт

Ҷаҳон дар як сатр

Ҳалокати беш аз 450 нафар аз заминҷунбӣ дар Эрон

Трамп ҷонибдори сабуксозии таҳримоти зиддирусӣ

Занон ва кӯдаконро аз Сурия ба Грозний оварданд

Коршиносон кишварҳоеро ном гирифтанд, ки аз тағйироти иқлим бештар зарар диданд

Чин. Минтақаи политсияро роботҳо «забт карданд»

13.11.2017


Ҷаҳон дар як сатр

Путин ва Трамп кишварҳои дунёро ба афзунсозии ёрӣ ба Сурия даъват карданд

Трамп қазияи «дахолати русӣ» - ро монеаи сунъии муносибатҳо номид

Пазироии Бангкок аз намояндагони СҲШ ва ЭСКАТО

Норасидтарин кӯдаки дунё дусола шуд

11.11.2017


Баррасии масъалаи истифодаи технологияҳои инноватсионӣ дар соҳаи роҳсозӣ

Тасвиби Ёддошти тафоҳум байни Вазорати мудофиа ва САҲА

Вохӯрӣ бо Мирча Чиопрага

Ҷарроҳии ройгони кӯдакон ва наврасон

ФУТБОЛ. Тими ҷавонони кишвар ба Чемпионати Осиё роҳхат гирифт

09.11.2017


Мулоқоти Сироҷиддин Аслов ва Муҳаммад Ҷавод Зариф

Баррасии масоили ҳамкории минтақавӣ дар соҳаи назорати маводи нашъаовар

Таҷлили Рӯзи милитсия дар Тоҷикобод

Роҳсозони ИДМ дар Душанбе ҷамъ омаданд

ФУТБОЛ. Ин бор миёни бонувон

Ҷаҳон дар як сатр

Путин ва Трамп дар ҳамоиши АТЭС қазияи ҶХДК - ро баррасӣ мекунанд

Артиши Сурия охирин истеҳкоми «Давлати исломӣ»-ро ба муҳосира гирифт

СММ давлатҳои арабро ба лағви муҳосираи Яман даъват намуд

Столтенберг: «Пас аз торумори «ДИ» амалҳои террористӣ дар Аврупо ва ИМА эҳтимол доранд»

Маҳви 54 ҳазор ҷангӣ дар Сурия

Дар Арабистони Саудӣ 800 миллиард долларро мусодира мекунанд

06.11.2017


Шукурҷон Зуҳуров ҳайати Парлумони Аврупоро ба ҳузур пазируфт

Тақвияти ҳамкориҳо бо Япония


Дар сомонаҳои дигари Тоҷикистон хонед