logo

иқтисод

КӮЛОБ. БА ҶАШНИ БУЗУРГ БО ДАСТОВАРДҲОИ ШОИСТА

Сокинони меҳнатқарини шаҳру деҳоти Кӯлоб ҳамеша дар пешрафти ҳаёти иқтисодию иҷтимоии Тоҷикистони азиз, иҷрои саривақтии қарору барномаҳои Ҳукумати кишвар, хусусан амру супориш ва ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, саҳми арзанда мегузоранд.  

Алҳол маҷрои саъю талош баҳри он равона шудааст, ки  барномаи Ҳукумати Ҷумҳурии Тоҷикистон «Дар бораи рушди иқтисодию иҷтимоии шаҳри Кӯлоб барои солҳои 2015 - 2019» - ро пурра  амалӣ намуда, шаҳру деҳотамонро боз ҳам ободу шукуфотар созем. Барномаи мазкур 262 лоиҳаро ба маблағи умумии 1 миллиарду 46 миллион сомонӣ дар бар мегирад. Тайи ду соли гузашта 119 лоиҳа ба маблағи 340 миллиону 726 ҳазор сомонӣ иҷро гардид, ки 56,7 фоизи иҷрои барномаи мазкурро ташкил мекунад. Соли равон амалӣ намудани 120 лоиҳа ба маблағи умумии 193 миллиону 764 ҳазор сомонӣ пешбинӣ гардидааст.
Татбиқи барнома, пеш аз ҳама, ба рушди соҳибкорӣ ва афзудани шумораи хоҷагиҳои деҳқонӣ мусоидат намуд, шумораи соҳибкорон 4233 нафар афзоиш ёфта, миқдори  хоҷагиҳои деҳқонӣ ба 2088 адад расид. Мунтазам бо соҳибкорон вохӯриҳо баргузор гашта, тибқи «Равзанаи ягона» ба онҳое, ки мақсади бунёди корхонаҳои саноатиро доранд, дар муддати 5 рӯз қитъаи замин ҷудо карда мешавад. Барои рушди фаъолияти соҳибкорӣ тамоми имконияту  шароит фароҳам оварда шудааст ва  дар ин самт ҳеҷ гуна  маҳдудияте мавҷуд нест. Натиҷаи ҳамин буд, ки ба наздикӣ аз ҷониби гурӯҳи соҳибкорон Қасри фарҳанги дар ҳоли садамавӣ қарор  - доштаи деҳаи Даҳанаи деҳоти Даҳана ба таври замонавӣ таъмиру азнавсозӣ гардид. Бо ҳамин усул иншооти дигари садамавӣ, яъне қасри фарҳанги деҳаи Ҳакимободи деҳоти Зиракӣ таҷдид гашта истодааст. Дар ободу дилкаш гардондани  боғи «15 - солагии Истиқлолияти давлатии Ҷумҳурии Тоҷикистон» ва дар он гузоштани муҷассамаи Модар  саҳми соҳибкорон шоистаи таҳсин аст.
Дар давоми 4 сол бо ташаббуси  соҳибкоронамон 150 иншооти таъйиноташон гуногун мавриди баҳрабардорӣ қарор гирифтанд, ки аз ин ҳисоб 13 корхонаи хурди саноатӣ ва 45 коргоҳ мансуби соли ҷорианд. Бо дастгирии як гурӯҳ соҳибкорони саховатпеша 6,5 километр роҳҳо сангфарш карда шуданд.  Соҳибкорони Кӯлоб аз вохӯрии навбатии Сарвари давлат рӯҳу ғайрати тоза гирифта, азм доранд, ки ба ҷараёни  амалҳои бунёдкорию созандагӣ суръати тоза бахшанд.
Барои ҷалби бештари  сармояи хориҷӣ бо созмонҳои  байналмилалӣ ҳамкории доимӣ дорем. Дар деҳаҳои Калоту Файзободи Ҷамоати деҳоти Даҳана ва деҳаи ба номи М. Ғафурови Ҷамоати деҳоти Зиракӣ бо харҷи 500 ҳазор доллари амрикоӣ кандани чоҳҳои амудӣ ва ба ҳавлии сокинон кашидани хати  оби тозаи ошомиданӣ натиҷаи ҳамин ҳамкорист.
Дар натиҷаи тадбирҳои роҳандозишуда нақшаи нуҳмоҳаи андоз барзиёд иҷро гардид. Тайи 9 моҳ 10 ярмаркаи ҷойҳои нави кори  холӣ баргузор шуда, 1213 нафар корҷӯён бо ҷойи кори доимӣ таъмин гардиданд.
Корхонаҳои саноатӣ якҷо бо бахши хусусӣ ба миқдори 29,9 миллион сомонӣ маҳсулот истеҳсол намуданд ва рушди соҳа 24, 6 фоизро ташкил дод. Бо дастгирии мақомоти иҷроияи ҳокимияти  давлатии шаҳр корхонаҳои дӯзандагӣ, аз ҷумла «Кооператор», «Пойафзол» «Мунаввара-М», фаъолияти истеҳсолиашонро беҳтар карда, барои муассисаҳои таълимӣ  либосҳои ягона  омода сохтанд.
Айни ҳол дар бахши кишоварзӣ – яке аз соҳаҳои асосии иқтисодиёти шаҳру деҳоти Кӯлоб ислоҳоти ҷиддӣ идома дорад. Маҷмӯи маҳсулоти кишварзӣ 288,9 миллион сомониро ташкил дод, ки нисбат ба ҳамин давраи соли гузашта 9, 9 миллион сомонӣ зиёд аст. Кишоварзон дурнамои истеҳсоли ғалладонаро 104, 2, сабзавотро 101, картошкаро 102, 5 ва полезиро 105 фоиз  иҷро намуданд. Дар майдони 2096 гектар кишти такрорӣ гузаронда шуд, ки назар ба дурнамо 20 гектар зиёд аст.
Дар деҳоти Кӯлоб соҳаи моҳипарварӣ  дар ҳоли рушд қарор дорад. Аз ҳисоби заминҳои санглох 36 хоҷагии моҳипарвар ташкил карда шуд. Майдони умумии ҳавзҳо 79,8 гектарро ташкил медиҳад. Моҳипарварон дар нуҳ моҳ ба бозорҳои минтақаву вилоят  104 тонна моҳӣ ворид намуданд.
Шаҳру деҳоти  Кӯлоб аз нигоҳи ҷойгиршавии ҷуғрофӣ яке аз минтақаҳои осебпазир маҳсуб меёбад. Ин ҳолат водор мекунад, ки ҳамеша дар ҳоли омодагӣ қарор дошта бошем. Алҳол лоиҳаи инвеститсионии мустаҳкамсозии соҳили сойи Тебалай амалӣ карда мешавад. То имрӯз ба андозаи 5,6 миллион сомонӣ корҳои соҳилмустаҳкамкунӣ ба анҷом расидаанд. Дар мавзеъҳои хатарзойи Зарқалъа, Хоҷа Исҳоқ ва Офтоблиқо низ бо дастгирии Барномаи рушди Созмони Милали Муттаҳид ба андозаи 11, 4 миллион сомонӣ  соҳилҳо мустаҳкам ва аз хатар эмин гардонда шудаанд.
Дар шаҳру деҳотамон 70 муассисаи таълимӣ бо фарогирии 45164  хонанда фаъолият менамояд. 3065 нафар омӯзгорон машғули кори таълиму тарбияанд. Барномаи комютеркунонии муассисаҳои таълимӣ 115 фоиз иҷро гардид.
Бо назардошти Соли ҷавонон эълон гардидани соли равон 65 чорабинии оммавӣ – фарҳангӣ ва тарбиявӣ доир гардид. Аксари ин чорабиниҳо ба мавзӯъҳои ватандӯстӣ ва  пешгирии гароиши ҷавонон ба ҳизбу ҳаракатҳои иртиҷоӣ бахшида шудаанд.
Сокинони Кӯлоб азм доранд, ки соли хоҷагии 2017 - ро бо дастовардҳои шоистаи меҳнатӣ ҷамъбаст намуда, Ҷашни бузурги 25 - солагии Иҷлосияи XVI Шӯрои Олии Ҷумҳурии Тоҷикистонро дар сатҳи баланди ташкилию сиёсӣ истиқбол намоянд.
Хайрулло АМОНУЛЛО,
раиси шаҳри Кӯлоб


Баёни ақида (0)    Санаи нашр: 13.11.2017    №: 231    Мутолиа карданд: 727

14.12.2018


Масъалаи густариши ҳамкориҳо матраҳ гашт

Баргузории ҷаласаи Шӯро оид ба шарикии давлат ва бахши хусусӣ

Машварати сиёсии Тоҷикистону Олмон

Лукашенко: «Бозори Россия барои Беларус якумрӣ кифоят мекунад»

Вазири олмонӣ таҳримоти нави зиддирусиро нахост

Дар Сурия беш аз 30 ҳазор манзилро барқарор намуданд

Таҷлили 90-солагии нависандаи зиндаёд Чингиз Айтматов дар Қирғизистон

Ҷаҳон дар як сатр

Як вохӯрии муҳим

13.12.2018


Иштироки Азим Иброҳим дар Форуми ҳамкории Чин ва Осиёи Марказӣ

Шаҳри Душанбе бо музофоти Хайнан бародаршаҳр гардид

Вохӯрии Заробиддин Қосимӣ бо Абдулазиз ибни Абдулкарим ал-Исӣ

Мадуро вохӯриашро бо Путин таърихӣ унвон кард

Қазоқистон 50 номгӯи маҳсулотро ба содирот баровард

Дабири кулли СММ: «Лағви шартномаи Париж «худкушист»

Голикова: «Собиқадорони Ҷанги Бузурги Ватанӣ ҳамагӣ 1,4 миллион нафар мондаанд»

Дар Қирғизистон домоди қотил 20 сол зиндонӣ шуд

Ҷаҳон дар як сатр

12.12.2018


Мулоқоти Низомиддин Зоҳидӣ бо Лю Бин

Таҳкими ҳамкориҳо бо Бонки аврупоии таҷдид ва рушд

Таъсиси шӯрои рушди маориф

Қазоқистон калонтарин дар ИДМ неругоҳи барқи офтобиро ба кор даровард

Дар Қирғизистон ба волидони кӯдакони маъюб маош таъйин мекунанд

Чин ваъдаи кам кардани боҷ ба автомобилҳои амрикоиро баҷо меорад

Ҷаҳон дар як сатр

ГӮШТӢ. Тоҷикистон 6 медали тилло ба даст овард

РОҲ БА СӮИ ТОКИО. Ҷаласаи машваратӣ бо федератсияҳои варзишӣ

ХУҶАНД. Бунёди 5 иншооти нав

МУЪМИНОБОД. "Якарча" ба кор даромад

СММ: “Аз коррупсия иқтисоди ҷаҳонӣ соле 2,6 триллион доллар талаф медиҳад”

Дар Стокголм ҷоизаҳои Нобел барои соли 2018 супурда шуданд

Катрунгалос: «Муносиботи мо бо Россия самимитар гашт»

Дар Қазоқистон нархи яклухти барқ ва газро паст мекунанд

Ҷаҳон дар як сатр


Дар сомонаҳои дигари Тоҷикистон хонед