logo

сиёсат

ҚАСРИ АРБОБ. ОШЁНЕ, КИ ТОҶИКИСТОНРО БА КИШВАРИ ВОҲИД ТАБДИЛ ДОД

Вақте кас ба шаҳри бостонии Хуҷанд сафар мекунад,  ҳатман ба тамошои Қасри Арбоб меравад. Зеро ин макони муқаддас дар таърихи навини халқи тоҷик нақши мондагор дорад. Дидани қасри бошукӯҳ боз як бори дигар Иҷлосияи таърихии 16 – уми Шӯрои Олии Ҷумҳурии Тоҷикистон ва муҳокимаҳои дурударози  вакилони мардумиро зимни  ин чорабинии бузурги сиёсӣ пеши рӯ меорад. Ҳарчанд ин қаср қаблан низ шаҳомати бузург дошт,  аммо  баргузории  иҷлосияи тақдирсоз  ба он шуҳрати ҷовидонӣ бахшид. 

 Корнамоӣ ва ҷоннисориҳои  Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҳамин кохи азим оғоз ёфта, мамлакатро аз вартаи ҷанг берун кашид ва  ба як кишвари шукуфону рӯ ба тараққӣ табдил дод.  Аз ин ҷост, ки торафт ин боргоҳи сиёсат  қадру қимати баландтар касб мекунад ва  назди миллат муқаддастар мегардад.
Абдузаффар Иномов, директори Муассисаи давлатии «Қасри Арбоб», изҳор дошт, ки Сарвари давлат  ҳанӯз соли 1994  зимни баромади пешазинтихоботии  хеш дар шаҳри Хуҷанд аз қаср  дидан намуда,  диққати иштирокчиёнро ба ободу зеботар сохтани он  ҷалб намуданд. Баъдан дар доираи 60 - солагии вилояти Суғд бо дастуру супориши Президенти кишвар қаср пурра таъмир гардида, чорабиниҳои фарҳангӣ дар ин ҷо барпо гардиданд.
 23 марти соли 2001 бошад,  бо ҳузури   Президенти кишвар муҳтарам Эмомалӣ Раҳмон   100 - солагии Саидхӯҷа Урунхӯҷаев дар Қасри Арбоб бо тантанаи хос  баргузор гардид ва  баъд аз як соли дигар  дар ин макон ҷашни 10 – солагии Иҷлосяи 16 – уми Шӯрои Олии Ҷумҳурии Тоҷикистон доир гашт. Бо  ин мақсад он бори дигар навсозӣ шуд. Бо дастури Президент ба муносибати ин санаи хотирмон дар қаср як толори зебо барои гузарондани маҷлису ҷамъомадҳо ва осорхонаи хоҷагии ба номи Саидхӯҷа Урунхӯҷаев  сохта шуданд, ки ба ҳусни он зебоии дигар зам намуданд. Ҳамин тавр, соли 2007 дар остонаи  15 -  солагии иҷлосия дар Қасри Арбоб чорабиниҳои гуногун барпо  гардида, дар бинои он таъмири ҷорӣ ба роҳ монда шуд.
 Соли 2012 дар арафаи таҷлили 20 – солагии Иҷлосияи 16 – уми Шӯрои Олии Ҷумҳурии Тоҷикистон  бо ташаббуси Сарвари давлат корҳои таъмиру навсозии қаср боз ҳам вусъат гирифтанд. Ба маблағи беш аз 25 миллион сомонӣ  бинои кохи  мазкур  ба таври куллӣ таъмир шуд, ки давоми 55 соли фаъолияти он чунин навсозӣ сурат нагирифта буд. Меъморони моҳири кишвар дар пештоқи  қаср ба таври рамзӣ аз сангҳои мармари  қаъри  уқёнуси Ҳинд 16 сутуни нав  гузоштанд. Ҳамчунин,  дар  шафати  Қасри Арбоб Чойхонаи  миллӣ бо тарҳ ва кандакории миллӣ бунёд гардид. 19 ноябри ҳамон сол дар доираи чорабиниҳои ҷашнӣ бо иштироки Сарвари давлат он мавриди истифода қарор гирифта,  ҷамъомади тантанавӣ барпо гашт.  Дар радифи корҳои зиёди бунёдкорию созандагӣ ва сохтмони иншооти гуногуни фарҳангию фароғатӣ соли 2015 бо супориши бевоситаи Пешвои миллат  дар назди Қасри Арбоб  боз  амфитеатри замонавӣ бунёд ёфт, ки имрӯзҳо яке аз маконҳои асосии баргузории чорабиниҳост.
Ба замми корҳои зиёди созандагию ободкории солҳои пешӣ имсол низ намо ва дохили бинои қаср ва иншооти он, аз ҷумла Чойхонаи миллӣ ва амфитеатр  навсозӣ гардиданд.  Саҳни  қаср ва гирду атрофи он пурра чароғон гардонда шуд. Лавҳаю  шиорҳои шодбошӣ,  навиштаҷоти гуногуни  ороишёфта  дар пештоқу даруни қаср аз омодагии ҳамаҷонибаи он барои истиқболи  25 – солагии Иҷлосияи хотирмони 16 – уми Шӯрои Олии Тоҷикистон  шаҳодат медиҳад.
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 14.11.2017    №: 232    Мутолиа карданд: 1067

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед