logo

фарҳанг

БОЗДИДИ ТОЗА БО АЙНӢ

Ман ба ин муҷассамаи хиёбонӣ аз навҷавонӣ одат карда будам. Вақте ки моҳи сентябри соли 1961 донишҷӯи ДДТ (имрӯза Донишгоҳи миллии Тоҷикистон) шудам, ҳар рӯз чанд бор аз хиёбони устод Айнӣ ва аз майдоне, ки дар рӯ ба рӯйи Осорхонаи кишваршиносии ба номи Беҳзод мавқеъ дошт, мегузаштам ва фарзанди бузурги миллатро болои курсии на чандон баланде нишаста, ғарқи хаёлу андеша медидам. Дар атроф биноҳои баланд қад афрошта буданд ва муҷассамаи кӯчаки устод ба назарам аз ҳамаи онҳо болотар менамуд.
Баъдан ба ҷойи ин муҷассама маҷмааи пуршукӯҳе қомат афрохт, ки он ҷо устод бо қаҳрамонони асарҳои ҷовидонаи худ пеши назар ҷилвагар гардид. Бояд зикр кард, ки ин маҷмаа ҳамчун шоҳасар ба дарёфти Ҷоизаи давлатии Иттиҳоди Шӯравӣ мушарраф гардид. Дар миёни офарандагони ин шоҳкорӣ меъмори тоҷик, бародари хурдии нависандаи бемарги мо Пӯлод Толис – шодравон Рустам Каримов низ буд...
Аммо ман ба ҳамон муҷассамаи хиёбонии устод Айнӣ одат кардаам. Ҳар гоҳ ки ба зодгоҳам ноҳияи Айнӣ меомадам, ҳатман онро, ки аз Душанбе ба ин ҷо оварда буданд, зиёрат мекардам. Ва ҳамеша навҷавониам, аввалин шиносоиям бо пойтахти Ватан, дарёфти нахустин дӯстони навқаламам ба ёдам меомад.
Ҳарчанд муҷассама дар ҳалқаи силсилакӯҳҳо ва дар паҳлуи манори бостонии Варзи Манор ҳамчунон кӯчак менамуд, шаҳомати устод Айнӣ аз ҳамаи шаҳоматҳо пуршаҳоматтар буд.
Ҷойи ифтихор аст, ки бо ташаббуси мақомоти иҷроияи маҳаллии ҳокимияти давлатии ноҳияи Айнӣ, бавижа раиси муҳтарами он Неъматулло Раҳматуллозода дар арафаи Рӯзи забони давлатӣ курсии устодро ба маротиб баланд бардоштанд, майдони сабзу хуррам ва пургулу сабзаро ба миён оварданд. Акнун онҳое, ки ба зиёрат меоянд, дар деворнигораҳои атроф манзараҳои дилангези ин диёрро мебинанд, ки номи устод Айниро дорад.
Як лаҳзаи фаромӯшношудании ин рӯйдод он буд, ки аз Душанбе, Кӯлоб, Хуҷанд, Панҷакент ва дигар шаҳру ноҳияҳо ононе ҷамъ омада буданд, ки дар озмуни якҷояи рӯзномаи «Ҷумҳурият» ва мақомоти иҷроияи маҳаллии ҳокимияти давлатии ноҳияи Айнӣ дар мавзӯи устод ва забони тоҷикӣ ширкат доштанд.
Дар толори кохи фарҳанг, ки номи Туғрали Аҳрориро дорад, намояндагони тамоми деҳаҳои ноҳия ҷамъ омаданд ва як маҳфили гарму равшани эҷодии эҷодкорон бо мардуми ин ҷо сурат гирифт. Ин муҳаббату садоқати самимии мардуми Айнӣ ва аҳли эҷоди рӯзномаи “Ҷумҳурият” ба устод Айнӣ буд.
ГУЛНАЗАР,
Шоири халқии Тоҷикистон


Баёни ақида (0)    Санаи нашр: 15.11.2017    №: 233    Мутолиа карданд: 1105
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед