logo

иқтисод

КВД "КОРГОҲИ МАШИНАСОЗӢ": МАҚСАД БА КОР ДАРОВАРДАНИ КОРХОНАҲОИ ИСТЕҲСОЛИИ ВАТАНӢ

КВД «Коргоҳи машинасозӣ» фаъолияти худро асосан аз рӯи дархост ба роҳ монда, тибқи талаботи фармоишгар қисмҳои эҳтиётӣ истеҳсол мекунад. Корхона имрӯз ба нишондиҳандаҳои назаррас ноил шудааст. Агар соли 2016 дар коргоҳ ба маблағи 7 миллиону 342 ҳазор сомонӣ маҳсулот истеҳсол шуда бошад, дар 9 моҳи соли равон 7 миллиону 679 ҳазор сомонӣ маҳсулот истеҳсол  шудааст, ки нисбат ба соли гузашта 336 ҳазор сомонӣ зиёд мебошад.

Мутахассисони соҳа мувофиқи нақшаи дурнамо фаъолияти худро аз истеҳсоли неругоҳҳои хурд шурӯъ намуда, тайи солҳои  2000 - 2007 - ум  зиёда аз 20 адад неругоҳ бо иқтидори 35 кВт истеҳсол карданд. Онҳо дар ин муддат бо  муассисаи давлатии «Маркази идораи бахши электроэнергетика» - и назди Ҳукумати Ҷумҳурии Тоҷикистон, ки татбиқи лоиҳаҳои муҳими соҳаи электроэнергетикаи кишварро ба зимма дорад, ҳамкорӣ намуданд.
- Мақсад  аз ҳамкориҳо ин буд, ки дар заминаи инвеститсияҳои ҷалбшаванда корхонаҳои истеҳсолии ватанӣ ба кор дароварда шуда, истеҳсоли таҷҳизоти энергетикии сохти худӣ ба роҳ монда шавад. Зеро Ҳукумати ҷумҳурӣ  тибқи «Барномаи дарозмуддати бунёди силсилаи неругоҳҳои хурди барқӣ дар давраи солҳои 2007 - 2020» иқдом  гирифта буд, ки дар ноҳияҳои гуногуни кишвар  садҳо неругоҳҳои хурд сохта ба истифода диҳад. Дар баробари ин, Ҳукумати ҷумҳурӣ  мақсад дорад, ки шумораи чунин неругоҳҳои хурди дар оянда сохташавандаро барои пурра аз худ намудани захираҳои гидроэнергетикии дараҷаҳои хурд, бо назардошти манфиатҳои давлат ва шароити рӯз зиёд намояд. Корхонаи мо имкон  дорад, ки истеҳсоли неругоҳҳоро бо тавоноии 75 кВт, 100 кВт, 300 кВт аз худ  намояд. Аз ин рӯ, тибқи супориши Ҳукумати ҷумҳурӣ  мо ҳамкориро бо корхонаҳои бузурги Ҷумҳурии Беларус шурӯъ намудем, - гуфт  Комил Сангаков, ҷонишини директор оид ба истеҳсолот.
Моҳи майи соли 2012 Барномаи рушди Созмони Милали Муттаҳид барои рушди энергетикаи хурд (неругоҳҳои хурд) дар Ҷумҳурии Тоҷикистон оиди ҷорӣ намудани технологияҳои нав озмун (тендер) эълон намуд. Дар озмун коргоҳ бо барномаи таҳиянамудаи худ ғолиб омад. Ширкати хориҷии «Kompeg» рӯйхати таҷҳизоти лозимиро барои ҷорӣ намудани технологияҳои нав барои истеҳсоли НБО – ҳои хурд бо иқтидори аз 5 кВт то 100 кВт ва маводи графикии онро таъмин намуд. Баъд аз амалӣ намудани созишнома бо ин ширкат ва ҳамкории дуҷониба корхона ба истеҳсоли қисмҳои эҳтиётии неругоҳҳои гуногуниқтидор шурӯъ намуд.
Яке аз самтҳои  асосии фаъолияти корхона истеҳсоли маҳсулоти гуногун барои соҳаҳои хоҷагии қишлоқ мебошад. «Коргоҳи машинасозӣ»  бо «Тоҷикагролизинг» дар соли 2017 ба маблағи 10 миллиону 500 ҳазор сомонӣ шартнома бастааст. Тибқи шартнома 27 навъи маҳсулот, аз ҷумла машинаҳо барои коркарди хок, якчанд навъи плуг, сихмола, ҷӯяккашак, чизел, гандумкӯбак, қисмҳои эҳтиётӣ барои хоҷагиҳои обёрӣ ва ғайраро истеҳсол менамоянд. Барои ободонии шаҳру ноҳияҳои ҷумҳурӣ низ саҳми корхона назаррас мебошад. Тибқи фармоиш маҳсулоти гуногун, аз қабили  сарпӯши канализатсия, курсиҳои оҳанин, обравонкунакҳо, панҷараҳои зебо ва ғайра истеҳсол карда мешавад. Дар корхона имрӯз 305 нафар корманд фаъолият мекунанд.
- Мо кӯшиш дорем, ки дар оянда номгӯйи маҳсулотро зиёд намоем. Бо ин мақсад як хатти истеҳсоли сақоро насб кардем ва дар рӯзҳои наздик он ба  фаъолият оғоз хоҳад кард. Мувофиқи дурнамо корхона  маҳсулотеро истеҳсол мекунад, ки дар бозор талабот дошта, рақобатпазир  гардад, - гуфт К. Сангаков.      
Матлубаи АБДУҚАҲҲОР,  «Ҷумҳурият»


Баёни ақида (0)    Санаи нашр: 15.11.2017    №: 233    Мутолиа карданд: 862

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр


Дар сомонаҳои дигари Тоҷикистон хонед