logo

сиёсат

ПЕШВОИ МИЛЛАТ, ИСТИҚЛОЛИЯТ ВА МИЛИТСИЯИ ТОҶИК

Истиқлолият беҳтарин арзишест, ки ҳастии халқу миллатро ифода намуда, орзуву омоли ватандориро дар худ таҷассум месозад. Саҳм ва мавқеи сохтору ниҳодҳои давлатӣ, аз ҷумла Вазорати  корҳои дохилӣ зери роҳбарии Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ Эмомалӣ Раҳмон баъд аз баргузории Иҷлосияи ХVI Шӯрои Олӣ дар таҳкими пояҳои давлатдорӣ ва истиқлолияти комили  кишвар хеле назаррас аст.
Дар таҳкими сулҳ ва устувории пояҳои давлатдорӣ, ҳифзи тартиботу оромии ҷомеа, ки имрӯзҳо ҷомеаи гуногунмиллати Тоҷикистон зиндагии осударо соҳиб аст, кормандони мақомоти корҳои дохилӣ нақши арзанда доранд. Дар ин муддат кормандони милитсия ҳангоми иҷрои вазифаҳои хизматӣ аз худ намунаи баланди ҷасорату мардонагӣ нишон дода, ҳамқадам, муҳофиз, мубориз ва сипари боэътимоди истиқлолият ва халқи кишвар будани худро исбот намуданд.
Кормандони мақомоти корҳои дохилӣ, аз ҷумла милитсияи вилояти Суғд, дар тамоми чорабиниву амалиётҳои дастгиркунии гурӯҳҳои ҷиноятпеша дар сафи пеши мубориза қарор доштанд. Дар ин замина иштироки онҳо дар таъмини амният ва ҳифзи тартиботи ҷамъиятӣ дар минтақаҳои ҷануби ҷумҳурӣ дар солҳои 90-уми асри гузашта, корнамоиҳои онҳо дар моҳи ноябри соли 1998 бар зидди гурӯҳи мусаллаҳи ҷинояткор, ки мақсади халалдор сохтани тинҷиву оромии вилоят ва бо роҳи зӯроварӣ ба даст овардани ҳокимиятро доштанд, пешгирии амалҳои террористӣ ва экстремистӣ дар минтақаҳои гуногуни мамлакат, муайян ва дастгир намудани аъзо ва пешвоёни иттиҳодияҳои ҷиноятӣ назаррас аст.
Пешвои муаззами миллат муҳтарам Эмомалӣ Раҳмон дар мулоқот бо кормандони мақомоти корҳои дохилӣ фаъолияти мақомоти милитсияро дар таҳкими пояҳои давлатдорӣ намунаи ибрат арзёбӣ намуда, таъкид карда буданд: «Ман аз ҳар кадоми шумо миннатдорам, ки бо дарки масъулияти баланд, ҳисси ифтихори миллӣ ва ватандӯстиву садоқат вазифаву уҳдадориҳои худро дар назди давлат ва халқи худ адо менамоед. Зеро милитсия ҳомии низому тартиботи ҷамъиятӣ, муҳофизатгари боэътимоди халқ ва давлати Тоҷикистон мебошад. Милитсия посдори суботу оромӣ ва кафили осудагиву хотирҷамъии мардум мебошад». Ин баҳои баланди Сарвари давлат боиси боз ҳам афзудани ҳисси ифтихори касбии ҳайати шахсии мақомоти корҳои дохилӣ ва рӯҳбаландии онҳо барои иҷрои содиқонаи вазифаҳои хизматӣ дар назди халқу Ватани маҳбубамон гардидааст. 
Зикри як нукта муҳим аст, ки бо дастгирии Ҳукумати мамлакат таҳкурсии моддиву техникии мақомоти корҳои дохилӣ ва сохторҳои он, барои дар сатҳи баланди касбӣ иҷро намудани вазифаҳои хизматӣ, бо иншооти замонавӣ ва таҷҳизоту воситаҳои муосири техникӣ мунтазам таҳким бахшида мешавад.
Беҳсозии шароити хизмат ба пешрафти кори мақомоти милитсияи вилояти Суғд мусоидат намуд. Дар натиҷаи дуруст ба роҳ мондани фаъолияти оперативӣ-хизматӣ мақомоти корҳои дохилии вилоят ба натиҷаҳои баланди хизматӣ ноил гардид. Маҳз фароҳам овардани шароити корӣ боис гардидааст, ки тайи панҷ соли охир дар самти бақайдгирии ҷиноятҳо натиҷаҳои мақомоти корҳои дохилии вилояти Суғд нисбат ба дигар минтақаҳои ҷумҳурӣ беҳтар гардида, фоизи кушодашавии ҷиноятҳо сол ба сол афзуда истодааст. Таъмини ошкорсозии ҷиноятҳои вазнин ва махсусан вазнини изтиробангези таъсири васеи ҷамъиятидошта, кушторҳои бераҳмона, роҳзанӣ, ғоратгарӣ, безараргардонии гурӯҳҳои муташаккили ҷиноятӣ, ҷиноятҳои муқобили амнияти давлатӣ, боздошти ашхоси нашъаҷаллоб, мусодираи яроқу аслиҳа ва даҳҳо дигар намуди ҷиноятҳо, ки милитсияи вилояти Суғд ошкор намудааст, пеш аз ҳама, бозгӯи маҳорату  истеъдоди касбӣ ва тарзи дурусти коргузориро дар ин ниҳод нишон медиҳад.
Мардуми фарҳангпарвару асолатшиноси тоҷик дар таҷлили яке аз ҷашнҳои фархунда - 25 - солагии Иҷлосияи ХVI Шӯрои Олии Ҷумҳурии Тоҷикистон қарор доранд. Ин иҷлосияи таърихӣ ба саҳифаи таърихи навини халқи тоҷик ҳамчун рамзи иҷлосияи наҷотбахшу сарнавиштсоз ва тақдирсоз ворид гардида, давлати навбунёдро аз фанову парокандагӣ нигоҳ дошта, миллати тоҷикро аз гирдоби ҷангу ҷидол ва нобасомониҳо берун кашид. Ба таъбири Пешвои муаззами миллат муҳтарам Эмомалӣ Раҳмон иҷлосияи шонздаҳум тақдири ояндаи Истиқлолияти Ҷумҳурии Тоҷикистонро муайян ва халқи тоҷикро ба сӯи ҷомеаи мутамаддин ва арзишҳои волои башарӣ ҳидоят намуд.
Назарзода Шариф РАҲМОН,
сардори раёсати ВКД - и Ҷумҳурии
Тоҷикистон дар вилояти Суғд,
генерал- майори милитсия


Баёни ақида (0)    Санаи нашр: 17.11.2017    №: 235    Мутолиа карданд: 970

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед