logo

сиёсат

ҚАСРИ АРБОБ ВА РОҲИ СУЛҲУ ВАҲДАТ

Қасри Арбоб бинои муҳташаму овозадор мебошад. Худи бино ва чойхонаи таърихии он бо санъати ҳайратовари меъмории  тоҷикӣ сохта шудааст. Он рӯзҳои таърихиву сарнавиштсозро ба хотир дорад. Бо сипарӣ шудани 25 сол ҳамоно шукӯҳу бузургии он бештару бештар гаштааст. Расму ҳуҷҷатҳои толору роҳравҳои қаср  аз иҷлосияи таърихӣ ҳикоят доранд. Ангораҳо ва расмҳои  нотакрор  бозгӯи таърихи навини  Тоҷикистон ва ба арсаи сиёсат қадам гузоштани  Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  мебошад.

Охир маҳз иҷлосияи тақдирсоз дар Қасри Арбоб вакили мардумӣ муҳтарам Эмомалӣ Раҳмонро ба сифати  Раиси  Шӯрои Олӣ эълон дошт. Маҳз дар ҳамин  иҷлосия рамзҳои давлатӣ  - Парчам ва Нишони давлатӣ  қабул ва тасдиқ шуданд.
Имрӯзҳо симои зебои қаср ба атроф ҳусн мебахшид. Таъмиру тармими чойхонаи барҳавои миллӣ, меҳмонхона, биноҳои муосиру фаввораҳо ин гӯшаи сарсабзу хуррамро ба маъвои писандида табдил додааст. Дар оғӯши гулу буттаҳои ҳамешасабз оромгоҳи бунёдгузори қаср, раиси номдори кишвар, ду карат Қаҳрамони меҳнати сотсиалистӣ Саидхоҷа Ӯрунхоҷаевро дидам. Мақбара ҳам хеле ободу зеботар шудааст.
Ошноӣ бо Қасри Арбоб, мақбараи Саидхоҷа Ӯрунхоҷаев ва роҳраву толорҳои барҳавои  он моро ба андешаю ифтихор аз гузашта водор месозад. Асарҳои ҷудогонаи Тоҷӣ Усмон, Раҳим Ҷалил, Аминҷон Шукӯҳӣ, Аъзам Сидқӣ, «Имзои шахсӣ», «Печутоби роҳҳо», «Кӯчабоғи ошиқон», «Маъвои дил» маҳз ба хотири раиси номдор Саидхоҷа Ӯрунхоҷаев ва қасри Арбоб эҷод шудаанд. Дар китобхонаи ҷамоат расму мусаввараҳо, китобҳои ба ёдгор мондаи адибони машҳури тоҷик Мирзо Турсунзода, Мирсаид Миршакар, Боқӣ Раҳимзода, Ҷалол Икромӣ, Сотим Улуғзода ва дигар адибони машҳури оламро дидам. Расму ҳуҷҷатҳои дар китоби алоҳидаи «Ҷавлонгаҳи номварон» таҳия намудаи мақомоти иҷроияи вилояти Суғд ва шуъбаи суғдии Иттифоқи нависандагон ганҷи бебаҳоеро мемонад.
Шуҳрату овозаи қаср баъди баргузории Иҷлосияи таърихии XVI Шӯрои Олӣ дар саросари олам паҳн шуд. Зеро маҳз ҳамин иҷлосияи тақдирсоз роҳи ба эътидол овардани ҷумҳуриро пурра муайян намуд ва мардуми Тоҷикистонро барои расидан ба сулҳу оштии миллӣ раҳнамун сохт. «Иҷлосияи таърихии XVI Шӯрои Олии Ҷумҳурии Тоҷикистон, ки дар шаҳри Хуҷанд доир гардид, - қайд менамояд Асосгузори сулҳу Ваҳдати миллӣ - Пешвои миллат, Президенти ҷумҳурӣ муҳтарам Эмомалӣ Раҳмон, – иқдоми ғайриоддӣ, ҷасурона ва сарнавиштсоз, инчунин оғози роҳи душвори сулҳ, таъмини ваҳдати миллӣ ва ҳифзи тамомияти арзии Тоҷикистон буд.
Маҳз дар толори Қасри Арбоб дар айёми мушкили даргириҳо ва талошҳои дохилӣ фарзанди фарзонаи миллат Эмомалӣ Раҳмон Сарвари давлати тоҷикон интихоб шуда, ба марҳилаи нави ба эътидол овардани вазъи сиёсиву иҷтимоӣ асос гузошт. Маҳз дар ҳамин қаср ӯ Парчами ҷумҳуриро бӯсида, савганд ёд кард, ки тамоми донишу қувва, таҷриба ва маҳорати худро баҳри сулҳу осоиштагӣ, ободии Тоҷикистони азиз сарф мекунад, агар лозим шавад, ҷонашро низ нисор хоҳад кард.
Бешубҳа,  таърихи навини давлатсозии миллат бо Қасри Арбоб сахт вобаста мебошад, зеро баъди ҳамин иҷлосия   Пешвои миллат муҳтарам Эмомалӣ Раҳмон мамлакатро аз бунбасти энергетикию коммуникатсионӣ баровард ва Тоҷикистон дар арсаи байналмилалӣ соҳиби обрӯ шуд.
Ҳамин тавр, кохи бегазанди миллӣ Қасри Арбоб як ёдгори бебаҳои даврон аст, ки имрӯз ба маркази фарҳангӣ-меъморӣ табдил ёфтаас.
Маҷид САЛИМ, нависанда


Баёни ақида (0)    Санаи нашр: 20.11.2017    №: 236-237    Мутолиа карданд: 1091

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед