logo

сиёсат

ИҶЛОСИЯИ ТАЪРИХӢ ВА РУШДИ ҚОНУНГУЗОРИИ АФВ ДАР ҶУМҲУРИИ ТОҶИКИСТОН

Мусаллам аст, ки Иҷлосияи таърихии XVI Шӯрои Олии Ҷумҳурии Тоҷикистон дар ҳаёти сиёсиву иқтисодӣ ва иҷтимоии халқи тоҷик нақши муассир ва сарнавиштсоз дорад.
Он фаъолияташро дар давраи ниҳоят мушкилу хатарнок ва ҳассосе, ки ҷанги таҳмилии шаҳрвандӣ кишварамонро фаро гирифта буд, оғоз намуд. Нобасомониҳо, вазъияти шадиди буҳрони иқтисодӣ, сиёсӣ, аз вазъияти ноустувор суистифода намудани қувваҳое, ки душмани давлатдории халқи тоҷик ва Истиқлолияти давлатӣ буданд, боло гирифтани эҳсоси маҳалгароиву минтақапарастӣ ва мансабхоҳии гурӯҳҳо омилҳои манфие ба ҳисоб мерафтанд, ки оқибат боиси парешонии миллат гардида, бар асари ҷангу ҷидолҳо талафоти калони молию ҷонӣ ба мардуми кишвари азизамон расонда шуд.

Дар чунин як вазъи ҳассос мардум, пеш аз ҳама, оромию суботро мехост ва сулҳу салоҳро бузургтарин неъмат мешуморид. Аз рӯзҳои аввал Раиси тозаинтихоби Шӯрои Олӣ муҳтарам Эмомалӣ Раҳмон ба ҳамагон сиёсати сулҳҷӯёнаро  талқин менамуданд. Бо суханрониву нақшаҳо, ниятҳо ва аз ҳама муҳимаш, ифода ва дастгирӣ кардани манфиатҳои мардум Раиси Шӯрои Олӣ  муҳаббату боварии мардумро соҳиб гаштанд. Иқдому амалҳои шоистаи Сарвари давлат дар мавриди музокироти сулҳ, баргардондани гурезаҳо, қатъи ҷангу хунрезӣ, барқарор намудани артиш ва мақомоти ҳифзи ҳуқуқ, халъи силоҳ намудани гурӯҳҳои ғайриқонунии мусаллаҳ, бо маводи ғизоӣ таъмин кардани мардум, фаҳмондани ҳадафҳои сулҳ ва ваҳдати миллӣ  боварии ҳамагонро ба ояндаи нек қавӣ гардонд.
Иҷлосияи XVI Шӯрои Олии Ҷумҳурии Тоҷикистон қадами устуворе ҷониби иттиҳоду ҳамбастагии тамоми миллатҳо ва халқиятҳои сокини мамлакат буд. Он ба ташкили давлату ҳимояи сохти конститутсионии Тоҷикистон замина гузошт. Ин давраи хеле ҳассос ва сарнавиштсоз дар таърихи давлатдории  тоҷикон маҳсуб мешавад.
Дар иҷлосия бо сарварии Раиси Шӯрои Олӣ  беш аз панҷоҳ санади меъёрии ҳуқуқӣ қабул гардид. Қонунҳои Ҷумҳурии Тоҷикистон «Дар бораи гурезаҳо», «Дар бораи Парчами давлатӣ» ва дар радифи дигар санадҳо Қонуни Ҷумҳурии Тоҷикистон «Дар бораи аз ҷавобгарии ҷиноӣ, интизомӣ ва маъмурӣ озод кардани шахсоне, ки дар давраи аз 27 март то 25 ноябри соли 1992 ҷиноят ва амалҳои ғайриқонунӣ содир кардаанд» қабул гардиданд. Ин қонунҳо ба барқарор намудани сулҳ ва ризоияти миллӣ дар Ҷумҳурии Тоҷикистон мусоидат намуданд. Ба ин васила тадбирҳои амалисохтаи Сарвари давлат ба фаъолияти қонунгузории Тоҷикистони соҳибистиқлол ибтидо гузошт. Ҳамзамон, барои расидан ба якдигарфаҳмӣ, сулҳу субот ва ваҳдати миллӣ нақши санади ҳуқуқии афв беҳамто аст.
 Санадҳои меъёрии ҳуқуқии Шӯрои Олии Ҷумҳурии Тоҷикистон  «Дар бораи афв», моҳи июли соли 1993 ва августи соли 1994 бо мақсади  хотима бахшидан ба ҷанги дохилӣ  ба тавсиб расида буданд. Қарорҳои минбаъдаи Маҷлиси Олии Ҷумҳурии Тоҷикистон, аз 1 августи соли 1997 «Дар бораи афви иштироккунандагони муқовиматҳои сиёсӣ ва низомӣ»,  аз 13 ноябри соли 1998  «Дар бораи афви умумӣ», аз 14 майи соли 1999 «Дар бораи афви умумӣ» бошанд, марҳалаи аввали инкишофи қонунгузории афвро дар Тоҷикистони соҳибистиқлол анҷом доданд. Ҳамчунин, сиёсати инсондӯстонаи Пешвои миллат ва санадҳои афв боис гаштанд, ки 27 июни соли 1997 дар шаҳри Маскав Созишномаи умумии истиқрори сулҳ ва ризоияти миллӣ  ба  тасвиб расад.
Муҳимтарин дастоварди иҷлосия ин тантанаи қонун аз болои қонуншиканӣ, бозгаштан ба роҳи мусолиматомези ҳалли масъалаҳои тезутунди иҷтимоиву сиёсӣ ва ба бахти халқи тоҷик ба ҳайси Раиси Шӯрои Олии Ҷумҳурии Тоҷикистон интихоб гаштани Сарвари давлатамон буд. Чунки Сарвари давлат бо хислатҳои ҳамидаи худ ба мисли ватандӯстӣ, ҷасорат, масъулияти баланди вазифашиносӣ, садоқат ба мардум тавонистанд ба ҳар хонадон сулҳ биёранд, миллатро аз вартаи нобудшавӣ наҷот диҳанд, нуфузи кишвари азизамонро дар арсаи ҷаҳон баланд бардоранд.
Санадҳои ҳуқуқии афв бошанд, бори дигар собит сохтанд, ки роҳбарияти Ҳукумати Тоҷикистон бо сарварии Пешвои миллат тарафдори сулҳу осоиш буда, баҳри бунёди ҷомеаи ҳуқуқбунёду демократӣ азму талош доранд ва ҳимояи шарафи инсонии ҳар фардро вазифаи аввалиндараҷаи худ медонанд.
Барно
САИДВАЛИЗОДА,
сардори Раёсати ҳуқуқи Дастгоҳи иҷроияи Президенти Ҷумҳурии Тоҷикистон,
номзади илми ҳуқуқ


Баёни ақида (0)    Санаи нашр: 20.11.2017    №: 236-237    Мутолиа карданд: 1041

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР


Дар сомонаҳои дигари Тоҷикистон хонед